هى دى سيلك رود ولا لعبه تانيه ؟

[MAX_ALI]

دلوقتى الجي ام الراجل الباشا دا حب يعمل شويه تغيرات فى اللعبه .. طيب تعالى نشوفه عمل ايه
اول حاجه عملها نزل ابديت العالم المنسى
بعد كدا قالك اى ايتمز بسيلك جديد ينفع تتبدل
رجع برضو ونزل ابديت اللص والصياد
كل دا والناس مش لاحقه تفهم حاجه .. كله ضرب ضرب ضرب مفيش شتيمه ^^
الباشا نزل اللعبس المصرى اللى الواحد عشان يجيبه يطلع روحه او يقصر ويصرف تمن تلت اربع اكونتات عشان يشتريه
كل دا مملاش عينه قعد مع مجلس الامن وخد قرار انه هيمنع يعنى هيمنع الجولد بوت طيب تعمل ايه يا واد يا جى ام تعمل ايه يا واد يا جى .. دا انتا حاطتلهم تماثيل 140 ومعملتش فيهم حاجه .. قام الباشا خد قرار الليمتيد اى بى لكل الدول معدا مصر وتركيا قعدت اللعبه تخش من اول مره لمده اسبوع كلنا فرحنا وقولنا بركه يا جامع. طيب معداش اسبوع وبصينا لقينا اللعبه بقت زحمه بطريقه تشل الواحد وكأنها بقت حرب على الجى ام اللى عندى اى اكونت يفتحه.
اما بقى اللى حصل انهارده واللى جاب الضغت والسكر والمراره والكبد وبعض الجلطات لعشاق سيلك رود ......
ان الباشا خلى اللى عاوز يسرق يسرق واللى ينهب ينهب .. بردو هتقولى ازاى هقولك ازاى الباشا خلى تغير الباسورد لاى اكونت بالسؤال السرى والاى دى بس .. يانهار يانهار .. وهتعمل ايه منك له هتعمل ايه منك له .. صحيت انهارده الصبح على شتيمه اللعيبه فى بعضها وجلوبلات نار نسبه كبيره من اللى مشترين اكونتاتهم اتقلبت وفيه اكونتات فيها ايتمز اغلى من تمن السلاح .... طيب هتسألونى برضو هتقولولى انت عامل الموضوع دا ليه ما كلنا عارفين دا كله ... هقولك انا عامل الموضوع دا عشان تسيب رد وتقولى هل جوى ماكس فى حركه لتغير اللعبه بشكل عام يعنى سيلك رود تبقى لعبه تانيه بس تحت اسم سيلك رود وبكدا تكسب ناس جديده ؟ ولا جوى ماكس ناويه تقفل سيلك رود عشان هتنزل لعبه احسن منها وهيكسبوا فيها اكتر ؟والسؤال الاهم والاهم ... يا ترى هى دى اللعبه اللى حبناها وسهرنا عليها وقضينا معاها اجمل وقت وعملنا اجمل صدقات ؟
Just leave acomment