(*•.¸(`•.¸ يـومـيــات أســـلام وأصـحـابــه ( الجـزء الـثـانـى ) ¸.•´)¸.•*)

[Islam Saeed]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

To :-

Silkroad4AraB







- أعزائى الزوار , وأحـبائى الاعضاء .

- أهلا بكم فى الجزء الـثــانى مـن :-


(*•.¸(`•.¸ يـومـيــات أســـلام وأصـحـابــه ¸.•´)¸.•*)


- يمكنك متـابعه الجـزء الاول مـن هـنـا :-

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


- وأرجـو أن تـستمتعو بـالجزء الـثـانى وأن يـنال اعـجابكـم .



- الجـزء الأول كـان بـنفس عنوان الموضوع !!

- أمـا الجزء الـثانى سـيكون عنوانه :-

" تـغــيـرات واضـحـه "




- تـوقـفـنا فـى الجزء الـسـابق , لمـا الاستاذ أتفق معاهم على أنهم هيخدو درس على واحد قريب منهم وأنهم مش هيعملو مشاكل !.





- الـيوم الـتالى فـى المدرسه .


الاسـتاذ : أسـلام عـلاء محمد , تـعالـو .

التـلاته : حــاضــر !!

الاسـتاذ : الدرس النهردا الساعه 6 .

علاء : تـمام ^-^ , الميعاد كويس .


- وأتـفقو عـلى المكان الى هيتقبلو فـيه .

والـساعه 5:55

ووصــل محــمد .

والسـاعه 6:02

ووصـل الاسـتــاذ

والـساعه 6:13

ووصــل أسلام وعـلاء !!

الاسـتـاذ : يـابنى أنت ديما كده مـتأخر !؟
مـفـيش فى مره تلتزم بمواعيدك !؟

علاء بنداله : ده أسلام !! , نص ساعه بيلبس , ونص ساعه بيسرح شعره , وربع ساعه أستراحه

أسلام : معلش يا أستاذ أعسرنى , أقصد أعزرنى

الاستاذ : ماشى !! , يـلا عـشان مـتأخرين .

- وفضلو ماشيين لحد ما وصلو البيت , وتقريـبا فى نفس المنطقه بتاعه اسلام وعلاء .

طلـعـو الـبيت الدور الـتـانى .


محمد : أيـه ده !! الاستاذ قال اننا هناخد عند ولد مش عند بنت !! ولوحديها !

علاء : أيوه صح دى بنت ^_^ , بس أنا حاسس انى شفتها قبل كده

أسلام : وأنـا كمان والله يا علاء !!

محمد : الـحــق !!!ويمـهس لأسلام , دى نـور بـتاعه مدرسه أبتدائى !!

( نـور بنت جميله جدا جدا ومحترمه , والحب الأول والحقيقى لأسلام , وحاول كتير يكلمها أو يوصلها ولكنه مش عرف ! وقعد سنتين بيحاول ولكنه فشل !)

أسلام هامسا لمحمد : لا ياعم مش هيا !! نور مكنتش محجبه ! , بس فيها شبه منها ! .

محمد : ماهى فى 3 أعدادى , وكبرت فا اتحجبت !!

علاء : أيوه يا عم هـيا !!

- والاسـتاذ بيكلم نور ومش مركز معاهم ولا سامع الى بيقولو

الاستاذ : أحب اعرفكم بزملتكم نــور .

الاستاذ : أسلام , علاء , محمد !

- أسلام أول ما سمع أسمها أتـأكد انـها هـيا
- وخلص الدرس وأسلام متنح ومكنش قادر يشيل عينه من عليها ومستغرب فى نفس الوقت !!

- بعد أنتهاء الدرس وهما مروحيــن البيت

محمد : سبحان الله يـا أخـى !! بقالك سنتين بتجرى وراها عشان تبصلك بس , وشوف الصدفه ! , أنك تبقى معاها فى نفس الدرس وعندها فى البيت , والغريبه أنك مكنتش موافق اصلا على الدرس ده !!
تفتكر ربنا بعتك ليها !؟

اسلام : أنا مش عارف ومش فاهم أى حاجه يا محمد , أنا من بين كل البنات الى عرفتها , حبيت نور دى بجد .

علاء : طيب أحنـا لازم نعمل حاجه تخليها تعرفك , وأنت عليك الباقى !.

أسلام : من الحصه الجايه , هيبقى فيه تخطيط ودقه وتنفيذ

محمد : شكلك فاهم يا نصه ^-^


- الــيوم الـتـالى فـى المدرسه .


