رسالة خاصة الى الريس

[Sad_Angel]

[IMG]http://img101.***********/2011/03/07/145830957.gif[/IMG]

[IMG]http://img103.***********/2011/03/07/595856330.gif[/IMG]

[IMG]http://img101.***********/2011/03/07/429176681.png[/IMG]

[IMG]http://img105.***********/2011/03/07/729402859.gif[/IMG]


ازيكم يا احلى اعضاء ف الدنيا

وانا قاعد بلعب سيجة الصعايدة مع الشيطان خطر ف بالى انى اكتب رسالة للريس
كل واحد يخلي باله على نفسه بقى
اليكم الرساله



بعد التحية و السلام والكلام الفكسان اللى انتا عارفه ده.. احب اوجهلك رسالة يا ريس
انا ف الاول مش كنت عارف اكتب الرساله باللغة العربية الفصحى ولاا العامية
بس للافس افتكرت انى مش بعرف اكتب لغة عربيه فصحى كويس وده لان التعليم اخر السطه ونعنشة
بص يا مان انا عندى مشكلة كبيرة جدا ومحتاج رأيك فيها
انا سيبت التعليم يا معلم ف الثانوية العامة لان بصراحة كانت مواد مشهيصة وحشو دماغ ع الفاضى
والحمد لله ربنا كرمنى اتعرف على اخ فاضل واشتغلت معاه طبعا هتقولى بيشتغل اية ده (يا راجل هوا حد لاقى شغل)
انا ولله الحمد اشتغلت مع تاجر مخدرات اد الدنيا
بصراحة تجارة زى الفل بتكسب دهب على الرغم ان عمر الحشيش ما غلى(غريبة!!!)
مش زى حاجات كتير(السكر- الطماطم-الزيت-اللحمة....الخ):flex:
والحمد لله الحشيش متوفر ف السوق وده يمكن من حرص معاليك على مزاج الشعب
وف يوم وانا بوزع مخدرات على الشباب اتقبض عليا وربنا وعدنى بظابط عينك ماتشوف الا الضلمة
بعرض علية 2000 جنى(جنية)عشان يسيبنى وسوكتم بوكتم ع اللى حصل وهوا مش راضى
دماغه زى الشوز الاميجو ...
طبعا زمانك بتقول ف سرك يا برنس انه من ابناءك وتربيتك مربيه ع الشرف والامانة والضمير والانتماء و....و.....و....
الظابط ده طلب منى 5000 جني(جنية)...انا للافس مش كان معايا يكفى
فأخدنى ع القسم وانا بصراحة كان عندى ولاء للتاجر بتاعى
مش كان ينفع اعترف عليه لانك عارف اللى فيها يا زعيم
راح الظابط نده ع الشاويش وائل
(مواصفات الشاويش:عريض الجثة طويل مثل برج القاهرة دراعه طول عمود النور
لديه فى كفه 5حاجات كده يبدو والله اعلم انهم صوابع)
الحمد لله عمل معايا احلى واجب(والله ناس طيبيين اوى)
انا فقدت الوعى من الضرب(كنت بستهبل)و اخدونى على مستشفى ال*** بالبوكس
وقاعد على سرير هناك والدوك عمال ياكل هوا والنيرس وبيحكيلها ع العلقة اللى اكلها من مراته امبارح
وانا نايم ع السرير هناك زى ال*** البلدى اليتيم
والحمد لله خرجت من المستشفى و القضية بالسلامة
لان التاجر بتاعى دفع للظابط حق الواجب اللى اتعمل معايا(حاشا لله انها تكون رشوة يا ريس)
والحمد لله توبت وخلعت من التاجر بصعوبة فقررت انى اتفرغ للعبادة فربيت دقنى
وف يوم انا نايم ف الجناح بتاعى ال 5 نجوم اللى فوق السطح اذ فجأتا لاقيت الباب اتكسر
ودخل حوالى 6 وحوش.. طلعوا من امن الدولة فأخدونى على امن الدولة
ورجعونا لايام الكفار من تانى يا جدع(تعذيب جامد كيك يا عمو)
وكان فى سؤال غريب قوى كانوا بيقولوه :هوا مين امير الجماعة؟؟ يا تيت تيت تيت
انا بصراحة كنت شاكك ف الواد زيكو العجلاتى(قال امير جماعة قال)
والحمد لله اتحبست 5 سنين اونطة ف المعتقل
وطلعت من المعتقل وحلقت دقنى وسقط البوكسر بتاعى ووقفت شعرى(عشان يعجب)
وقررت اكمل نص ديني واشوفلى بنت من بنات الشوارع (اللى تحت الكبارى و ع الرصفان...الخ)
لانها ممكن ترضى تعيش معايا ف الجناح بتاعى ...ولان انا بقيت رد سجون
وبعدين يا ريس انت عارف ازمة السكن اليومين دول(هوا انت يا ريس ايجار جديد ولاا تمليك)
اتجوزت واول لما اتجوزت ربنا رزقنى بشغلانة مافيش اجمل من كده شغلانة عليها القيمة يا كبير..
اشتغل زبال(الشغل مش عيب يا ريس بس العيب لما حد يبقى نفس تعليمك ويشتغل ف شركة بترول ..او غيره)
والحمد لله كبرت والشغل كبر وبقيت كبير الزبالين ف اسكندرية والحمد لله مراتى خلفت ولد
المشكله اللى انا قولتلك عليها ف اول الرسالة هنا بقى يا ريس
انا عايز اسمى الواد بهاء وهيا عايزه تسميه تامر
انت ايه رأيك نسميه ايه؟؟؟

امضاء......:
مواطن طالع عينه

لو فى حد عنده قلب و رد ف التوبيك
لو باب الشقة بتاعه خبط مش يفتحه