اختبار ذكاء !! اربع اسئله تخليك تعرف مستوي ذكائك

[Fighter Cool]

اختبار ذكاء !! اربع اسئله تخليك تعرف مستوي ذكائك

ممكن من خلاله تعرف مستوي ذكائك

بسيط جدا وصغير اربع اسئله بس

الشروط:

1- اجاباتك لازم تكون تلقائيه وفوريه بدون تفكير واخرك

عشر ثواني لاجابه كل سؤال

2- ممنوع اسنخدام الاله الحاسبه ولا ورقه ولا قلم بالدماغ بس

3- كل سؤال عليه 25% ( يبقو الاربعه 100% ) فاهم ولا

ايه (احنا لسه مابدئناش!!!! )اختبار ذكاء

4- الاجابات الصحيحه هتعرفها في الاخر ...
بالله عليك ماتروحش تبص عليها من دلوقتي شوف مستوي ذكائك الأول ....
وبعدين مايهمكش ماحدش شايفك




جاهز؟؟



السؤال الاول:


انت دلوقتي مشارك في سباق للجري واجتزت المتسابق التاني

يبقي انت ترتيبك بقي الكام؟؟؟؟






بتقول الاولاني ؟









غلط يا معلم بس مايهمكش
يمكن تكون مش واكل كويس ولا حاجه او لسه مادخلتش في المود
عموما معلش قدامك لسه 3 فرص
ركز بقي يا حاج


ألسؤال التاني:



دلوقتي انت اجتزت المتسابق الاخير يبقي ترتبك بقي الكام.
بسرعه اخلص جاوب















اللي قبل الاخير؟
غلط برضو
اظبط نفسك بقي وحاول تجاوب الاتنين الجايين صح
والا بصراحه تبقي انت (........)




السؤال التالت:


عمليه حسابيه بسيطه
وهفكرك ... لا تستخدم اله حاسبه ولا ورقه وقلم مش هتبقي مش ذكي وكمان حرامي.


معاك 1000 نقطة اجمع عليها 40 نقطة واجمع عليها 1000 نقطة

واجمع عليهم 30 نقطة و 1000 نقطة و 20 نقطة

واجمع عليهم 1000 نقطة و10 نقط

كم المجموع دلوقتي............. بسرعه ؟؟؟



















لاااااااااااااا اااااااااا
دانت ضايع بجد
طبعا لو قلت لك ان 5000 اللى انت طلعتها غلط حتستغرب
وتقول ازاى بس استنى لما تخلص وانت حتعرف ان 5000 غلط



قلتلك هتعرف الاجابات الصحيحه في الاخر


طالما ولا سؤال من اللي فاتو جاوبتو صح يبقي

مش هتجاوب اللي جاي برضو.....

عموما اهوه السؤال الرابع والاخير:

وسهل جداااا مش محتاج فكاكه

ابو ماري عنده5 بنات

1- س

2- ش

3- ص

4- ض

5-...........؟

فكر بسرعه ايه اسم البنت ال5؟















الاجابات الصحيحه اهيه

1- عديت المتسابق التاني يبقي انت خدت مكانه وانت
بقيت التاني برضو مش الاول

2- هوا المتسابق الاخير في حد وراه عشان يجتازو

3-المجموع 4100 مش 5000
ولو عاوز بقى تثبت انك مش غبى ا ثبت لى انها 5000 بدماغك و4100 بالاله

4- بقولك ابو ماري يبقي البت ال5 اسمها ماري.....
مش محتاجه زكاء يعني




صباح الفل