البيضة قبل الفرخة ولا الفرخة قبل البيضة

[modyyyyy2000]

طبعا المناقشة مش هاتكون على البيضة أتطمنو هههههه

دلوقت شركة سيلكرود وضعتنا فى حيرة كبيرة جدا من ساعت ما اعلنت عن SILKROAD R
زى بظبط الحيرة فى اجابة السؤال مين الى جة الدنيا ألاول البيضة قبل الفرخة ولا الفرخة قبل البيضة

كل واحد فينا ابتدى يسأل نفسة ألعب اية الجديدة ولا القديمة
طب أعمل اية فى الشخصيات بتاعتى ؟ طب ابيع ولا استنى شوية ؟ كلنا بنسأل نفس الاسألة
واحنا من خلال الموضوع دة هانحاول نوصل لبعض الاجابات دية واحدة واحدة

دلوقت تخيل نفسك معاك مثلا 5 شخصيات لفل 120 متظبطين وكلة تمام فى سيلكرود القديمة
تفتكر اية الميزة الرهيبة الى هاتبقى فى سيلكرود الجديدة الى تخليك تسيب الشخصيات دية وتروح تلعب الجديدة ؟ هممم طب تعالو كدة نشوف الفرق بين الجديدة والقديمة

نفس الجرافيك
نفس الوحوش
نفس الشخصيات
نفس نظام ال JOP
نفس نظام ال PVP
نفس نظام ال FW

اية دة اية دة أمال اسيب القديمة لية بقى هوة دة السؤال المهم
فى ميزة جبارة لحد دلوقت بس فى سيلكرود الجديدة وهى الشخصيات الصينى
بقت كل ال Force بتعتك فى Tree واحد
يعنى بكل بساطة تقدر تلعب Fire Cold Light مع بعض

وهوة دة سر نزول سيلكرود الجديدة لآن الشركة بكل بساطة مكنتش تقدر تنفذ الخطوة دية فى سيلكرود القديمة عشان كان لازم عشان تنفذها تعيد برمجة اللعبة من جديد ودة مستحيل طبعا

يبقى نرجع تانى لموضوعنا مين الى هايسيب شخصياتة القديمة ويروح يلعب من تانى فى الجديدة ؟
الاجابة بكل بساطة هوة الانسان المستفيد الوحيد من الميزة الجبارة وهو الانسان الى بيلعب صينى
لآنة بكل بساطة فى سيلكرود الجديدة هايبقى قوى وعشان كدة اغلب الناس دلوقت فى سيلكرود الجديدة صينى وانا اعتقد مع مرور الوقت اللعبة هايتغير اسمها من Silkroad R الى Chinese Silkroad R

فى سؤال مهم أوى محدش واخد بالة منة خالص
هل الميزة دية موجودة فى الكورية وفى isro وفى السيرفرات الخاصة
هههه أوبة وجون وجون وجون اية دة مش موجودة معقول أيون الميزة دية فى Silkroad R بس
يعنى يا معلم الشركة ضربت مليون عصفور بحجر عملت ميزة فى اصدار مش موجود فى الاصدارات التانية
عشان تجمع كل الاعبين فى اصدار واحد يعنى اللعبة هاتبقى مووووووت واتفرج بقى يا معلم الشركة هاتتحكم فيك ازاى

يعنى كل الى بيلعب الكورية و isro وحتى الى بيلعب فى سيرفر خاص هايلعب Silkroad R

وبكدة هايبقى سعر السيلك موحد يعنى السلعة هايبقى سعرها موحد ودية ميزة جامدة جدا للشركة
لآن كان فى ناس بتروح للكورية عشان أرخص سيلك رخيص وايتمز رخيصة

يعنى الشركة هاتجمع البيض كلة فى سلة واحدة وتلعب بينا زى ما هى عايزة
يعنى بعد شهر بظبط من نزول الاصدار الجديد اقبى قابلنى لو عرفت تدخل اللعبة من كتر الزحمة

الى عايز الناس تفهمة ان الشركة دية ليها خطة ماشية عليها
ناس مش بتنام ناس كل همها تفكر ازاى تكسب من سعدتك يعنى عمرها ما فكرت فى تسليتك أو متعتك
كل تفكيرها فى فلوسك

وصحيح عارفين لية مفيش جولد بيقع من الوحوش فى Silkroad R لحد لفل 70 مع انك لازم هاتحتاج الجولد
لو هاتشرى ولف مثلا هاتعمل اية لو هاتشترى حصان هاتعمل اية ولكى بودر مثلا واليكسير وحجات تانية كتير هاتعمل اية ؟ أقولك أنا هاتبتدى تشترى الجولد
طب هاتشترية منين دة مفيش جولد بوت بسيطة
سيلك رود هى الى هاتبعهولك بعد كدة
عرفت بقى لية مفيش جولد

ها اية رأيك بقى تفتكر البيضة قبل الفرخة ولا الفرخة قبل البيضة

وهاسيبكوا بقى تفكرو فى حرف ال R دة
اشمعنى Silkroad R لية مش Silkroad S أو F أو E ههههه اشمعنى R
فكروا براحتكم بقى

طبعا انا عارف الاجابة بس هاسيبكم تفكروا