ليه الناس كلها مُعتقده إن البوتات الى بفلوس مش بتجيب بلوك والى مش بفلوس بيجيب ...

[Solitary]

بسم الله الرحمن الرحيم ...

عشان الواحد فاضى مش لاقى حاجه يعملها قولت اعمل معاكم مناقشه فى حاجه انا باسمعها كل فتره فى اقسام البوتات بالذات قسم الاسبوت وقسم ال ibot

والسبب كان بيبقى علطول إن الموضوع بيسأل عن ان البوت بيجيب بلوك ولا لأ فتلاقى واحد كده طلع لوحده :D
رد فى الموضوع وقال ... البوتات الى بفلوس مش بتجيب بلوك او اقل نسبة بلوك والى ببلاش بتجيب بلوك 100%

انا عارف انا معظم الى هايشوفوا الموضوع مقتنعين بكده بس ممكن اسألكم ليه ؟ يعنى على اى اساس بنيتوا النظريه دى ...

انا كل الى هاقوله هو كلمتين ...

اولآ البوتات, اللودر, ال keypresser , الميديا المعدله , ال auto res , الكلام ده كله بيجيب بلوك ... ليه ؟ عشان ببساطه انت اما حضرتك بتعمل اكونت جديد بتوافق على قوانين joymax وقوانين سيلكرود .. الى منها ان اى استخدام لل 3rd party programs بيجيب بلوك ... ال 3rd party programs دى برامج مساعده اى او كل برنامج بيساعدك فى عمل حاجه فى اللعبه مش بنفسك يعتبر غير مشروع وعقابه البلوك الى هو 3 ايام وبعدين 7 وبعدين نهائى ... كلنا عارفينه ده

اما انت بقى يا سيدى بتوافق على القوانين دى او الاتفاقيه دى بتقول " انا مش هاستخدم برامج من دى ولو استخدمت ليكم الحق فى طردى من اللعبه " بكل بساطه ... يبقى ازاى فى بوت بفلوس مايجبش بلوك والى ببلاش بيجيب ؟


تانى نقطه, عمرك شفت واحد معاه او شحن سيلك انشالله 50 سيلك من 5 شهور ولا حاجه وخد بلوك ؟ عمرك شفت اكونت كان فيه سيلك وفضل 4 سنين مايتفتحش وخد بلوك ؟ لا ... ليه ؟ عشان صحاب اللعبه اتراك الى هى شركة game only باين مش فاكر ( هو كان خبر فى rev6 قالوا انها اتباعت من الشركه الكوريه لشركه تانيه تركيه ) ببساطه الشركه دى قايله لل GMs الى نصهم كرويين ان اى حد يبقى معاه سيلك ولو 50 سيلك من اقل من 6 شهور وبيشحن علطول مايكلمهوش ... مايظهروش جنبه حتى

بالعربى ... طالما بتدفع ماحدش هايكلمك ...

النقطه التانيه بالنسبه لل ibot ... عشان الكل فاكر او بلاش نقول الكل, نقول الناس الى فاكره انه بيجيب بلوك, عايز بس اوضح ان الهاك شيلد الجديد والكلينت الى لازم انت تفتحها دى بتعمل ايه ؟ دى يا سيدى بتتفتح عشان اما ال هاك شيد يعمل ابديت ويتبعت لجوىماكس تقرير بإنك فاتح ازاى ... هو بيعمل كل حاجه وبيتبعت بس بيبان لجوى ماكس هناك انك لا بوت ولا حاجه, مجرد لاعب عادى فاتح اللعبه من اللانشر العادى جدآ مافيش اى مشاكل ... فصعب اوى تاخد بلوك من البوت نفسه

بس مش معنى كده ان لو انت بتستخدم ibot ولا mbot ولا حتى sbot إنك تشوف ال GM مثلآ ويكلمك وماتردش او ماتوقفش البوت او ماتظبطش البوت على انه يقفل اول اما GM يظهر جنبه او حتى وانت بتعمل تاكسى ماتكتبش نوع البوت الى انت بتستخدمه يعنى فى ناس تكتب اللفل والوحوش والبيلد والسعر وجنبها تقوله sbot + res ليه كلمة sbot ؟ ما ممكن يكون حظك وحش ويطلعلك GM يشوف البارتى ويظبطك ^^

كلمه اخيره ... بلاش تقول فى ال ALL إنك بوت, بلاش تقول فى ال party reform إنك بوت , بلاش فى اليونيون تقول إنك بوت, بلاش فى الجرانت نيم تقول إنك بوت, خلى البوت بتاعك علطول يقفل اللعبه او يوقف نفسه لو شاف GM , كل 6 شهور مثلآ ولا 5 اشحن حتى 50 سيلك ... واخر نصيحه ... اى حد يقولك ان فى بوت مايجبش بلوك وفى بوت بيجيب قوله إجرى ياض :D

تعديل بسيط ... كمان معلومه, يوم الثلاثاء بيبقى فى GMs فى كل حته استعدادآ لغلق السيرفرات ولو فى مشاكل وكده, فحاول انك تقفل جهازك مثلآ الساعه 1 او 2 او حتى 12 بليل بتوقيت مصر, ليه ؟ عشان منها تريح جهازك الى مش بينطفى الكام ساعه دول لحد الساعه 9 او 10 الصبح او لحد اما ال update يخلص, ومنها انك تتجنب اى كلام من ال GM ليك ولو ماردتش يحصل مشكله وبتاع فبلاش منها ... شكرآ

شكرآ واسف على الرغى بس حبيت افهمكم نقطه ^^