شويه نكت كده ارجو ان تنال اعجابكم

[Captin_tifa]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مسطول بيسأل صاحبه هو الزيتون له رجلين ؟؟ قال له : لا ... قال : يبقى انا أكلت خنفسه .


*************** ***


غبى دخل صيدليه بيسال الدكتور قالو في فيتامينات حديد قالو اه قالو طب اديني سيخ .


*************** *****


واحد بخيل ييجي بالليل و يقول لولاده مين يتعشى ومين ياخد جنيه كل الولاد يقولو ناخد الجنيه ييجى الصبح ويقولهم مين يفطر و يعطى لبابا جنيه .


*************** **


مرة واحد خطف طيارة وقال للحكومة لو طلباتى م اتنفزتش فى ظرف 5 دقائق ... حموت نفسى .


*************** ***


واحد بخيل.. بعد ما أكل هو وابنه ..... ابنه قاله بابا حاسس انى عايز أرجّع .... قالوا وكلت ليه من الأول .


***************


مرة نملة ماشية بتعيط فمسكها راجل على كفه وسألها "انتي بتعيطى ليةيا نملة؟" قالتله "علشان بابا وعيلتى كلهم ماتوا" حط كفه على كفه وقال "لا حول ولا قوة الا بالله"


************


بطة راحت لبقال قالت له عندك سكر ؟؟ قال لها لا.. راحت له تاني يوم قالت له
عندك سكر؟؟ قال لها لأ ، وعارفه لو جتيني تاني حدق رجليكي المفلطحه في
الأرض... راحت له تاني وقالت له عندك مسامير؟؟ قال لها لأ .. قالت له طب
عندك سكر


*************** *****


واحد سرق كرسي من القهوة وطلع يجري ... فالواد الاهوجي شافه اخد ديله في
سنانه و جري وراه ... قام الحرامي لمحه بيجري وراه ....... راح وقف فى نص
الطريق وقعد على الكرسى .. قال للاهوجي هات لى واحد شاي


***************


واحدة ست تخينة قوى قوى مش عارفين يوزنوها علشان الميزان كل مرة ينكسر جابوا
احدث ميزان من برة وقالوا خلاص هنعرف وزنها بعد ماطلعت على الميزان الميزان
خرج ورقة مكتوب عليها لو سمحتوا ياجماعة واحد واحد بالدور


*************** ***


مساطيل قاعدين بيصيدوا ضبابير ، عدّت من فوقيهم هليكوبتر .... واحد منهم قال
أمهم جت اهربوووووووووو


*************** ****


واحد راح للدكتور بيحكى له عن حالته وبيقول انا كل يوم باصحى الآقى نفسى
مندهش ، كل مرة بأ صحى الآقى نفسى مندهش .... راح الدكتور كاتب له على علاج
فصحى تانى يوم لقى نفسة مش مندهش ............. فإندهش


*************** ********


كان في واحد شكله وحش اوي اوي اوي عايز يتجوز واتقدم لواحده فبيقول لأبوها:
انا يا عمي وبلا فخر عملت نفسي بنفسي
قاله: ما انا برضو بقول استحالة تكون خلقة ربنا


*************** *****


بخيل بيقول لعيالة أوعدكم إذا نجحتوا في الامتحان هاوديكم تشوفوا أولاد
بياكلوا في كنتاكي.


*************** ******


مرة واحد نام متاخر لقي الحلم بدأ


*************** ******


نمله ماتت على الشط فبيسألو مسطول تعتقد ليه ماتت؟ قال ضحايا تايتنك


*************** ******


مره واحد مسطول بيقول لواحد صاحبه اقولك سر قاله فى بير
قاله سلفنى 10جنيه
قاله ولا اكنى سمعت حاجه


*************** ******


واحد مسطول متجوز جديد جه فى ليلة الدخلة ومقضيها بوس مراته بتسأله .. مش عاوز حاجة من تحت ؟
قالها يا ريت علبة سجاير وانتى جاية


*************** ******


- مرة واحد اتخنق من ابوه فسابله البيت !! ابوه قال له سايب البيت ورايح فين مردش علية !! نزل الشارع وقف تاكسى : السواق بيقوله على فين قال له إذا كنت ما قولتش لبويا رايح فين هقولك أنتا .......


*************** ******


- واحد مسطول ماشى فى الشارع مذيعة وقفته قالت له سؤال الحلقة هو فين القمر ؟ فقال لها أهو قالت له مبروك كسبت عشرين جنية !!!قال لها وفى واحد كمان أهو !!!


*************** ******


مرة واحد سعودى لقى مصباح علاء الدين دعكة طلع له عفريت قال له شبيك لبيك تطلب اية
قال له طلعلى كل المصريين من السعودية فالجن قال له لية بس يا عم إحنا عملنا لك حاجة !!!!!!!!!!!


