لفت نظر

[Just_Warrior]

طبعا زى ما كلنا شيفين اللى بحصل اليومين دول
كل شوية جريدة مصرية او غير مصرية تطلع بخبر ملوش اى تلاتين لازمة ويخلى الناس قاعدة حطة ايدها على قلبها
ويجلنا احباط واكتئاب او يخلينا هنطير من الفرح و حد يروح ينقلة ويجيبة هنا و فى الاخر يطلع خبر غير صحيح

1_ موضوع زى يتاع سمية الخشاب
انا طبعا مصدقتوش خالص بس اكيد فى ناس صدقتة
ودا يكلم صاحبة ويقولة وصاحبة يقول لصاحبة
ولما يكون قاعد يتغدى مع اسرتة يقولهم الخبر دا الاسرة تقول للاقارب والخبر ينتشر فى مصر بسرعة الصاروخ
ونلاقى الدنيا اتقلبت مع العلم ان اللى كان عامل الموضوع كان كاتب مصدر الموضوع

2_ موضوع زى (مها ابو عوف تتلقى تهديدا بالقتل)
اللى بيهددها قال لها: "هنقتلك يا كافرة وياريت ما تتصليش بالبوليس، لأنه مش هينفعك".
طبعا اى حد هيشوف الكلمتين دول هيقول إلحق دا الجماعات السلامية عاوزين يقتلو مها ابو عوف
lololol(يعنى انت عاوز تقنعنى ان الجماعات الاسلامية فى مصر سايبيين روبى و غادة عبد الرازق و سمية الخشاب ورايحين يقتلو مها ابو عوف الى عندها فوق ال 50 سنة؟؟؟؟؟)lololol وكل دا عشان اللى يشيل الليلة فى الاخر اى حد من الجماعات الاسلامية و 70% المقصود من الموضوع السلفيين
مع العلم ان الموضوع مكتوب المصدر بتاعة

3-موضوع زى (تلخيص خطاب اوباما للى مشافهوش النهاردة)
اقسم بالله انا كنت بتفرج على الخطاب دا مباشر
اوباما فى اول كلامة اتكلم عن ثورة تونس ومصر و قال (الثورات العربية فى مصر وتونس لم تكن الولاايات المتحدة هى سبب اشعالها بل كان السبب هو تفجر غضب الشعب على النظام الظالم الفاسد)
وكان اخر جزء من كلامة على فلسطين ان اسرائيل يجب ان تتراجع الى حدود 67
وطبعا دا سبب الخلاف بين امريكا واسرائيل لان نتانياهو قالو انت بتحلم وايضاً الخلاف دا هو سبب ان نتانياهو هيلقى خطاب امام الكونجرس الامريكى خلال ايام

4- موضوع زى (وكالة: مبارك يهدد بالكشف عن مستندات تدين قيادات بالدولة إذا لم يتم العفو عنه)
الموضوع كان بيقول(تنقل عن مراسلها إشارته إلى إن الرئيس مبارك أرسل رسالة تحذير لجهة هامة يحذر فيها بقلب الطاولة إذا تم ترحيله للسجن )
وادينا اهو مستيين من ساعت الموضوع ما اتعمل ان مبارك يقلب الطاولة بس شكلها كدا تقيلة علية
طبعا خبر زى دا لو كان صح كان قلب الدنيا بجد وكانت البلد هتولع
لكن مع الاسف زى ما قلت الطاولة شكلها تقيلة شوية

طبعا لو كملت كل المواضيع اللى من النوع دا يبقى مش هنخلص
************************************************** **********************************
خلاصة الحوار ان مش أى حد يجيب خبر ويحط مصدر يبقى الخبر صحيح
مش معنى كلامى ان محدش يجيب أخبار
بس لازم تتأكد من صحة الخبر قبل ما تنقلة وترميلنا اى مصدر وتمشى
انت لو عاوز تجيب خبر يبقى لازم تتأكد من صحتة بنفسك
ولو انت بتكبر دماغك وعاوز تعملك اى موضوع السلام يبقى تجيب اى موضوع غير الاخبار
الأخبار ليها ناسها اللى بتعرف تجيب الاخبار الصح