هوبا بقى .. خودوا يا عيال اقولكم حاجه

[Solitary]

طبعآ العنوان للكل معادا اندرو وياسر وهيثم وخالد عشان اكبر منى :D
ممكن يمشى لياسر فرق سنه بس لا بردو يعنى نحترمه لحد اما ناخد حاجتنا :D

بإختصار كنت مستنى لحد اما ياسر يجى .. واهو جه بالسلامه
نرغى بقى

اول شئ .. قسم كروس فاير

الى بيلعبها عارف ان اللعبه مبنيه على حاجتين ,, حاجه اسمها zp وده زى السيلك والمعلنين شغالين فيه .. والحاجه التانيه دى هاكات .. هاك ضربه واحده هاك تشوف مين ورا الحيطه هاك تضرب من الحيطه ألخ ..

فطبعآ قسم الالعاب كله ميت عشان مافيش مشرف, لكن اللعبه نفسها لسه حلوه وشغاله طيب نعمل ايه عشان ننشط القسم ونخليه قسم عليه القيمه ؟ لازم يا نبيع zp يا نجيب هاكات ونبيعها ..

ال zp يا ابو العريف المعلنين بيبيعوه .. الهاكات ليه نبيعها ؟ مانجيبها ونحطها فى القسم من غير بيع ؟

يعنى بإختصار عايز اذن تانى انى انزل موضوع هاكات فى كروس فاير .. بس ماتقوليش ممنوع عشان القسم ماينفعش يبقى كده .. اللعبه كلها بتقوم على الهاكات فاحنا نمنعها ليه .. انا هاجيبها واسكانها وارفعها باسمنا واشرح ازاى تشتغل وصور ليها كمان ...


الحاجه التانيه بقى يا عيال هى .. الاقسام الى فيها استفسارات عمومآ .. والبوتات خاصتآ والاسبوت خاصتآ اوى


بأختصار دلوقتى انت مثلآ عضو وانا عمك المشرف .. دخلت انت وانت لسه سيس جديد فى البوت يعنى, دخلت تقولى مثلآ ازاى اعمل ريس فى البارتى .. طبعآ انا كمشرف هاتواضع لمستواك وارد عليك واقولك حط اسمه فى الريس ليست و امسك الكليريك وعلم على كذا و و و و .. طبعآ هايجى واحد سيس تانى زيك كعضو كده يعمل نفس الحوار وانا اقول نفس الكلام تانى .. وده على المدى الطويل بيفقع مرارة المشرف .. واول ما المراره تتفقع بيتحول بقدرة قادر من مشرف لمُصلح اجتماعى فى المنتدى وبيبتدى بقى يقولك تطوير وستايل والكلام الى زهقنا منه ده وطبعآ مع التنفيض بتاع استاذ خالد باشا بيه ,, بتلاقى المشرف زهق من كل حاجه وقرر انه يعتزل

فقررت بقى انى اعمل حاجه جديده فى اقسام البوتات وتنفع فى كل الاقسام الى بيبقى فيها استفسارات

وهى ان المشرف يعمل موضوع شرح لكل نقطه فى بوت القسم .. بمعنى بسيط

دلوقتى قلنا انك عضو سيس عايز تعرف ازاى تعمل ريس للبارتى او كعضو سيس تانى عملت الريس من موضوع الشرح بس عشان سيس عملت حاجه غلط ولا بتاع .. المشرف بقى يعمل موضوع بسيط كده مغلق مرمى فى القسم يقول بالصور ازاى يعمل ريس للبارتى

وكل حاجه بقى فى البوت واما يخلص كل المواضيع, يتعمل موضوع مثبت يتحط فيه لينك الموضوع باسم النقطه المشروحه فيه, واما تيجى انت كعضو سيس تطلب استفسار ازاى تعمل ريس هاديك لينك الموضوع واريح نفسى


رغاااااااااى اوى انت ..

قولولى بقى رأيكم ..