اسالي النصب وطرق الوقاية واسترجاع حقك

[عبقرينو المنتدى]

الايام دى انتشر النصابين بكمية كبيرة جداا وللاسف الشديد معظمهم نصابين النصب فى حد ذاتو مشكلة كبيرة تحدث للفرد ودى فى حد ذاتها مشكلة نفسية ومشكلة اجتماعية بسبب قلت الموارد والامكانيات وعجذ معظم الافراد على الربح بالحلال يعنى بالبلدى كدة هوا مش عاوذ يتعب نفسة فى شغل عاوذ فلوس باى طريقة
اساليب النصب كتيير جداا انا عارفها بس انا مش حتكلام غير فى المجال بتعنا طرق النصب فى سيلك رود
اولان الاكونت دة مش بالساهل الواحد يعملو ومش بالساهل الواحد يعلية دة بيشرب المرار فى التكسيات وبيشرب المرار فى البرتيات
يعنى الواحد بيطلع عين اهلو علشان يعمل اكونت لفل 95+واول ميعملو ويصرف علية فلوس يجى بالساهل كدة يتسرق منو لو انتا مكان اى واحد من الناس دى حتعمل اية كل الى تقدر تعملو حتقول حسبى الله ونعم الوكيل ربنا حيجيبلى حقى طب مربنا سبحانو وتعالى بيقول اسعى يعبدى وانا معاك لية انتا اتسرقت ومعاك دليل انك اتسرقت وتسكت ومترجعش حقك انا بلاقى كتير من الشباب يبدا السن من 12_لحد20سنة والله العضيم قدام عينى ابوة يدية مصروف الاسبوع وليكن 100جنية ببص القية يحرم نفسو من انو يضيع المصروف فى الاكل والشرب ويصوم من الصبح لحد الظهر علشان يجيب كرت سيلك وشويت جولد للاكونت بتاعو لانو بيحب اللعبة المهم انا بعد دراسة عميقة فى الموضوع دة قررت اجيب حق اى حد اتسرق ودة وعد منى قدام الله انى ارجع حق كل واحد اتسرق واتنصب علية

اولان اساليب النصب
انا حقول اساليب النصب الى ممكن تتعمل عليك يريس لانها اتعملت عليا بس الحمد لله انا رجعت حقى
اولان النصابين دول بيبقو 1_نصاب محترف جداااا
2_نصاب محترف
3_نصاب ذو خبرة
4_نصاب جديد فى المهنة

حبدا بالشرح الكامل 1
نبدا مع بعض

اولان النصاب المحترف جداااااااا
دة بيكون اخطر واحد ممكن يسرقك وهوا مغمض عنية لانو بيقى ذو خبرة عالية وبيديك كل اساليب الاطمأنات وبيخليك تثق فية من غير اى كلام لانو بيمتلك هكرات وبتشات بريميها على جهاذك من غير متحس يريس ويسرقك وانتا قاعد على الكمبيوتر وعندة امكانية انو يسرق منك اى حاجة هوا عوذها ثواء موقع انتا عملو او منتدى او اكونت ودة عمتاا بيكون حاجة صعبة جداا واخطر اساليب النصب بتكون عندو وتقريبا بيكون معاة اكونت لفل 110فل نوفا بس بيكون علية اميل حماية ففيركشن كود ياهو او هوت ميل او جى ميل وعلشان تتطمن يريس جداا ممكن لو حتبدل معاة علشان يطمنك من نحيتوبيديك البيانات الاول وبيقلك كمان تتغير اذاى لو انتا مش حتعرف تغيرها وبعد يوم او اتنين بالكتير بيرجع الاكونت تانى ولو انتا كنت عملو الف اميل ضامن برضو بيرجعو

