كل يوم قصة جديدة(متجدد)

[kemovip1]

بسم الله الرحمن الرحيم

ازيكوا يا اجمل منتدى يارب تكونوا بخير

النهاردة انا جايبلكم موضوع جديد اوى , معظم الناس فى سيلك رود بتلعب وكل مهمتها الـ Level وتظبت
الـ Set انما الغريب ان محدش يعرف ان 90% من اللعبة حجات حصلت بجد او قصص خرافية بس محدش يعرفها انا قولت لما اعملكم موضوع واهة بالمرة نستفيد من الحجات اللى بنحبها واحاول اجيب كل يوم قصة او اتنين على اد ما ربنا يقدرنى .
الاساطير دى كلها بجد ومش من تأليفى.

قصةالنهاردة هتكون عن

Medusa

دى قصة خيالية يعنى من الاساطير , ويكيبديا مكتوب فيها : هى كلمة يونانية بمعنى الملكة Μεδουσα "Queen"ميدوسا كانت في البدء بنتا جميلة، غير أنها اخطأت مع بوسيدون في معبد آثينا وهذا ماجعل آثينا تغضب، فحولتها إلى امرأة بشعة المظهر كما حولت شعرها إلى ثعابين وكان كل من ينظر إلى عينيها يتحول إلى حجر (زى ما بتعمل لما الارض تبقى بيضاء) المهم يا سيدى راح برسيوس قطع رأسها واهداها ل اثينا عشان قال يعنى يكسب حب اثينا ولكن تفاجئ لما قطع رأسها تحول الدم الى ثعابين لاتحصى .

ثانيا فى اسطورة اغريقية اخرى تقول : ان برسيوس كان بطل مشهور ومن اقوى الرجال فى البلاد , وفى الجزيرة المجاورة ساحرة مكروهة تسلط الحيوانات على الناس .
وفى يوم سلطت الساحرة تنين على الجزيرة اسمة كاراكون وكان التنين كثير المطالب ويريد القرابين والهدايا عشان يوديها للساحرة وفى يوم تطلب الساحرة من التنين احضار اجمل بنت فى الجزيرة وهى "اندريا" لقتلها. قام اية برسيوس راح الجزيرة وبالصدفة يرى الفتاة وهى تودع امها لأن لا مفر من هذا التنين الشرس وعندها وقع سى برسيوس فى حب الفتاة لانها كانت اجمل ما فى الجزيرة فقرر ان يقتل هذا التنين عشان يتجوز البت اندريا .
وكان بالقرب من هذة الجزيرة كهف مظلم تعيش فية افعى تدعى ميدوسا لها ايدى من نحاس وشعر مغطى بالتعابين ورأس كريهة من ينظر اليها يتحول الى حجر وكانت الساحرة نفسها تخشى هذة الافعى.
فأخذ برسيوس الشجاع سيفة ودرعة اللامع وذهب الى هذا الكهف وبدأ فى الدخول حتى اقترب من ميدوسا ولكن لم تراة وفجأة نظرت الية الميدوسا فاختبأ وراء درعة لكى لا تراة ولحسن الحظ رأت نفسها فى هذا الدرع الامع فتحجرت وعجزت عن التحرك فاسرع اليها برسيوس وقطع رأسها بسيفة واخذ الرأس فى حقيبة وعاد الى الجزيرة ليواجة التنين وقبل ان يختطف هذا التنين اندريا فتح برسيوس الحقيبة واخذ وجة ميدوسا امام التنين فعندما نظر اليها التنين تحجر وعجز عن الحركة وكانت نهايتة مثل نهاية ميدوسا واصبحت رأس ميدوسا سلاح قوى يواجة بة برسيوس اعداء الجزيرة وتزوج برسيوس من اندريا فى الجزيرة.

Pictures