رجــاء دخـــول كل من يهمه الامر (بخصوص اكونت golden)

[كورابيكا]

بسم الله الرحمن الرحيم
---
الموضوع دا انا بجهز فية من فترة طويله
و متهيألى دا الوقت المناسب لعرضه


الموضوع عبارة عن اية؟؟

فاكرين اكونت GOLDEN_BOY؟

طبعا محدش يقدر ينساه
الحكاية دى اغرب حكاية شفتها
و اقذر موقف مر عليا فى حياتى كلها
------------
ما علينا

الموضوع دا بيموت
و بيصحى
ملوش نهاية
انا قررت انى انهى الموضوع دا
و دا حلم بيحلم بية ناس كتير...

انا فى الموضوع دا مش هدافع عن حد
ولا هتهم حد
لا
انا هقول كل حاجة اعرفها عن الموضوع دا
و متهيألى انا اكتر واحد يعرف معلومات عن الحكاية دى
و انا الى اقدر انهى الموضوع دا
علشان كدا لازم انهيه...

----------------------------------------------------

الموضوع من البداية للنهاية
ملحوظة : الموضوع طويل و الى عاوز يرد على الموضوع رجاء يقراه من الاول للأخر
غير كدا يبقا ملوش علاقة بالموضوع (دا رجاء)

احمد عوف
صاحب اكونت GOLDEN_BOY
و هوا الى عامله من لفل 1
وصل الاكونت ل لفل 80
و جاه واحد صاحبه (و اعز صاحب ليا على النت)
اسمه generaleslam ( اسلام)
صاحب اكونتOo_TOP_oO
Blocked

طلب من احمد عوف الباسورد
و طبعا احمد عوف مش مخونه و اداله ال pw
بعد فتره احمد عوف اكتشف ان الباسورد اتغير !!!

انا كلمته و قلت له ازاى يعنى؟
قالى معرفش انا بفتح الاكونت مش بيفتح
قلت له ازاى الى سرقة عرف السؤال السرى؟
قالى انا معرفش انا هتجنن

قلت له انت كنت مدى بياناتك لحد؟
قالى انا كنت مدى الباسورد ل اسلام

(و طبعا اسلام بعيييييد عن الشك)

دخلنا احنا ال 3 فى شات واحد
انا و اسلام و احمد
اسلام قال انا كلمت الى سرق الاكونت فى اللعبة و قالى انه عاوز 400 مليون علشان يرجع الاكونت.
انا قلت اه صح انا كلمته و قالى نفس الكلام
احمد قال انا اجيب منين 400 مليون !!!
اسلام قال انا مستعد ادفع 100 مليون و نلم فلوس من الناس لحد ما نجمع 400 مليون

و بالفعل قام اسلام بكتابه موضوع للتبرع كالتالى :

اخر المفاوضات الواد طالب 400 مليون عاوزين مساعدات من الجميع ..

وانا اول واحد هيساعد بى 100 مليون لسه مشتريهم مخصوص ..

عاوزين نشوف حبايب جولدن

انا و بعض الاعضاء رفضنا الفكرة و قلنا الى بيسرق حاجة مش بيرجعها
و كان رد اسلام كالتالى :
احب اقول حاجة اللى بيحب جولدن كان ساعد لان لو كل واحد دفع وجربنا الواد ادهولنا يبقى عملنا حاجة من جمايل جولدن الواد مدهولناش يبقى الخسارة قليلة لا ال 400مليون مش من شخص واحد دول من كذا شخص وبعدين واحد هيقولى ان جولدن يصرف 400 مليون على اكونت جديد احب اقولو ان ال 400 مليون دول مش هيعملو حاجة فى اكونت جديد ودا كمان لان ال D9 نازل يعنى خربت وبعدين فكرو مهو جولدن هيشحن سيلك وبووت تانى وتالت يعنى هتبقا الخسارة اكتر بكتير فيها ايه لو جربنا مش هنخسر وانا حاسس ان الواد هيديلنا الاكونت وعلى العموم وفى الاول والاخر انا مش مستخسر اى حاجة فى جولدن لوطلب اى حاجة انا تحت امره ..

