حقيقة استرجاع الاكونتات ومعلومات تانيه من الوكيل الرسمي ... ادخلو للأهمية

[Flight_Angel]

السلام عليكم ورحمة الله وبركاته

طبعا في ناس كتيره اوي اتعملها بلوك وانا كنت اشتكيت وكتبت موضوع قبل كده ان ناس اعرفهم اتعملهم بلوك ظلم وسمعنا ان الاكونت ممكن يرجع تاني وأدي الحقيقة

امبارح اصحابي اشترولي سلكات من الراجل اللي بالقاهرة وواحد من اصحابي كان اتعمله بلوك فسأل الوكيل الرسمي قاله سمعنا ان الاكونت اللي اتعمله بلوك ممكن يرجع بـ 100 جنيه هل دا صح ولالا
قاله اللي بيقول كده تأكد مليون الميه انه نصاب وبيضحك علي الناس
مفيش حاجه اسمها الاكونت يرجع بعد البلوك لا بـ 100 جنيه ولا بـ 1000 ولا حتي ببلاش

فاسأله تاني قاله ان الخبر دا منتشر جدا وفي عناوين وتليفونات انتشرت في النت ان الناس دي بترجع الاكونتات
قاله احنا التوكيل الرسمي المعتمد في مصر من باب أولي كنا نرجع الاكونت لكن انا بأكدلك ان دا نصب وكذب واللي اتعمله بلوك عمره ما هيتشال من عليه وينسي الاكونت دا خالص

سأله تاني طيب انا مستخدمتش بوت ولا شحنت سيلك مضروب ولا أي شيء ومع ذلك جالي بلوك طيب ليه
قاله يبقي كنت بتستخدم الـ loader لأن المبرمجين للعبة طورو فيها ولما بيدخل شخص بأكتر من اكونت في وقت واحد بيوصلهم تبليغ بالاسم وبيتعمله بلوك
وقاله الحل الوحيد اشحن سيلك وادخل بالـ loader علي كيفك بدون مشاكل

اخر سؤال كان عن الـ tbot
الوكيل قاله الـtbot بيتباع عندنا وهو برنامج مصرح بيه لو كنت انت اخد تصريح باللعب بيه من عندنا يعني البرنامج ممكن تلعب بيه بدون ما حد يديك بلوك ولا أي شيء بس لازم تشتري من عندهم وقاله انك تلعب اسبوع ببرنامج الـ tbot بـ 40 جنية

وعن اخبار الجولد الراجل قال ان الجولد زاد سعره جدا بعد البلوكات اللي اتعملت الفترة اللي فاتت لأن في اشخاص حقيقيه بتلعب كتير اتعملها بلوك وبالتالي زاد الطلب علي الجولد ووصل سعره المليون بـ 3 جنيه

بس ياجماعه دا اللي حصل امبارح مع الوكيل المعتمد تقدرو تكلموه بنفسكم وتتأكدو من كل كلمة انا قلتها واسم الوكيل وعنوانه ورقم تليفونه مكتوب بموقع السيلك رود نفسه

ارجو تثبيت الموضوع للأهميه او علي الاقل المشرفين ينبهو بالحكايه دي بموضوع مثبت لأن الكلام في الموضوع دا كتر اوي

اللهم قد بلغت اللهم فشهد