موضوع يخص كل واحد اتسرق الأكونت بتاعه أو سرق اكونت مش بتاعة

[Al.Qanas]

بسم الله الرحمن الرحيم ..

الأول طبعا أنا مستاء جدا من اللى حصل فى اللعبه دة.
بسبب اللى حصل ناس كتير جدا خسروا الأكونتات اللى تعبوا فيها أو دفعوا فيها فلوس كتير
وبسبب اللى حصل فيه ناس كانوا مسروقين من زمان والحمد لله قدروا يرجعوا اكونتاتهم ولقوه احسن ما اتسرق منهم قبل كدة بفضل ربنا علشان قالوا الحمد لله وكان عوضهم على الله فيه.
وبنفس السبب ناس تانية اغتنوا وبقى عندهم أكونتات كتيير جدا وجولد لا يحصى

- نيجى الأول للناس اللى اتسرقت أكونتاتهم ..

أنا بتمنى طبعا انه يكون فيه Roll Back ان شاء الله يعنى وهنصبر لحد يوم التلات ولسة هنشوف اية هيحصل بأذن الله
بس كدة كدة جوى ماكس معليهمش غلط .. لانهم نبهوا قبل الابديت دة بأسبوعين انه هيبقى فيه النظام دة وان كله يعمل فريفيكيشن .. بس المشكلة ان احنا متعودناش نراجع الويب سايت بتاع اللعبه ونشوف الأخبار .. وهما كانوا عارفين ان المشكلة دى هتحصل بس هما معاهم حجتهم.

وصدقنى بلاش تضيع حقك بشوية شتايم فى جلوبال وخلى عوضك على ربنا وقول الحمد لله
وكلام خاص للناس اللى كتبوا فى الجلوبالات All Egypt Scammer وانا رديت عليهم
ياريت تبقى تقوم أسم اللى سرقك وبلاش الكلام الفاضى دة واللى ملهوش اساس من الصحه
وبلاش تشيل ذنب كل واحد مسرقش .. يعنى لو مصر كلها سرقت الا واحد هتشيل ذنب انك اتهمته بالكدب
اللى اتسرق وعايز يقول على حد سكامر يبقى يتأكد مين سرقة ويقول عليه لكن بلاش الجمع والتعميم اللى مش صح دة.

طبعا لو محصلش Roll يبقى عوضكم على الله فى الأكونتات وقولوا الحمد لله واللى اتسرق حقه فى الدنيا هياخدة فى الآخرة بإذن الله من اللى سرقة.

- الناس اللى رجعت الأكونتات بتاعتهم اللى كانت مسروقة.

وانا أولهم بس اكونتى مكانش مسروق هو انا كنت ناسى الباسورد بتاعه وجبته تانى ومبروك ليهم طبعا لو محصلش Roll Back الأكونت هيبقى رجعلهم ومبروك عليهم
بس انا شايف ان لو حصل Roll Back يبقى احسن لان اللعبه فعلا باظت بالنظام دة وانا مستعد أخسر الأكونت بتاعى تانى علشان الجيم يرجع زى ما كان قبل الابديت ..
قضى اخف من قضى يعنى.

- بالنسبه بقى للناس اللى سرقوا الأكونتات ودول يجى ربع السيرفر ولا نصه.

أنا فعلا الشيطان كان ورايا انى ارجع أكونتات وأولهم أكونتات انا بعتها وآخرهم Qanas وكمان اكونتات تانية مش بتاعتى بس كان معايا بيانتها مع العلم انها مع ناس اجانب يعنى واتراك وكدة مش مصريين .. وقولت فى نفسى انى لو كنت عارف الموضوع دة يمكن كنت هيبقى قدامى فرصة انى أخد اكونتات كتير
وفعلا كان قدامى اخد اكونتى Qanas وعملت عليه Check لقيته من غير ايميل ضامن وفضل كدة لحد تانى يوم بليل كمان وصاحبه مش عمله ايميل ضامن .. لكن الحمد لله مرضيتهاش على نفسى واستحرمت انى اخد حاجة مش بتاعتى والله الغنى.

الناس اللى سرقوا بقى الشيطان اكيد كان وراهم بردو بس هما معملوش اى كنترول ومشيوا وراه وأخدوا كل اللى قدامهم ومبسوطين بكدة يعنى.
طبعا الكلام دة ملهوش أى مبرر بالمرة حتى لو كان أنت الأكونت بتاعك أتسرق مش مبرر انك تسرق غيرك
" خذ القناعة من دنياك وارض بها لو لم يكن لك إلا راحة البدن وانظر لمن ملك الدنيا بأجمعها هل سار منها بغير الطيب والكفنِ "
يعنى يا جماعة دى لعبه مش مستاهله اننا نسرق علشانها.
وأى سرقة فى أى مكان سواء فى لعبه أو فى مكان أو فلوس أو حتى لو سرق قلم من واحد تانى
دى سرقة تتحاسب عليها.

الناس اللى اتسرقت أكونتاتهم دعوا عليكم واستعوضوا أكونتاتهم عند ربنا ودعوة المظلوم لا ترد

الثورة اللى نجحت فى مصر دى وسقطت نظام كامل كانت بسبب دعوة ناس كتير مظلومين ودة كله فضل من ربنا
دعوة المظلوم لا ترد عاجلا ام آجلا.
ومحدش بينفد من عقاب ربنا.

