خــــــواطــــر و بـــــتــــنـــجان ( الحلقه الاولي )

[super_man619]

بسم الله الرحمن الرحيم
السلام عليكم و رحمه الله و بركاته


مقدمه عن البرنامج ..

البنامج بيحكي الخواطر الي بتحصل لساب مصري و في تلك الحاله انا " و الحدء يفهم "


خش عليا بالكاميرا كده يا جيمي .. شمال شويه .. ايوه كده تمام

عارف اما تبقي جواك كلام كتير.. و عايز تطلعه كله من غير حساب .. اصل اليومين دول .. بقي الكلام بفلوس .. و علشان كده دخلنا المدعوق الي اسمه الفيس بوك .. ايه فوكس بوكس ده يا خويا .. ديه لحمه مجمده يا حاجه بس رخيصه .. طلعت من بقي مع ضحكه مصريه خالصه لواحده ست ف طابور الاستفتاء .. اول ما شوفت طابور الاستفتاء شامخ كده .. قلت يا سلاااام .. ليلتنا صباحي ياسطي .. و طلعت علي عم يحي صاحب عربيه الفول الي جنب بيتنا الموقر بحي منشيه البكري بمصر الجديده .. شقتين مفروشين يا عم يحي .. بمززهم ولا من غير مززهم يا باشمهندز .. لا ياعم يحي انت من الثوره المضاده ولا ايه .. لا يابني انا من السيده زينب .. انفجرت ضاحكا علي بساطه الراجل ده , بس ان جينا للحق .. الفول بتاعه لا يعلي عليه .. طلعت لقيت الطابور بقي اطول .. قلت كلمه ابيحه ف سري و خدتها مشي ل اخر الطابور و جبت كمان كانز و شيبسي , و بقيت شبه الي رايح جنينه الحيوانات , وقفت ف اخر الطابور و مبتسم و فاشخ بؤي اوي ولا كاني رايح اظبط مزه لا و ايه متشيك و حاطط برفان .. بعيد عنك فضلت واقف بتاع ساعه و شويه علي م وصلت و دخلت و اخر تمام و رحت للمكتب و خدت الورقه .. المشكله اني لسه راسم الابتسامه البلهاء ديه علي وشي .. لقيت الموظب بصي نفس البصه بنت ال*** بتاعت قبل الثوره .. لتاني مره اقول نفس الكلمه القبيحه مسجلا اعتراضي و احتجاجي و حنقي الشديد من البصه ديه .. خدت الورقه و علمت علي لا اوافق و جه وقت الحبر الفسفوري .. انا عدم الامؤخذه عايز اخلص حط ايدك يابني في الحبر الفسفوري .. حطيت .. و قمت مسلم عليه .. و قالي نفس الكلمه القبيحه الي انا عمال بقولها لنفسي من اول اليوم .. يلا سلام