۩Ω☣☢ (: مهارات توكسيكيه توصلك للعالميه :) ☣☢۩Ω

[ToXi]

مستغربين من اسم الموضوع ؟

افهمكو ^^

اولا انا رجعت للاشراف

وعاوز حاجه كدا تفرح الاعضاء

فقررت اعمل الموضوع دا

شوية مهارات على خبره من توكسيك بن الحاج جينيرال

في الفوتوشوب

هتخليك تعمل اي صوره باحترافيه ان شاء الله

بس لو مطلعتشي احترافيه يبقى العيب مش فيا

كل المشاكل الي بتواجه المصممين الجداد

ان الصوره تبقى بهتانه وتحس انها تركيب

ودا محور حديثنا انهارده

ابهرتكو مش كدا ^^

مقدمه( ملحوظاات )

يا سيدي المصمم

دلوقتي حضرتك لما تيجي تعمل صوره اكيد مش هتحط المزه وراها خلفيه سودا

يبقى انت تنقي خلفيتك كويس الي هتشتغل عليها

لان دي اهم حاجه في التصميم

كمان الالوان تبقى متناسبه مع المزه

ومتبقاش الصوره المتركبه كبيره ع المكان الي هتحطها عليه

ابسطهاااالك يعني لو هتركب طفل عل شارع متخليش حجم الطفل زي النخله

اعقلها يا سيدي

حاجه كمان الصوره الي انت هتركبها على الخلفيه لازم تحس انها واقعيه

يبقى لازم يكون في ظل او ما شابه

وكمان عندك يا سيدي الصوره الي هتركبها ع الخلفيه لازم تكون

نفس الريزوليوشن ونفس الاضاءه

تعبت من الرغي نخش في الكلام الصح

يلا يا زميلي

اولا هنجيب مثال لريندر كدا

طبعا نمسح الحقوق عشان احنا ايه ؟؟؟

مش حراميه :D

طيب دا ايه الي يناسبو مثلا

مش عاوز حد يقولي دا رايح رحله للفضاء

يبقى نركبو مكوك

لا يا كوتش :D

هنختار مثلا صورة فيها طريق نعرف نحطو عليه

مثال

مش عاوز حد يقولي عمو توكسيك هنحط الواد فين ؟؟؟

هنحطو فوق الشجره يبن العبقريه

اكيد ع الطرييق :D

اول حاجه فتحنا صفحة عمل جديده

وحطينا الخلفيه

وبعديها حطينا الواد عليها

بس الواد بطيخه صح ؟؟

نصغر حجمه

ندوس CTRL+T

ونظبطو نحطو ع الطريق

زي كدا

بقى كرومبايه مش بطيخه

كدا خلصنا اول حاجه ان الحجم يكون متناسب

تاني حاجه عاوزين نخلي الواد دا مش متركب ازاي بقى

هنعمل من تحتيه شادو

بص يا سيدي

اعمل دايره سودا تحتيه كدا

وتكون مناسبه لحجم رجله

اعمل للدايره Filter >Blur >Guassian Blur

بنسبة 6.1

بعدين خلي الOpacity بتاع الدايره

80% الي 70%

عشان تبقى كدا في الاخر

تحس ان هوا واقف صح ؟؟

نخش للجزء المهم

الريزوليوشن والاضاءه

دلوقتي الريزوليوشن متعادل

الاضاءه مش متعادله

هتيجي على الخلفيه

وتدوس Image >Adjustments <Brightness /Contrast

هتخلي الBrightness

45

وال Contrast

100

تبقى كدا

اظن انها بقت فله يعني

كدا خلصت نصايحي انهارده

معلش الموضوع مش منسق اوي

بس المره الي جايه هيبقى فيديو وحبشتكنات

ملحوظه المقادير الي بقولها دي مش بتنطبق على كل الصور

انت وفنك بقى يا زاحبي :D

كان معكم عمو توكسيك بن الحاج جينيرال