ياريت تفكرو ومحدش يقول يقول انا ارمى فلوسى فى حاجة مش مضمونة ليه لا انتا هتدفع جزء يعنى يعتبر مش هتخسر حاجة والكلام دا لاى حد ..

سلالم واللى يريحكو اعملو ..

و دخلت الموضوع الاخت caesarsniper و كان ردها كالتالى :

عزيزي جولدن انا حدفع ال 400 مليون ل كورابيكا وانمنى ان ينحل الموضوع

و انا كان ردى كالتالى :

انا مش عارف ارد اقول اية !!!!!!!!!!!!!!!!!!!!!!!!!!!!!!!!!!!!!!!!!!!!!

وانا بجد عاجز عن الكلام الى ميقدرش يوصف احترامى ليكى
وتقديرى لشخصيتك
و ..و..و

مش لاقى كلام اقولة

ثانيا

انا مقدرش ادى فلوس لواحد نصاب
وانا متأكد 100% انه حياخد الفلوس و مش حيرجع حاجة
انا لو كنت متأكد انه هيرجع الاكونت مقابل ال 400 مليون كنت قلت ماشى

لكن انا معنديش اى شك فى انه مش حيرجع الاكونت

انا قلت له هات الاكونت اديلك ال 400 مليون
بس هوا مش راضى

مش عارف اعمله اية دا-

يا ريت لو اى عد عنده فكرة يقولهالنا

and at the End....Thnx.Alot

وكان رد احمد عوف كالتالى :

لا طبعا شكرا يا كيسر انتى عملتى معاى حجات كتير حلوة اوى
وانا مش عاوز اجازف فى حاجة مش مضمونة شيلك للتقيلة
يا جماعة البنت دى بمليون راجل وربنا


و انا اكتشفت حاجة غريبة و حطيت رد كالتالى :

كل شوية يقولى iam not liar

و فى الاول كان بيكلمنى بال اجنبى

اكتشف انه بيتكلم عربى

مش عربى وبس
دا والله بيتكلم عربى احسن مننا

و بقوله ازاى بتقولى انا تركى و بتتكلم عربى؟
يقولى انا اعرف اتكلم لغات كتير

اقوله بس لو انت مش عربى ازاى بتعرف تتكلم فرانكو عرب
يقولى انا اعرف اتكلم لغات كتير

!!!!!!!!!!!!!!!!!!!!!!!!!!!!!

والله انا زهقت معاه
وانا متأكد انه مش اجنبى ولا حاجة و بيستعبط

و كان رد كايسر عليا كالتالى :

بعد التحية والسلام
يا جماعة احنا عندنا مشكلة ولازم نحلها مش بالكلام وبس احنا لازم ندفع ال400 مليون للشخص ده حتى لو سرقهم علشان ما نقول في يوم من الايام انه كان في احتمال ولو 1% انه نرجع الاكاونت بس احنا ما عملنا عليه وحتكون الدفعة هذه هي الحد الفاصل بين رجوع الاكاونت ده ولا لأ علشان جولدن يقدر يقرر يعمل اية بعدها مش يفضل مستني وبدون سبب فالرجاء يا كورابيكا ان تدخل لللعبة وتحكي مع emply علشان انا ما افتح كثير هذه الايام بس هوه عندو علم وحيدخل ب caesarsniper ويديك ال 400 مليون ونتمنى رجوع ضحكة جولدن لللعبة ومعانا واتمنى ان يعذرنا من التقصير والتاخير ومن الله التوفيق.
caesarsniper

وانا وافقت و كان ردى :

iTs Ok !!!

و بدعى ربنا ان الشخص دا يديلنا فعلا الاكونت
--
وانا بعتبر دى هيا غلتطى فى الموضوع
المفروض كنت قلت ل كايسر تديله الفلوس بنفسها
بس هيا برضو قالت انا ما افتح كثير هذه الايام

ما علينا...

اخدت الفلوس من emply بالفعل
و اديتها للوغد الى سرق الاكونت


و اخد الفلوس و طبعا مرجعش حاجة !!!
دا بعد ما حور علينا كام حوار كدا
و قالى بابا معاه باسورد ايميلى التانى
و استنا بابا لما يجى من الشغل
و كلام فاضى من دا

------------------------------
اتفاجئت بناس دخلت اتهمتنى انى اخدت ال400 مليون لنفسى !!!

