اعــضــاء القسم الكـــرام ..

[No_Rules]

بسم الله الرحمن الرحيم ..

السلام عليكم ورحمــة الله وبركــاتــه ..

الاعضاء الكرام

نــظراً لكــثره الاسئــله ونظراً ان الاعضاء بتتضايق اما المواضيع بتعاتها بتتحذف ( علي الرغم إن الموضوع بيبقى مخالف للقوانين ) . بس برده بيزعلوا ^^

قــررنا الأتى ..


1- مفيش مواضيع هتتحذف من القسم ..

هتنقل لقسم المحذوفات بدون إعادة توجيــه

يعنى إيه بدون إعادة توجيه ياعم الناصح ؟

هقول لحضرتك :) .. بدون إعادة التوجيه . يعنى الموضوع كأنه مش موجود فى القسم كأنك معملتش الموضوع دة اصلاً ..

هتقولى وليه كدة يا رخم ؟؟ :ee::disgust1:

هقول لحضرتك .. عشان تعرف إن موضوعك مخالف وتم نقله للمحذوفات نظراً لأنه يخالف قوانين القسم ..

هتقولى إنت كدة حليت مشكله يعنى ؟

هقول لحضــرتك .. ايوة حليت مشكله إن موضوعك متمسحش .. بل وتم نقله لقسم المحذوفات مع الاحتفاظ بالمشاركه .. وبالتالى اما تيجى تبحث فى احصائيات المواضيع بتاعتك هتلاقي موضوعك موجود فى قسم المحذوفات .. :gossip:

بس متجيش تقول طب مهو كدة كدة بيتنقل للمحذوفات ازود بقى مشاركات واعمل مواضيع وتتنقل مش مشكله .. لو الموضوع زاد عن حده بيتم حذفهم وتنبيه العضو بعد التكرار .. ما انت مش انصح منى

هيتم حذف المواضيع الاتيــه فقط

1- الهاك

2- مواضيع السرقه

3- الاتهامات من غير دليل ..

4- السب والشتيمه وقلة الادب ..

غير ذلك فسوف يتم نقله إلى قسم المحذوفات

ولو أى عضــو شايف إن موضوعه اللى إتحذف دة مش مخالف او حاسس إنه له حق
يتفضل بكامل إحترامه بعمل موضوع فى قسم الشكاوى والتقدم بشكوى .. واللى له حق هياخده معزز مكرم :giveup:

مفيش داعى للتقليل من قيمة المشرف ولا التهزيق ولا الالفاظ الخارجه عن نطاق الاحترام ..

عشان سبب واحد فقط ..

إن المشرف وإنى انا كمان زيي زى العضو وكمان انا مش باخد فلوس علي اللى انا بعمله دة عشان استحمل قلة ادب من عضو او إن عضو يغلط فى والدتى او والدة اى مشرف ..

كل المشرفين اللى مووجودين فى المنتدى شغالين عشان خاطر المنتدى مش عشان استنى مقابل من شخص ولا عشان اتشتم ..

يارب اكون قدرت وصلت المعلومه للجميــع

ولو فى اى مشكله بلغونى بيهــا


أسف علي الإطاله

والله الموفق والمستعان ..