- ناس انا بعتز بيهم.

فيه ناس صحابى كانوا واخدين أكونتات مش حقهم ورجعوها لصحابها مرة تانية .. بجد انا بعتز بالناس اللى ضميرها بيصحى جدا ..
وفيه ناس تانيه صحابى بردو اتسرق أكونتاتهم وكانوا بايعين اكونتات زمان وكان قدامهم ياخدوها تانى لكن رفضوا انهم يسرقوا حد تانى حتى مهما حصل فيهم .. بردو ناس بعتز بصداقتهم جدا جدا

- ونصيحه للناس اللى سرقوا أكونتات

ياريت بلاش أى اكونت اتسرق تبيعوه بفلوس برة اللعبه .. طالما انت خلاص سرقت الأكونت وراضى عن كدة بس ممكن يكون جواك حاجة تمنعك انك تصرف وتاكل من مال حرام.
أى فلوس هتجيلك من الاكونت اللى انت سرقته صدقنى هتبقى بلاء ومال حرام فى جيبك وفى أكلك وفى مواصلاتك حتى اللى بتركبها والله اعلم هيبقى اية وضعها معاك .. لان مفيهاش بركة وفيها ابتلاء وغضب

لو على اللعبه فهيا مش هيبقى فيها بركة بردو .. بس لو لحد اللعبه .. اهى لعبه والسلام .. بس دة مش معناه انه صح او انك مش هتتحاسب على الكلام دة ..
لكن بجد اياك والمال والأكل الحرام ..

اللهم بلغت .. اللهم فأشهد

- بالنسبه اللى مش عارف فيه Roll Back ولا لاء ..

بنقول بس محدش يسمع لكلام حد ولا يصدق حد الا لو Joymax نفسها كتبت
بيبقى فيه ناس بتتوقع او تحتمل او بيبقى كلام مش اكيد لسه بس سعات بيبقى فيه نسبه من الصحه
انا هعرض عليكم الرأيين الموجودين دلوقتى بالنصين اللى من Joymax والله اعلم انهى صح يعنى لكن الاتنين محتملين

دا بيقول أنه فيه Roll Back ودة من Rev6 .. لكن بعدها بيوم مسحوا المقال دة .. الله اعلم ليه بس يمكن لانه مش صح .. " والله اعلم " ..
ترجمه الكلام بالمختصر : انهم هيعملوا Roll Back نتيجة المشاكل والسرقات اللى حصلت .. وهيرجعوا النظام القديم لمدة اسبوع واحد .. اللى هو زى ما كنا قبل كدة .. لمدة اسبوع واحد فقط
وفى خلال الاسبوع دة المفروض ان كل واحد يعمل ايميل ضامن على الأكونت بتاعه
لان بعد الأسبوع دة هيرجعوا النظام الجديد تانى .. ومش هيبقوا مسئولين عن اى سرقة هتتم.

دا مش مقال طبعا من جوى ماكس خالص .. دة زى اقتراح أو بيتمنوا انهم يعملوا كدة ودة بيبقى فيه نسبه صح ممكن تتم يعنى.

ودا نص المقال :

News related to ROLLBACK:
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
Act now or forever stay quiet.

We are sorry for every user who got their account hacked.
To remedy to this situation, Joymax would have to do a Roll Back and disable the feature to change the account password with the account name and secret answer for a week.
This would give enough time for the users to protect themselves.

Sadly, I doubt Joymax would take any actions.

Please note, everyone who had an Expert Premium Ticket, they no longer offer preferred access to the game.
The only item to gain preferred access to the game is the Premium Plus for 290 silk.

Please note, Rev6 data-center is currently closed for the next 48 hours.
We are working toward a solution to conform with Joymax TOS
We will no longer use 'bot' to update the data on rev6.
The newer tool does not alter the client files or packet stream.

We will post more information as soon as the newer tool is ready.
Please note, those who manually report unique kill, we will process those kills in 5-6 days.
We currently have our hand full.

Thank you for your patience.

Let keep our finger crossed and hope that Joymax will offer a rollback and block
the change password feature with the Account Name and Secret Answer for a week.

المقال التانى مش محتاج ولا كوبى ولا حاجة بس الله اعلم هو متفبرك ولا اية
المقال كان بيقول أنه مفيش اى مشكلة مع النظام الجديد بتاعهم وانه هيستمر وانه مفيش روك باك من الآخر

بس المضحك أنى اتفاجئت بنفس المقال دة بالنصصص على موقع Rev6 بتاريخ 2009
يعنى زى ما تقول حد لاقاه واخدوا كوبى وكان فيه مشكله من ايام زمان ولا حاجة واخد نفس النص وحطه على اساس انه جديد فمعتقدش انه صح بردو


المختصر من الموضوع دة ان جوى ماكس مقالتش أى حاجة بخصوص السرقات اللى حصلت ولا انهم هيعملوا رول باك او لاء
يعنى هنصبر لحد يوم التلات وأمرنا لله وان شاء الله يكون فيه Roll Back

آسف طولت عليكم فى الموضوع
بس حبيت أقول كل اللى عندى بالنسبه للموضوع دة كله
واعرف الناس اية آخر التطورات فى موضوع ال Roll Back

ياريت اللى عنده كلام يشاركنا بيه
سلااااام