فضح الاعلام الليبرالي العلماني الحاقد الذي لايرضى بالديموقراطية ويعشق الاقصائية

[فارس الاسلام]

1- قناة التحرير في وادي تاني خالص ولا جايبة اى حاجة طبعا لانها مليونية اسلامية
2- قناة اون تي في والجزيرة والنيل المصرية منتهى الكذب والحقد ورفض الشعارات الدينية والشريعة ويقولك بضعة الاف ,
ويقولك جمعة لم الشمل , ويقولك ان المليونبة دعا لها القوى الوطنية وانضم لها السلفيين !! وحاشرين العلمانيين والليبراليين بالكذب في الموضوع
3- منتهى التفرقة بين ابناء الشعب المصري ويقولك احنا اللي بنفرق !
4- منتهى الاقصائية ورفض كل ما هو اسلامي , ويدعوا انهم يقبلوا كل الاطراف
5- ابعد ما يكونوا عن الديموقراطية وتقبل الاخر اللي صدعونا بيها , وعايزين اللي على مزاجهم بس ولو مكانش يبقى الرفض والحرب عليه
6- ابعد الناس عن الادب في الحوار وتقبل الاراء , وسب للاسلاميين وفي الاخر يقولوا عننا احنا اللي كده
7- يقولك لم الشمل والبلد بتضيع ومش عايزين فرقة واختلاف وانزلووا معانا التحرير وهما اللي انسحبوا اصلا من المليونية
8- منتهى الغرور والتكبر على الشعب زى مبارك بالضبط وعدم احترام ارادة الامة وفرض اراءهم عليها وانهم هما اللي فاهمين كل حاجة والشعب غبى لا يعرف مصلحته
9- قمة الكذب واقناع نفسهم اننا اتقفنا معاهم ووافقنا على عدم رفع شعارات دينية وده محصلش اصلاً
10- ابعد ما يكونوا هن احترام قرار الشعب المصري والالتفاف عليه بشتى الطرق والتصميم على عناد رأى الشعب المصري ومخالفته ,
واقرب ما يكونوا من فرض وصايتهم وافكارهم على الشعب ويقولك نحترم الديموقراطية ورأى المصريين
وقد ظهر وجههم الحقيق وانهم زى النظام السايق في تحديهم لارادة الشعب ورفضها وفرض طريقتهم علينا بالعافية
11- رفض كل ما هو اسلامي والحقد الشديد على الاسلاميين , ويقولك العلمانية والليبرالية مش ضد الدين وانتوا فاهمين المصطلحات غلط !!
12 - منتهى الانحياز والكذب والخداع في الكلام ونقل الاخبار , ومنتهى التضليل الاعلامي
13- منتهى الغرور في كلامهم وان كل ما يقولون هو الصواب واى مخالف لهم يبقى غلط وعايز يضيع البلد
14- يقولوا انهم يكرهون القاء التهم والتخوين وهم اول من يفعل هذا معنا
15- قمة الاستعلاء على الشعب والاعجاب بانفسهم وانهم هم الوحيدون الذين يخافون على مصلحة البلد والباقي خونة ومش فاهمين حاجة
16- توجيه الاعلام لارائهم وفقط وعدم طرح الرأى الاخر واتهامه بانه خطأ على طول الخط
17- منتهى التطفل وسرقة الثورات والالتفاف عليها ونسبة اى نجاح لهم بالكذب والالتفاف على ارادة شعب مصر
18- اسلوبهم الفاسد في التضليل والكذب وحربهم على السلفيين وتلفيق التهم الكاذبة لهم وتوجيه الاعلام لما يريدونه ويوافق رأيهم
بغير اى دليل ثم يدعون انهم يتحروا في كل شىء
19- اتهام الناس بانهم يركبون الموجة ويحقوا مصالح شخصية وهم اكثر الناس فعلا لهذا
20- فاهمين انهم يتكلمون باسم الشعب ويمثلون مصر كلها وضاحكين على الناس بانهم يمثلون شعب مصر
وان الكل موافق ومعاهم ومكلفهم للتحدث باسم الشعب
وان مطالبهم دي هيا مطالب الشعب كله , وان الشعب عايز مدنية وعلمانية وليبرالية ومش عايز اسلامية
وهما ملهومش شعبية اصلا ولاحد عايزهم , ومش بيمثلوا غير انفسهم وفقط , وعايشين في وهم كبير والشعب معترض على مطالبهم من الاساس
وفي الاخر يقولك احنا اللي مش بنمثل الشعب !!
21- اتهامات بالهبل للكثير وهما اصلا اكثر ناس تنطبق عليهم الاتهامات دي واكثر ناس بيعملوها
22- اى حاجة يعملوها تبقى وطنية ومية ومية , لكن لو اى حد همل اى حاجة سواء زيهم او غيرهم يبقى غلط ومش وطني !!
يعني حلال ليهم وحرام علينا مع اننا فرق شاسع بين افعالنا وافعالهم اصلا
23- الغرور ( لتالت ولا رابع ولا عاشر مرة ) وانهم هما النخبة واكتر ناس فاهمة واكتر ناس وطنية
والباقي ولابيفهم وتركيز الاعلام على اعمالهم وكانهم ابطال , وعدم الاتيان باى عمل وطني لمخالفيهم نهائيا , هما وبس !
24- صدعوا راسنا بالاستفتاء والانتخاب والشورى واخذ راى الشعب في كل حاجة
وهما اصلا ابعد الناس عن كده وبقوا نخبة من غير ما حد ينتخبهم
وبقوا يتكلموا باسم الشعب ولا بياخدوا رايه في اى حاجة ولا حد موافق اصلا ولا حد رشحهم ... لكن هو كده بالعافية
25- فاكرين نفسهم اصحاب الثورة واصحاب الميدان وهما اللي يحددوا مين يدخل ومين يطلع , ومين يتظاهر ومين لأ ,
ونرفع شعارات ايه ومنرفعش ايه , ونوافق عليك ولا لأ , وهما اللي يحددوا انت غلط ولا صح ,
وكأنهم اصحاب مصر واولياء امورنا واوصياء علينا
كتير اوي عيوبكم يا من تدعون الديموقراطية ولسه ...
واقولكوا في النهاية ان الاسلاميين والسلفيين بالتحديد عن تجربة وواقع - هم افضل الناس وابعد الناس عن تلك العيوب
واكثر الناس التزاما ووعيا وانهم بيتصفوا بكل اللي بتقولوه من مزايا عن انفسكم (كذبا)
وهم اكثر الناس حرصا على البلد وتنظيما وفهما للسياسة واكثر من يريد توحيد الصف ولم الشمل وعدم التفرقة
وان انتوا اللي فيكوا كل العيوب اللي بتتهموهم بيها والمفروض تتعلموا منهم , ولا ليكم في الديموقراطية ولاحاجة
وانتم اللي هيضيعوا البلد والثورة وتفرقوا بين الشعب بتصرفاتكم هذه