أفهات جامدة اوى يارب تعجبكم ^^

[™KeroMan™]

واحدة بتقول لجوزها تعرف انه فى عصر العباسيين كان فى اهم الالقاب
زى المعتصم بالله و الواثق بالله فكرك لو انا منهم كان حيبقى لقبى ايه؟
.
.
.......
..........
.
.
قالها انتى حاجة من الاتنين يا اعوذبالله يا منك لله




اسرائيل تطالب باعاده الحرب مع مصر لأن الجيش المصرى لما عبر خط بارليف
.
.
.
.
....
.
.
.
كان فى عسكرى واقف اوفسايد





واحد سأل أبوه البخيل : يا بابا ايه معنى الشدة و الفرج ؟ قالو
.
.
.
.
....
.
.
.
.
الشدة انه يزورنا ضيف وقت الغدا ، والفرج انه يطلع صايم





بالمطوة اغزك لو قلبك وزك تحب تانى

بالموس فى وشك لو قلبك غشك مرة فى حنانى

وبالطوب هنشك وميه نار ف وشك لو فكرت تنسانى
...
.
.
.
.
.

بلطجي باعت جواب لحبيبته.



.
واحد بعت هدية الى خطيبته شوفوا كتبلها ايه على الكرت

الهدية دى ليكى --- مش حب فيكى

دي علشان تعرفك ان في حد --- بيعبرك وبيسأل فيكى

وهتردهالى غصب --- عنك وعن عنيكى

معرفتنا مش لازم تدووم --- أحسن بسببك هبيع الهدوم

الهدية دى يا كتكووتة --- أنا جبتهالك ع النووتة

إنتى بالهدية دى سعيدة --- وأنا بقيت ع الحديدة

بعد كدة هدايا مفيش --- هو الواحد قادر يعيش

الهدية دى هتفكرك --- ان فى حد كلمك وعبررك

الهدية دى عشانك --- لأنى خايف من لسانك

الهدية دى من اللى شايل همك --- وف عيد ميلادى تحسى على دمك

الهدية دى هتعرفك --- ان معرفتى تشرفك

كل مناسبة بجيب هدية --- وبدعي يارب أرتاح م المصيبة دية

هكتبهالك نقط وحروف --- كفاية هدايا عشان الظرووووف





أكتشاف خطير

زيت شعر ديل البطه ادهن منه واتغطى
تصبح راسكـ زلبطة




لازم ننزل تانى
سوزان ثابت.. أفندم.. إخلاء سبيل
زكريا عزمي.. أفندم.. إخلاء سبيل
فتحي سرور.. أفندم.. إخلاء سبيل
مفيد شهاب.. أفندم.. إخلاء سبيل
...إبراهيم كامل.. أفندم.. إخلاء سبيل
الشعب المصري.. أفندم.. 15 يوم بتهمة البلاغ الكاذب
محمد حسنى مبارك .. أفندم .. الرجوع لشغل منصبك مرة اخرى كرئيس دولة لعدم توافر ادلة الخلع




أدى حكمه اليوم

امسح مكياج موزتك هتلاقى صحبك مش صحبتك





هل تعلم ان 100 شجرة تقطع
لعمل أوراق الامتحان !!!!
معا لالغاء الامتحانات
معا للحفاظ على البيئه:




مره واحد فتح جنينة حيوانات و عمل الدخول ب 300 جنية محدش دخل فعملوا ب 100 فمحدش دخل خلاه ب 50 محدش دخل عملها ببلاش الناس كلها دخلت راح قفل باب الجنينة و طلع الاسود و قالهم الخروج ب 500 جنيه يا ولاد .........



تحياتى