الثانى نصاب محترف
دة بيبقى نصاب محترف بس مش ذى النصاب الى قبلة لانو مبيمتلكش هكرات وبتشات علشان كدة انا بطلق علية المقلد اذاى بقىاقلوكو يروح يظبط نفسو الاول ويصرف من جيبو شوية علشان عارف نفسو اى قرش حيدفعو حيجية مليون اضعافة يعمل اية بقى يظبط 3اميل ياهو ويظبط شريحتين تقريبا وحدة بتبقى موبنيل والتانية بتبقى فودافون ويروح اى منتدى يبقى لسة جديد ويعمل اعلان وتقريبا بيقتبس اى اعلان من الى عندنا فى منتدى سيلك رود فور عرب ويقلد واحد ذية بالظبط ودى بقى بتبقى عدت الشغل يعمل اية بقى تانى العدة لسة نقصة يروح يعمل من 5الى10عضويات فى سيلك رود فور عرب مهمت العضويات دى انها تجر الصيدة لمكان الصيد وتقريبا بينقى الاكونتات الى عاوذ يسرقها وشرط تكون لفل 95+ بهدف انو يجمع اكبر كميت اكونتات وللاسف يجماعة الكل لاذم يأمنو عرفين لية لان الناس بتتغش فية اول متتكلام معاة يروح بعتلك رابط تروح تفتحو تلاقى الاعلان بتاعو تدية الثقة على طول وتملية بيانات الاكونت وانتا مغمض لانك بتبقى محتاج الفلوس دى ولو انتا عاوذ تبدل باكونت احسن مليون فى المية بتلقى طلبك عندو اذاى اقلك يعنى انتا معاك اكونت لفل 90وعاوذ تبدلو باى بليد تانى على نفس السيرفر تيجى تكلامو على اميل الشركة المذورة دى يقلك ثوانى يفندم اخلص الاردرات الى معاية ومبتبقاش فية اردرات وتقريبا محدش بيبقى بيكلامو غيرك بيعمل اية بقى فى الوقت دة اقلك انا بيبقى داخل فى ريف 6بيدورلك على اكونت اعلى من الاكونت بتاعك ب5لفل يعنى لو الاكونت بتاعك لفل 90بيدورلك على اقل حاجة 3اكونت لفل 92واكونتلفل97واكونتلفل110 ويجى يكلامك بكل ادب واحترام ويقلك على الاكونتات الى معاة ويقلك مواصفات الاكونتات كمان الى معاةوبتبقى مواصفات وهمية المهم حتعمل نفسك ذكى معاة مش حتسلك حتقولو طب انا ممكن تكلامنى من الجيم حيرد عليك ويقلك انا مبلعبش الجيم ومش عندى اللعبة على الجهاذ حتطلع ذكى وتقولو ورينى صور الاكونت حيطلع اذكى منك ويقلك ادى اسم الاكونت خش وشوفة على ريف 6حتخش وتشوف الاكونت الى انتا لقيتو مناسب انك تبدل بية وحتطمع المهم حتقولو انا موافق انى ابدل معاك حيقلك بنفس اللفظ دة شرفنى يفندم فى الشركة وان شاء الله مش حنختلف حتسالو فين الشركة حيبعتلك رابط ويقلك العنوان وارقام التليفونات عندك فى الرابط حتدخل علشان تشوف العنوان حتلقية تقريبا فى اسيوط او المنيا او الاسماعلية اى مكان بعيد علشان تفقد الامل فى السفر حتكلامو تانى وتقولو العنوان بعيد وانا مش حعرف اسافر حيقلك وبكل ثقة خلاص يفندم مفيش نصيب اننا نبدل لحد منتا الى تقولو عاوذ ابدل عن طريق الياهو وبكدة حياخد منك الاكونت ويديك بومبا ويعملك انجور من الياهو وبكدة بقيت فريسة واصدادك وشكرااا

الثالت نصاب ذو خبرة
دة النوع الثالت من النصابين بتبقى عندو خبرة فى عملايت النصب وبيبقى استاذ ورئيس قسم فى الففيركشن بيقلك عاوذ ابدل معاك وتقريبا بيكلامك فى الجيم ولو وفقت بيقلك نتكلام فى الياهو ودة اول خيط تبدا تتكلام معاة يكلامك كانو شيخ وعاوذ يبدل معاك وبيكون كلامو مقنع بس بيبقى لسة ذو حبرة موصلش لمرحلت الاحتراف تروح تتكلام معاة يقلك انا حديك الايدى والباسورد تشوف الاكونت وتدينى الايدى والباسورد اشوف الاكونت وطبعا بيديك ايدى وباسورد اكونت لفل واحد واول منتا تدية الايدى والباسورد بتاع الاكونت بتاعك بيتفق معاك انتا تقفل الاكونت الاول وبعد كدة هوا بيفتح الاكونت بتاعك ويقلبك يريس تيجى تفتح الاكونت بتاعو تلية لفل 1 حتقلب فية اية وكدة تبقى اتنصب عليك

النصاب الرابع والاخير الى هوا جديد فى المهنة
دة بيبقى خصارة الى بيخصرهالك بتبقى قليلة يعنى ينصب عليك فى التكسيات تديلو الجولد ويقلك باى باى

بكدة انا شرحت النصابين الاربعة الى محيرين الكون وبينصوبو على الناس والشرح دة انا قولتو لانو للاسف اتعمل عليا اولان النصاب المحترف جداا دة سرق منى اكونت لفل 110للاسف الشديد حتى الان مش عارف اعمل معاة اى حاجة النصاب الثانى النصاب المحترف معرفش يعمل معاية حاجة لانو قلى العنوان الوهمى وانا كنت رافض املى بيانات اكونت لفل 100عن طريق النت وقلتلو العنوان ورحت العنوان كان فى ناس قريبى فى المنيا قولتلهم العنوان راحو ملقوش اى بيانات خالص ولا شركة ولا اى حاجة واول مكشفتو غير الاميلات بتعتو كانت شركة الماسة خلاها شركت العاصفة مسبتوش برضو لحد مغير اسم الشركة تانى وغير الاميلات وخلاها شركة ايجى جولد وفى كل مرة كان بيكلامنى باحترام ويفندم وحضرتك والكلام دة واول ميلقيش منى فيدة كنت بتشبع شتيمة
النصاب الثالت ذو خبرة دة قلبنى فى الاكونت لفل110 قبل ميسرقو منى النصاب المحترف جداا
النصاب الجديد فى المهنة دة قلبنى فى التكسى بعد متسرقت منى الاكونت لفل 110واتطريت اعمل اكونت تانى قلبنى فى 100كليون يعنى الكلام الى انا قولتو دة كلو كلام مدروس نضرى وعملاى