أسلام : أنـا مش قادر أتخيـل أنها معايا فى الدرس , أنا منمتش من أمـبارح !!



علاء : يـا قلبى !! , تصدق صعبت علـيا !!


محمد : هدير بتشورلك هناك اهـى .

أسلام : فكك مـنها , هبقى اشوفها عاوزه ايه بعدين .

محمد وعلاء بتعجب ! : طـيب


- وبعد المدرسه لـعـبو بـلاى ستيشن كالعاده !
وعدا 3 أيـام أسلام ميكنش بينام فيهم
وكان بيفكر على طول فى نور , وأزاى يلفت نظرها ليه , ويتعرف عليها

- وجـيه يـوم الدرس , وهما لسه فى المدرسه !!
فـى حـصه دراســات .


الاسـتاذ : وتتميز مصر بصناعه القطن وهوا من أجود انواع القطن فى العالم !!

أسلام : عندك أفكار تلفت نظر نـور لـيا !؟

محمد : أنت تحاول تلفت نظرها بخفه الدم والهزار والذى منه !!

أسلام : يابنى انا أول ما هشوفها هتنح كالعاده ومش هعرف اقول حاجه !!


محمد : طيب خد دى وأدعيلى !!

أسلام : ربنا يستر .

محمد : أنت هتعود فى الكرسى الى قدامها بالظبط !! , وهتودى رجـلك من تحت الطربيزه لرجلها , وتحط رجلك على رجـلها وكـأنك مش قاصد ^-^ , سـعـتها هتتكسف تقول للأستاذ وتسكت وكأن مفيش حاجه !! , بس هتبقى بدايه تاخد بالها منك حتى لو حاسه انك رخم , بس تحطك فى دماغها , وبعد ما تتعرفو هتعرف انك مش رخم ولا حاجه !! بس المهم تبقى فى دماغها .

أسلام : والله أنا حاسس أنى هروح ورا الشمس بسببك !!

محمد : لا متخفش !! , أحنا هناخد الدرس بـليل


الاسـتاذ : أنـتو بـتقولو ايـه لـبعض !!؟


أسلام : ده انـا بقولو أن اللحاف الى بيستغطى بيه ده جوده مصريه بريفكس .

الاستاذ : وزاى ما قولنا أن مصر الدوله الاولى فى صناعه القطن فى افريقيا .

- بعد أنتهاء الحصه وفى الفسحه .


أسلام : خد يا علاء جنيه اهه , أنزل عند عم محمد هاتلى كيس شيبسى بالجبنه وشكولاته لونها بنى وبسكويت لمبادا , وهاتلك حاجه بالباقى !

محمد : هاتلى حاجه بالجنيه بتاع أسلام ^_^

علاء : حاضر !! , ومش هنسى الباقى .


- وبعد انتهاء المدرسه , ومحمد رايح لأسلام عشان يروحو الدرس .


محمد : أزيك يا طنط أم أسلام , خلى أسلام يلبس عشان نلحق الدرس ^-^

أم أسلام : أسلام راح من شويه يا محمد

محمد متعجب !! : مقليش يعنى ؟ , طيب انا هعدى على علاء ونروح مع بعض .


ووصل محمد عند بيت علاء .

محمد : يـا علااااااااااااااء , يــا علاااااااااااااء , يـا علااااااااااااء

علاء : أيــوه يـاعم المـسحراتـى , نزلك أهــو !!

علاء : يـلا بـينا نعدى على أسلام , عشان منتأخرش

محمد !: عديت عليه , مامته قلتلى انو راح من شويه !!

علاء : عـلى فكـره أسـلام مـتغير مـن ساعه ما شاف نور , فـاكر لما هدير كانت بتنادى عليه , وهوا قالنا سيبوكو منها دلوقتى , الاول كان بيروحلها على طول !!
وأول مره ينزل بدرى ويروح الدرس .
والغريب انو مبقاش يرخم على استاذ الرياضيات زاى الاول , وبيقول انو مش بينام

محمد : مـانا أكيد واخد بـالى .

ووصـلوا للشارع بتاع الدرس , لقو أسلام قاعد على عربيه قدام البيت .

محمد : أيـه يا عمونا , وصلت من بدرى !؟

اسلام : لا من شويه , أصلى روحت مشوار انا وصحابى فا لقتنى هبقى قريب من الدرس قلت اخد الكتب واطلع من بره بره ^-^

علاء : لا مصدقك ^-^ .

