وحشتوني

[k0len]

السلام عليكم ورحمة الله وبركاتة

طبعا كل الناس الي هنا القديمة وحشاني جدا

فهد وقناص واحمد وحسام ومصطفي وحسين وبور

وناس كتير جدا وحشاني

وحبيت اسلم عليكم

واتكلم معاكم شوية وبراحة ..

انا لما سبت اللعبة من سنة .. مسبتهاش من فراغ .. لأني اتأكد من جوايا ان طالما ملفات السيستم بتاعت اللعبة اتسربت .. يبقي حاجة من الاتنين يا سيلك هتطور من نفسها عشان تقدر تنافس.. يا اما هتضيع
وطبعا مش محتاج اوضح اية الي حصل للعبة

لكن في الاؤل والاخر انا مزعلتش علي الوقت او الفلوس او او الي خسرتهم .. لأن كان في مكاسب كتيرة اخدتها من اللعبة زي اني اتعرفت علي ناس محترمة زيكم او استمعت بوقت كتير من اللعبة

لكن حاجتين عمري ما قبلتهم علي نفسي .. ان ادي للعبة اكبر من حجمها لأنها في الاؤل والاخر لعبة
اني مسرقش حد لأن مهما كان المبلغ قليل .. اسمها فلوس في الاؤل والاخر

انا لما اختفيت سنة ورجعت لقيت حاجات كتير وحشة اوي حصلت في القسم

الاصحاب بقو اعداء .. ناس اتسرقت... وناس بتسرق
ناس لسة بتصرف فلوسها علي اللعبة وبطريقة غير طبيعية .. طبعا انا مش هقدر اقولكم متصرفوش لأني انا شخصيا كنت بصرف .. لكن كنت بصرف بعقل .. ويمكن انا وقناص كسبنا اكتر ما خسرنا من اللعبة دي بالعقل وبالهداوة

ياريت تصفو خلافتكم الشخصية علي جنب .. وياريت كل واحد اتسرق منو حاجة يسامح ويكبر دماغو دي لعبة .. وياريت الي سرق حاجة يرجعها او علي الاقل يراضي الي قدامو

وفي الاؤل والاخر ياريت تشوفو مستقبلكم ودراستكم لانها الاهم

ونفتكر ان كل جنية بنرمية علي سيلك .. في ناس بجد مش لاقينو :)

ملحوظة صغيرة .. كان في هنا انسان محترم جدا اسمو حسام من الاسكندرية

كان لية عندي حق جولد حوالي 30 - 40 جنية مش فاكر وانا سافرت والموضوع اتقفل ومش بنشوف بعض او بنكلم بعض من ساعتها

ياريت لو يا حسام شوفت البوست دة ياريت تكلمني علي الياهو :)