*************** ******


- واحد بلديتنا وواحد امريكى وواحد يابانى ... عرضوهم على جهاز كشف الكذب
الأمريكى قال إحنا (بنفكر ) نطلع المريخ ونعمل مستوطنات ,,,,,,, راح الجهاز مصفر تييييت
اليابانى قال إحنا (بنفكر) نعمل إنسان ألى ونستغنى عن البشر ,,,,,,, الجهاز صفر
بلدياتنا قال إحنا (بنفكر) ,,,,,,,,,,,, ولسة ما كملش الكلمة راح الجهاز مصفر .


*************** ******


اليسا ونانسي وهيفا قاعدين في قطار وبيتكلموا عن فارس احلامهم
وبيتكلموا عن فارس أحلامهم
إليسا قالت : نفسي أتجوز ضابط
هيفا قالت :
نفسي أتجوز صيني
نانسي قالت :
نفسي أتجوز لاعب كرة مشهور
سمعهم واحد
دخل عليهم وقالهم معاكوا العقيد شونج يونج الشهير بأبوتريكة


*************** ******

فى مرة واحدة اتشاكلت مع جوزها

بتقوله يعوذ بالله منك ياريتنى اتجوت ابليس و لا اتجوزتك انت

قاله مينفعش لأن الأخ ميجوزش يتجوز أخته .

*************** ******

فى مرة طفل كل ما مامته تتشاكل معاه تقوله

اخص عليك أنا أمك اللى رضعتك

زهق منها راح جابلها كرتونة لبن

و قالها خدى كده ملكيش عندى حاجة .


*************** ******


صعيدى دخل الجيش اسمه ثابت كل ما يصرخ الضابط ثابت يقول : نعم يا فندم !!!
الضابط يقوله : يابابا مش باندهلك أنا قصدي اثبتوا .وفى يوم عرف الضابط ان الوزير حايزورهموقال : أكيد ثابت حايبوظ اللقاء مع الوزير ، فأحسن لي أطلعه اجازه .

وصل الوزير وصرخ الضابط : ثابت
صرخوا العساكر كلهم:
طلع اجازه يا فندم
*************** ******


جندي حطوه في الجبهة على الخط الأول مع العدو ، وقالو له; أول ما تحس بأي تحرك للعدو فورا تقولنا ، و عندك هنا جهاز تليفون على اتصال مباشر مع القيادة . وفي يوم لاحظ الجندي تحرك العدو فرفع التليفون ، وقال: ــ ألو قيادة ؟ . . . العدو على بعد 5 كم . فقالوا له : علم . بعد نص ساعة تانية رفع سماعة التليفون وقال : ــ ألو قيادة ؟ . . . العدو على بعد كيلو واحد ، فقالو له : علم . و مجاش أى حد . وبعد نص ساعة كمان ، اتصل بيهم و قال : ــ ألو قيادة . . قالوا له : نعم ؟ قال لهم : ــ اتفضلو كلموا العدو .



*************** ***


قرد حظه وحش وقرد حظه حلو ، ضربهم الجوع فقالوا بينا على جنينة عم عبده ناكل موز
القرد الذى حظه حلو قال انا هطلع الشجرة وخليك تحت ارميلك وتعبى الموز، جاء عم عبده مسك القرد الذى على الارض واخذ يضربه
فى اليوم التالى قرصهم الجوع فراحو تانى وطلع القرد الذى حظو حلوا على الشجرة والثانى تحت يعبى الموز ، جه صاحب الجنينة ومسك القرد الى تحت وفر الاخر واخذ يضربه
فى اليوم الثالث كاد الجوع ان يقتلهم فقررو الذهاب إلى الجنينة مرة أخرة مسئلة حياة او موت
القرد الذى حظه حلوا قال أنا هطلع فوق وخليك انت تحت عبى الموز ، قالوا لا مش كل مرة خليك انت تحت وانا اطلع فوق ، وحصل ذلك ، فجاء صاحب الجنينة ومع ابنه فجرى الابن وأمسك بالقرد الذى على الارض "الذى حظه حلو" فقال له أبوه سيبه يا بنى أن هريته ضرب يومين ورا بعض اضرب فيه ، أطلع هات ابن الذينا الى فوق


*************** ***


لاب لبنته : كنتى فين بقالك ساعة بره البيت
البنت : معلش يا بابا انا كنت راجعة من المعادى بس واحد اغتصبنى
الاب : الاغتصاب ياخد نص ساعة كنتى فين النص ساعة التانية


*************** ***


* بقرة جالها جفاف نزلت نيدو .


*************** ***


* ليه الخشب يتيم؟...... لأ نه مقطوع من شجرة .


*************** ***


* مرة مدرس رياضيات خلف ولدين و استنتج التالت .


*************** ***


واحدة بتقول لحبيبها أهلي مسافرين والبيت فاضي قالها أقري قرآن وماتخافيش .


*************** ***


* واحدة بتقول لجوزها اطرد السواق كان حيموتني مرتين في حادثة ، قال لها خلينا نديه فرصة ثالثة ....


*************** ***


* محشش بيسأل محشش التعلب بيولد ولا بيبيض قاله التعلب مكار توقع منه أي حاجة


*************** ***


* التلميذ : بحبك يا أبله و عاوز أتجوزك..... المدرسه : بس أنا مبحبش الأولاد الصغيرين...

