ارجو دخول اللي فاهمين في الهاكر

[phbot.seller]

مع احترامي للجميع
دا ال عندي و رحم الله امرءا عرف قدر نفسه

انت تسعين في الميه عندك كيلوجر او جهازك مخترق و في الاغلب بطريقه بسيطه خالص و ببرامج هايفه
لان بكل بساطه مفيش انتي فيرس شغال ميه ف الميه و كمان في الف حاجه و حاجه لتشفير العميل ال في جهازك كما ان برده AVG ده من الاخر زي قلته انتي فيرس ضعيف جدا
و ال غيره و اقوى برده مش بنسبة 100%
و الوقاية خير من العلاج
جهازك مصاب ابدا من اول و جديد
بداية انسى نسخة الويندوز ال انت عليها دي خالص و نزل واحده جديده
و انت بتنزل النسخه في مرحلة الفورمات بتمسح الدرايف ال عليه النسخه و تعمله كريت تاني بنفس مساحته عشان ساعات فيروسات بتمسك في الروت بتاع البارتشن (نادره)
بعد ما تنزل نسختك (نسخه اورجنال بدون اي اضافات)
لا تفتح بارتشن و لا تحاول تعرف الدرايفرات ولا تنزل برامج و لا تشغل نت
باختصار اول ما النسخه تكمل تقفل الجهاز
تشيل الهارد تنزل لاقرب شركة كمبيوتر محترمه او واحد صاحبك فاهم سكان محترم بالكاسبر لانه من اقوى الانتي فايرس حاليا و طبعا لازم الجهاز ال هتكون عامل عليه الاسكان يكون نظيف تماما
و ممكن نتلاشى الخطوة دي و نختصرها بانك تنزل الاسطوانة ال العضو قالك عليها
اهم حاجه متستعملش الجهاز قبل الخطوة دي لان بمجرد استعمالك للجهاز و فتحك للفايلات و البارتشنات بتبدا الفيروسات تنتشر و تمسك في النسخه تاني بعد ما تخلص الخطوات دي تكمل برامجك و تعريفاتك
تدخل تبدا تغير بسورداتك المهمه

عندي اضافه بس ليك و للعضو ال رد عليك
90% من اصابات الهاك من برامج الهاك ذات نفسها
بيحطلك السم في العسل و من الصعب جدا اكتشافها لان اساسا البرنامج نفسه بيكون مقروء انه ملف مضر و في ناس كتير فاهمه النقطه دي الا انها بتتجاهلها
مبرمجين هاك كتير بيعتمدوا في ارباحهم على سرقة صغار الهاكرز و مع احترامي ليكم مش قصدي حاجه
بس الاستعمال بتاعكم ده بيصنفكم تحت مسمى صغار الهاكرز....المبتدا مثلا يقوم بالتجسس : غير مفيد بالنسبة للمبرمج ..... المبتدا يقوم بسرقة حسابات بايبال مثلا ساعتها بيبدا دامج ملف التجسس او المبرمج مثلا في مراقبتك و انتظار الخبطه المحترمه

الخطوات ال قلتهالك فوق تخلي
استحالة وجود ملف التجسس بنسخة الويندوز
استحالة وجود اي اتصال بين مخترقك و جهازك
استحالة وجود ملفات مشتبه بها على الجهاز
استحالة وجود كلمة مستحيل يعني باختصار كل دي عوامل زيادة امان

لو انت مشترك في شبكة نت نظام سرفر فاعرف ان صاحب الشبكه ممكن يهيك عليك
لو انت بتستخدم بروكسي و كلام من ده فاعرف ان سهل يتهيك عليك
لان البيانات بتعدي على طرف تالت رايحه جايه

و نزل انترنت سكيورتي مش انتي فيرس فقط

و في حاجه كمان عندك قايمة ال Taskmanger دي لو لاحظت بتعرفك كل حاجه شغاله عندك ع الجهاز
طبعا فيها حاجات مهمه تبع التعريفات او الويندوز او كده انت لو بتخلي بالك منها لو ظهر فيها اي حاجه جديده ابدا في تقصيها اعرف بتاعة ايه لان في الاغلب لما بينزل كيلوجر او ملف تجسس ع الجهاز بيفتح نفسه بالتالي بيظهر في التاسك منجر و ملفات التجسس القديمه كانت بتخليك متعرفش تفتح التاسك مانجر عشان متقدرش توقف عمل الملف المضر


نظم الامان خبره عمليه اكتر منها كلام
و فوق كل ذي علم عليم
و مهما حسيت انك عارف فاعرف انه لسه كتيييييييير اوي عشان تعرفه ولما تعرفه اعرف ان لسه فيه اكتر من الكتير ده