طبعا دى كانت الصدمه بالنسبالى
و لحسن الحظ انى اخدت screen shot لنفسى وانا بديله ال 400 مليون

ما علينا ....

----------------
الموضوع اتقفل فترة

و اتفاجئ ب واحد صحبى يتصل بيا و يقولى
انا شفت اكونت GOLDEN_BOY مفتوح فى سيبر فى القاهرة مدينه السلام

دا كانت تانى صدمه بالنسبالى....

لية؟
علشان اسلام ساكن فى القاهرة مدينه السلام !!!!!!!!!!!
و من هنا بدأ شكى فى اسلام و بدأت ابحث فى الموضوع مرة اخرى
--------------------
وانا فى اللعبة من فترة لقيت اكونت GOLDEN_BOY
واقف بيلعب PVP
ال جرانت نيم بتاعه Kuwait_king
انا قلت له يا اسكامر يا حرامى و كدا
و لبست ال cape و روحت اموته بس معرفتش بسبب فرق اللفل
لقيت ناس جامدة معانا هنا فى المنتدى واقفين نديتهم و فضلنا نطحن فية
انا و frycoming (عضو معانا فى القسم) و صديقى 

لقيت GOLDEN_BOY بيقولى :
Ana mesh 7ramy
Lesh ma tsdkny
Ana shary head el acc walah

وطبعا على مين ؟
مش ممكن اصدقه تانى

--------------
تانى مفاجأه
عضو فى المنتدى اسمه asdd

عمل موضوع انه هيرجع الاكونت و انه هوا الى سرق الاكونت
و دى اكبر غلطة عملها
..........
و بعد كدا عمل موضوع تانى و بيقول اننا حرامية و هوا مش هيرجع حاجة لحد !!!!!

فى بعض الاحتمالات الى جات فى بالى كا محقق فى الموضوع دا

مش ممكن دا يكون واحد مختل عقلياّ و دخل قال انا سرقت الاكونت
و هوا اصلا ميعرفش الاكونت ولا عمره شافه !!!!
فى ناس هبله كدا كتير

بس انا اتأكدت ان الى عمل الموضوع فى المنتدى هوا بالفعل السارق الحقيقى للاكونت
الدليل انى كلمته فى اللعبة و اتكلمنا فى الموضوع دا
و قالى نفس الكلام الى بيقولو فى المنتدى
و قالى انا رجعت فى كلامى و مش هرجع حاجة و انتو حرامية !

و الصور من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
و دى كانت تانى غلطه هوا عملها


و بمساعدة الاستاذ : Amr Mando
عرفت ال IP لكل من
generaleslam
asdd
khaled_Oo_TOP_oO

و الصدمه الكبرى
كلهم من القاهرة
مدينه السلام
و كمان من سيبر واحد !!!!!!


-------------------

كلمت واحد اسمه رضا
صاحبهم برضو
كان بيكلمنى دايما على ال ياهو
و دى كانت المحادثة الكامله بينى و بينه
بأعترافاته الى قالها كلها
رجاء تحميل الملف من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
و رجاء قراءة المحادثه كامله من البدايه للنهاية



فجأه لقيت واحد بيقولى انا اخو احمد ميدا
وانت لية بتقول انه حرامى
و دى كانت المحادثه الكامله بينى و بينه
رجاء التحميل من عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




و اسلام مختفى مش بيفتح الايميل خالص
-----------------------------------
للأسف الناس دى ضرونى اوى اوى اوىىىىىى
و خسرونى ثقتى فى كل الى حوليا بكل اسف
واحد يكون صديقى بمعنى الكلمه
بحبه كتر من اخويا
مع انى عمرى ما شفته !
يعمل فينا كلنا كل دا !!
كل الناس دى كانت صحابى

و مكنتش اشك فيهم و لو لحظة ابدا
بس هنقول اية

حـــــسبى الله و نعم الوكيل

انا كدا ريحت ضميرى
و قلت كل الى عاوز اقوله

--

دا كل الى اعرفة عن الموضوع
و انتم تحكمو
و تقررو مين السارق


تحياتـــــى