§ التلميذ : وأنا مش مستعجل على الأولاد .


*************** ***


* ثلاثة مساطيل قاعدين في سهرة

§ الأول : أنا عندي فلوس أشتري بيها أمريكا الشمالية

§ الثاني : وأنا عندي فلوس أشتري بيها أمريكا الشمالية و الجنوبية

§ الثالث : و مين قالكم إني رح أبيع


*************** ***

واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد.

*************** ***

المدرس : كم حاصل ضرب واحد في ثلاثة ؟
التلميذ : ثلاثة ـ ثم أعطاه المدرس ثلاثة ريالات
فقال التلميذ : ليتني قلت عشرة

*************** ***

واحد واقف أمام محل عصير ومعهوش غير 25قرش قال اشرب عصير ولا اركب الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن

*************** ***
مرة مدرس دخل الفصل فقال للتلاميذ يعيش السمك في الماء رد التلاميذ يعيش يعيش يعيش

*************** ***
مرة دكتور راح مستشفى المجانين لقى كل العيانين بيتنططوا على السرير,لقى واحد قاعد لوحدة راح ساله قالة هما بيعملوا كدة لية ،رد عليه وقالة فاكرين نفسهم فى حله فشار قالة وانت قاعد كدة لية قالة اصلى لزقت فى قعر الحله

*************** ***
بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن ال*** بابه واحده كفاية

*************** ***
واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا"

*************** ***
واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط

*************** ***
واحد بلدياتنا بيحكي لصاحبه ان مراته بتخونه رجع من الشغل لقاها نايمه مع واحد في السرير راح صاحبه قاله عملت ايه قاله رحت دخلت جبت السكينه وقطعت لمونه عشان اروق اعصابي راح صاحبه قالوة طب عملت ايه في الرجل اللي بيخونك مع مراتك قالوه معملتلوش حاجة هو انا شغال عند اهله

*************** ***
واحد أعمى فتّح ... من الفرحة اتشل

*************** ***
مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي ال***

*************** ***
فار وخطيبته ماشيين,شاف الفيل فحب يعمل منظر اودمها,فقعد ينده علي الفيل ويقولو "خد يا فيل انت أيوة انت يا عجل" واقعد يهزء فيه تاني يوم راح للفيل وقالو "معلش سامحني انا كنت بعمل منظر قدام خطيبتي وهطلع أبوس دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي

*************** ***
قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد
فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم فقال لهم : ماتجوش الجمعة الجايـــة

*************** ***

سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى
فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

*************** ***

مرة واحد قاعد على القهوة زعلان وقدامه كباية شاى راح جاى واحد فتوة ومفترى شرب الشاى وقاله ايه تقدر تعمل حاجة راح الراجل قعد يعيط راح الراجل المفترى قاله كل ده عشان كباية شاى قاله اصل انهارده الدنيا ملطشة معايا قمت من النوم المية مقطوعة وصاحب البيت عايز الايجار والموتسكل بتاع الشغل اتسرق واطردت من الشغل حتى كباية الشاى اللى حطيت فيها السم جيت انت وشربتها

*************** ***

مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجعل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر

*************** ***

مرة شحات بيقول لله رد علية واحد قالة ربنا يسهلك قاله وان ماسهلهاش ارجعلك



*************** ***

واحد حشاش ازعجتة دبانه قطع جناحتها وقلها
يلا خديها كعابي

*************** ***

مرة شوية مجانين فى مستشفى رسموا باب على الحيط وقعدوا يخشوا فية بكتفهم علشان يتفتح فالدكتور دخل عليهم لقى واحد قاعد على جنب قالة انت اللى عاقل فيهم والله انت مبتعملش زيهم لية قالة ...... قالة حمير ميعرفوش ان المفتاح معايا

*************** ***


واحد ماشى فى الصحراء قابل واحد بلدياتنا فبيقلوا انا حران من الشمس
فبلدياتنا قاله وانا محمدين من الارض

*************** ***

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ
بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ...
وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها
حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان
ولحس منها شوية ولقاها حلوة... قال لهم... شباب طلعوها

*************** ***

اثنين محششين واحد قال : تسدأ الدنيا دي مآســــي ،، قاله الثاني ليه أنتا بتلبس كام

*************** ***

مرة واحد غبي اشتغل سواق تكسي في الصين كل ما يوقف لواحد يقول مش انا لسه موصلك ياد


*************** ***

واحد في الإمتحان مش عارف يحل والإمتحان كله صح و غلط ، راح مطلع بريزه ولعب ملك وكتابة على اإمتحان خلص الإمتحان في نص ساعة ،طلع البريزة تاني ليييييييييييييييييييييه؟؟؟؟؟؟؟؟؟ علشان يراجع هاهاهاهاها



*************** ***

أحول سألوه ايش أمنيتك بالحياة

قال: أشوف واحد ماشي لوحده

*************** ***

مرة استاذة لبسة سلسلة علي شكل طيارة قام التلميذ باصص عليها شافتة الاستاذة قالتلة عجبك الطيارة قالها لاء المطار يا ميس



عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]