والاسـتاذ وصل على أول الشارع فى معاده .

الاسـتاذ : السلام عليكم ورحمه الله

التلاته : وعليكم السلام ورحمه الله

الاستاذ : غريبه !!, بـقالى 3 سنين بديكو دروس وأول مره تيجو بدرى !!

أسلام : أصلى جايب كوتشى جديد , فا قلت أنزل بدرى الينها شويه ^-^

محمد : هيا أيـه دى الى تلينها


أسلام : الكوتشى يـا عم , دايما تفهم غلط كده !!

الاستاذ : طيب يلا نطلع عشان منتأخرش .


- وبعد ما طلعو , أسلام قعد فى وش نور وجنـبيه محمد وبعد كده علاء .
والاسـتاذ قعد جنب نور .

الاستـاذ : الواجب يا شباب !!

أسلام : أتفضل يـا أسـتاذ , وهوا متنح لنور ومبتسم ^_^ .

الاستاذ : برافو يـا أسلام , مش قلتلك خطك حلو قبل كده وانك لو اهتميت هتعمل واجب نضيــف !!

وكـتـبله الاستاذ لأول مره ( ممـتـاز ) و ( حـمار مـع مـرتبه الـبهائم )


- علاء ومحمد مندهشيـن !! , أسلام عمل واجب !؟؟

محمد هامسا لأسلام : يلا زاى ما أتفقنا !!

أسلام بخوف شديد : يقرب رجله ويقرب ويقرب ويقرب لحد ما رجـله لمست بـنطلون وعرف انو كده وصل , نزل شويه شعند صوابع رجلها وحط رجله على صوابعها , ولكـنها مـش عملت أى حاجه , ولا اندهشت حـتى !!
فـا عرف أن محمد كان عنده حق أنها هتتكسف تتكلم , ولكنه ظن أنها بتحبه هيا كمان فا مش مضايقه , وخد أعتباره على رأيـه !!
فا فضل حاطط رجله على رجلها مع حركه خفيفه , لكـنها مـش مستغربه ولا فى أى تعبير عليـها !!

زهق أسلام , فا راح متقل رجله شويه صغيره

الاسـتاذ : قـاى شيل رجلك يا حيوان , صـباعى أتـهرس !!!

ومحمد هـيموت على نفسه من الضحك

أسلام : أيـه يامحمد مش تاخد بالك , لم رجلك شويه !!

وأبتسمت نور أبتسامه بسـيطه

الاسـتاذ : المهم أن الواجب تمام !!

أسلام : خلاص بقى يا أستاذ خـلينا هـنا , بلاش تدور على مجموعه جديده , هـنا قريب من بـيتنا !!

الاسـتاذ : قريـب من بيتنا بردو !!؟ مـاشى كـويس .

اسلام : بس فيه مشكله صغيره !!

الاستاذ : أيـه هـيا !!؟

أسلام : مـفيش بواب للعمــاره


هوا عم عويس عامل ايه صحيح !؟

الاستاذ : أبـعدو عـنه بس وهوا هيبقى كويس

أسلام : والله الواحد حاسس أنو مقصر معاه , المفروض نجيب كيلو برتقال يوسفى , وشفشق تـمر هندى , ونروح نزوره

الاستاذ : أسكت يا اسلام بدل ما اعورك !!

نـور بـفضول !! : هـما عـاملو أيـه فـيه !؟

- وحـكى الاسـتاذ لـنـور حكـايه سـنان عـم عويس الـبواب .

- فـضحكت نـور جـدا !!

أسلام : بس نـيتـنا كـانت خـير ^-^

نـور : بـصراحه أنـتو التـلاته مـشكـله






- وبـكده الجـزء الـثـانى يـكـون خـلص ^-^ .

- وأنـتظرونى فى جزء ثـالث بـأذن الله
وهـنعرف أزاى أسـلام أتـعرف عـلى نـور , بعد ما فـشلت أول خطــه

مـلحوظـه : الـقصه مـش عـباره عـن كوميديا فـقط !!
لا فـى الاجـزاء الـجـايه هتتحول مـن كوميديا لدراما وهـيبقى فـيها كـلام كـتـير

- والحـمد لله , مـفيش حرف واحد مـنقول , الـقصه كـلـها مـن تـألـيفـى ( والله اعلم بـما أقــول )

- يـارب يـكون الجـزء ده كـويس وحـلـو .



- كــان مـعــكــم

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

\\
//

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]





Have Fun :)