الحل في مشكلة +

[♠ MiZoSpaDe ♠]

المشاركة الأصلية كتبت بواسطة _pharaoh_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

قلتلك ميت مرة انا ملتزم دينيا يعني مش لما تيجي ممثلة فاسقة هروح اتصور معاها وبعدين متلومنيش ان انا مش عايز اتعامل معاهم مش جهل ولاهي ولا حد محفظني بس متعرفش انا مغلول منهم اد ايه في حاجة تاني انتة بتقول معنديش مانع اتعامل معاهم طب قولي ازاي المفروض هتتعامل مع حد سارق بيتك وبيت الفلسطينيين وبيقتلهم كل يوم وبيحلم يشوف كل العرب ميتتين وبعدين لو في واحد عاقل اتعامل معاهم هيتعامل معاهم بالقوة

للمرة العاشرة علشان محدش يفهمني غلط ويقول اني بنادي بالتعامل معاهم او بنادي بالتطبيع .. بالعكس تجنبه يبقا افضل علشان بالعربي مش عاوزين " فضايح "
لكن انا متهمتكش بالجهل .. انا بتهم بالجهل اللي اعتبروا القصة ديه تطبيع !!! في حين في نظري على الاقل هى مجرد لعبة .. فحضراتكم بالعربي وبكلامكم اعتبرتوني مطبع معاهم رسمي !!! فحبيت بس اوضح لحضراتكم ان بالعقل كدا كلكم مطبعين معاهم بشكل او بآخر .. وللاسف اللي جاب العرب ورا هو انغلاقنا بشكل كبير عن الثقافات التانية .. وبالتالي كل اللي فرحانين بيه هو الهرم وهو رمز ماسوني والثانوية العامة الفاشلة وكام مليون كل سنة بيتخرجوا زيهم زي الدكك اللي كانوا قاعدين عليهم ....

وللاسف تلاقي المصري في كل حتة على النت فرحان بنفسه وجاري يعاير جيرانه العرب بزويل وما الى ذلك واحنا عندنا وعندنا وانت معندكمش .. مع ان حالنا اسوا بكتير منهم وفي نفس الوقت الغرور على واحد بيتكلم لغتك وبيدين بدينك هو شئ قذر .. والرسول نهانا عنه .. السياسة اللي متبعة معاك في مصر هى تمجيد كل ما هو قديم وتحقير كل ما هو جديد علشان كدا احنا انقفلنا بعكس ما كنا زمان وبقينا للاسف محلك سر .. الغرور وصلنا لاننا نرفض تجارب التعليم برا ونصر على الابقاء على نظام فاشل يحد من التفكير وهو التلقين اللي خلا مخ معظم الشباب مقفل مش عاوز يتقبل اى حاجة .. تلاقي كلنا بنخاف على القضية الفلسطينية .. وتلاقي نسبة كبيرة يقولك لا تطبيع مع العرب وخدنا ايه من العرب غير الجلابية ... الكلام اللي بقولهولك دا كان بيتقالي من عقيد جيش بتاع التربية العسكرية في الجامعة .. تشوف كلامه وهو بيرفض الوحدة مع العرب يشكك في نفسك .يقولك هما دول خير اجناد الارض ؟! رافضين وحدة المسلمين ؟!! في حين انه ضعيف وفسوة قدام العدو الصهيوني !!! في حين ان عمر ما مصر هتقدر تهزم اسرائيل لوحدها ودي حقيقة شئت ام ابيت .!

بص انا مقلتش عليك انك جاهل .. وطبعا اسرائيل هى عدونا .. لكن انا عارف حاجة واحدة ان صوابعي مش زي بعضها ومش كل شعوب اسرائيل موافقة مثلا او على الاقل مش بمزاجه .. تقدر تقولي انك لو اتولدت اسرائيلي كان هيبقا موقفك عامل ازاى ؟! دا شخص اتربى زيه زيك على كرهك .. الطبيعي بقا انك تحاول تبقا احسن منه وتبقا مثال ليه .. مش يشوفك في اللعبة مش عاوز تعبره مثلا وتشتم وتسب الدين لاصحابك وتسرقهم وتتخانق !!


كل اللي اقدر اقولهولك .. اوعى تخليه احسن منك ومحبوب في الجيم وبس