انا من الصبح بتكلام لحد الى بيقرى الموضوع دة ذهق وبيقول فى نفسو انا اتسرقت ارجع حقى اذاى انتا صدعتنا يعم اقولو طيب تعالى معاية بقى علشان ترجع حقك

انا حقولكو ترجعو حقوكو اذاى بس معلش يعنى مش حينفع اقول الكلام دة فى المنتدى حقول الطريقة وفى كلام تانى انا مش حينفع اقولو لان انا متأكد ان فى ناس دخلين الموضوع بتاعى وللاسف هما نصابين وعوذين يعرفو الطريقة الى يحمو نفسهم بيها المهم انا حقول وامرى لله
اولان طبعا انتو عرفين ان فى حاجة اسمها الحكومة الالكترونية دى الى بترجع حق الناس اذى بقى حترجعلك حقك وللعلم للجماعة النصابين الى بينصوبو على خلق الله القانون واضح وصريح عقوبت النصب السجن من3الى 5سنوات
المطلوب منك اية يريس علشان ترجع حقك
اولان حوار كامل يبين انك اتسرقت واتنصب عليك ويكون متصور والكلام واضح فية
ثانيا اسم الراجل الى نصب عليك ويكون ثلاثى يعنى نصب عليك وانتا عرفو كويس قولو انا عاوذ منك اكونت وعشمو بكدة وقولو انا حبعتلك حواله بريدية طبعا واكيدحيديك الاسم بتاعو وعنوان اقرب مكتب بريد بكدة انتا عرفت العنوان بتاعو
ولو البيانات والادلة والبراهين بتكون معاك كدة انا ممكن اعملك الحوار دة واجيبلك حقك كامل متكامل

كدة تمام حقلك ارقام وعنوان الحكومة الالكترونية لمكافحت عملايات النصب
مباحث الانترنت - مكافحة جرائم المعلومات
الإدارة العامة للمعلومات و التوثيق :
27921490
27921491
27921487
العنوان
مقرها مبنى وزارة الداخلية شارع الشيخ ريحان باب اللوق وسط البلد
مع مراعاة اضافة 02 لانها توجد فى القاهرة للمتصل من المنصورة او الاسكندرية أو من اى محافظة أخرى .
وللمتصل من خارج مصر يضيف 202 قبل أي رقم من الأرقام المذكورة أعلاه


دة متال واحد من النصابين الى انا ذكرتهم وهوا نمرة 2النصاب المحترف والدليل معاية طبعاا
مصور الحوار الى دار بينى وبينو بعد متاكت انو نصاب وكاتب ردوود لاكتر من 150اكونت فى المنتدى وانتحل اكتر من 5شخصيات قبل كدة منهم شركه ماسة شركة مذيفة من تصميمو هوا وشركت العاصفة مذيفة برضو وعدد ضحايها فوق 150ضحية واخيريا شركت جولد ايجى المذيفة برضو وعدد ضحياها 20ضحية والكلام ملوش معنى من غير دليل واضح وادى الدليل فى الصور ياريت الكل يتعلم
الصور الحوار الى دار بينى وبين النصاب المحترف (المقلد)








فى النهاية اقول للاخوة الى اتنصب عليهم ان شاء الله لو معاك دليل واضح انك اتنصب عليك شرفنى فى الياهو وانا بفضل من الله تعالى ارجعلك حقك واقول للناس الى لسة متنصبش عليهم يحرصو جداا على الاكونتات بتعتهم لانهم فى يوم من الايام حيقابلو اى شخصية من 4شخصيات الى انا قولتهم دول علشان يكونو حذرين ويخدو بلهم كويس علشان ميتسرقش منك الاكونت وتندم بعد كدة

وبوجة شكر خالص للاستاذ خالد مشرف قسم الاعلانات لان الاستاذ خالد بيعمل مجهود جامد علشان يتاكد من هويت المعلنين وبفضل من الله انا اتعملت مع كل المعلنين فى المنتدى والحمد لله رب العالمين كلهم ناس محترمة وامنية خاصة شركه نيو جولد بالرغم انها لسة جديدة والاعلان بتعها جديد فى المنتدى لاكن ثبتت وجودها انها شركة محترمة واشكر السادة المشرفين على جهودهم الجبارة فى التصدى للمخربين ومنع عملايات النصب فى المنتدى وان شاء الله المنتدى دة بجهودنا وجهود المشرفين الكرام حيبقى فى الافضل ان شاء الله والله الموفق

وفى النهايةدة الاميل بتاعى عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
انا كاتب الاميل بتاعى لثلاتة اهداف الهدف الاول للى اى حد اتنصب علية وطالب مسعدة
الهدف الثانى للناس الى عاوذة معلومات اكتر علشان تحرص على الاكونتات بتعتها
الهدف الثالث والاخير للناس الى عاوذة تتضم معاية بهدف اننا نمنع اساليب النصب الممكنة
وفى النهاية اقول