انا ليه حرشح العوا فى انتخابات رئاسة الجمهورية

[حوده الحيوان]

بسم الله الرحمن الرحيم
السلام عليكم

الموضوع للنقاش و الدردشة و كل واحد يقول حترشح مين للحكم ..
انا ذات عن نفسى حرشح العوا .. بس حبيت اقول الاسباب اللى حرشح بيها العوا

اولا مش حدى صوتى للبرالى و لا علمانى لان لو اديت صوتى للعلمانيين و الليبراليين حدخل النار و ربنا حيغضب عليا غضب اعظم من غضبه على الزناة و المجرمين مش بس كده لان العلمانى حيحلل الزنا و الخمر و .. و .. و طبعا حيبقى علي سيئات من عليه و انا مش ناقص سيئات احنا سيئاتنا كتيره لوحدها يعنى تخيل لو واحد زنا و طبعا الحكومة ساعتها لو البراليين و لا العلمانيين مسكوا حيخلوا مصر بيت دعاره , ساعتها انا بقا حكوم شاركت فى الجريمة
و انتم عارفين ربنا مفيش حاجة بتستخبى عليه و بيعرف يجيب و يوزن كل حاجة صج الصج ..

ده اول سبب انه اسلامى ..

2)
تانى حاجة بقا مش عميل .. يعنى العلمانيين امريكا هى اللى بتديهم فلوس و عايزاهم ينافسوا الاخوان
يكفى ان اسرائيل قالت لو الاخوان مسكوا مصر حيكونوا اخطر على اسرائيل من قنبلة ايران النووية
و امريكا هى اسرائيل و بيدعموا العلمانيين ,, انا حقولكم اسرائيل قالت كده ليه ,,

لان فيه حاجة اسمها الخلافة الاسلامية دى حاجة بقا اكبر من القومية العربية تخيلوا لو كل الدول الاسلامية اتحدت مع بعض فى الخلافة (الكلام ده النبي اتنبأ بيه و هى عودة الخلافة على منهاج النبوة) عنى الخلافة راجعه راجعه مش بس كده على شريعة الاسلام كمان
بس ساعتها مفيش قوة فى الارض حتقدر تقف فى وشهم و اول ضحاياهم هى اسرائيل فعشان كده انا حدعم الاسلاميين اقصد المسلمين ..



يعنى ملخص كده
1) شرعية ..
2) مش عملاء
3) حيضمنوا ليك ان الخلافة حترجع
4) حيتقوا ربنا فيك
5) نصرة للاسلام

يعنى تخيلوا لو الاسلاميين مسكوا الحكم حيجيبولك الاخره باذن الله على طبق من ذهب

تخيلوا لو فرضوا حفظ القرآن كاملاً فى المدارس بدل الثانوية العامه .. ساعتها بقا تبقى من اوائل اهل الجنة مع الانبياء و الصديقين الصالحين الكبار .. يعنى كلها خير فى خير

يعنى دى حاجة مفيدة جدا بينما لو مسك العلمانيين مصر شوف ايه اللى حيحصل

اول حاجة كفره و ميعرفوش ربنا و حيسيبوا شنودة يعمل اللى عايزه و حيعمل دولة مسيحية فى مصر و يقسموها
مش بس كده ده حيكون همه الاكبر محاربة الاسلاميين و اللى هم اغلبية الشعب اصلا .. حيبقى زى مبارك
لان مبارك كانى علمانى حقيقى


الموضوع للنقاش