…ـண…▓… ( ريد سي اليوم { اخر الاخبار } ) …▓…ண…

[d0nm0d3l]

السلام عليكم أعزائي المشاهدين ،،،
بعد غياب دام أسبوعين رجعنالكم ... أصل مالناش غيركم !!

يلا نهرجل شوية ونجيب في سيرة الناس ونخربط في الحلل

نشرة أخبار اليوم الأحد الموافق 27/3/2011 :

1- أرتفاع رهيب في نسبة الهبل والجنان الرسمي وذلك بعدما فقد بعض الأشخاص داخل السيرفر عقولهم تماما ونسوا مغزى اللعبه ووقوفهم 24/7 في منطقة البي في بي وهما نوبس اساسا ليفلات مكسحة ولما حد يضربهم كنوع من الهزار يقعدو يشتموا فيه (طب لما انت نوب اوي كدا بترفع علامة البي في بي فوق راسك ليييييييه )

2- حالة من الإستقرار تعم الجيلدات المصرية في السيرفر وذلك لتغيب معظم ماسترات الجيلدات بسبب الدراسة وهذا دليل قاطع علي ان ماستر اي جيلد متخلف واهبل وعيل تيييييييييت

3- خــــــروان : الفتي الذي ابكي الملايين ... الفتى اللولبي الذي اذهل العالم بقدراته الخارقة في الرخامة والملل ... الفتي العجيب ..... أقوي واريور كليرك في رييييد سييييي
بعد ما تم بحمد الله طرده من جيلد TroN وتم نسيانه لبعض الوقت وعاد الإستقرار للجيلد واليونيون عامتاً
قام مروان برد فعل غير متوقع تماما .... وقد انشأ جيلده الخاص ، وبعدها بدأت علامات التعجب تظهر علي جميع أهالى ريد سي الكرام وذلك عندما عجز مروان عن دفع تكاليف ليفل 2 في الجيلد (اللى هما ال9 مليون بتوع الليفل) وهذه الحالة من الإحباط التى انتابته بعد ان كان مروان مثال للتحدى في السيرفر بعدما تم طرده

4- إعتزال نسبة غير قليلة من مشاهير سيرفرنا بعدما تم كشف مخطط جوي ماكس الحقير وهو التالى :
الجي ام لا يهتم اساسا ولا يضع في إعتباره إزدحام السيرفر وكأنها ليست المشكلة
والجي ام أيضا لا يتعامل مع شركات الجولد بوت كما يزعم البعض
ولاكن السر هنا في الآتي :
- ارتفاع نسبة شراء البريميوم سيلك وذلك لإتاحة تبادل هذه الايتمز بين اللاعبين
- اللاعبين الحقيقيين يشترو الجولد من شركات الجولد
- اللاعبين الحقيقيين يشترو أيتمز سيلك بالجولد اللى جابوه من شركات الجولد
- الجي ام مبسوط لان السيلك الوقتي بيتباع اكتر من زمان
والدليل :
- كمية البوتات اللى واقفه تبيع ريفرس اسكرول وجلوبال شات
- كمية العيال اللى واقفين يبيعو افاتارات (وبتتباع)
- وماخفي كان أعظم ... حد يبقي يروح الاسكندرية يشوف البلاوي اللى بسيلك وبتتباع
ولو جيت تسئل اي حد في السيرفر ... وقلت له ( انت لو معاك 200 جنيه ، هتشتري جولد ولا سيلك )
شوف رده عليك وتعالى قوللي
بعد كدا مش عايز حد يقولي السيرفرات زحمه ليه
لو فعلا مش عايزين سيرفر ريد سي يكون زحمه ... بطلو تشترو جولد ... وشركات الجولد هيقولو ايه السيرفر النتن ده ويشيلو منه البوتات .

5- وآخر خبر معانا عن جميلات السيرفر ...... فتيات الليل .............. هناااااااااء وشرييين وسمعنى سلام (كله عليا) .. ومن فوق جبل الروك خدنا بالنا من قلة وجودهم وذلك بعد العلقة التمام اللى خدوها بسبب المواد اللى شالوها في نص السنة ... مما أدي إلى وجودهم يومياً في أوقات الأرينا فقط .

وغداً بإذن الله سنوافيكم بآخر الأخبـــــــــــــــــــــار

اليوم الإثنين 28 مارس 2011 :

1- اول خبر معانا من جريده سمركند القومية بيقول : انفجار بعض اللاعبين الأوروبيين من الغيظ امام بوابة المدينة وذلك بعد الطريحة التمام اللى خدوها من الواد زلمكه الصيني بالبو الجديد بتاعه

2- تانى خبر من جريده الأخبار الصادرة من الأسكندرية بتقول : فوز فريق التراس TroN علي فريق Flag والنتيجة 6/1 في الوقت الضايع وكان فيه جون سابع بس الحكم جالة ديسكونكت .

3- ارتفاع نسبة الحظ في السيرفر في الأونة الأخيرة وتم رفع معظم الأسلحة النوفا +9 بدون ادفانسيد الكسير .

4- قيام احد النوبس المشهورين في السيرفر وبدون ذكر اسماء هو عارف نفسه بشراء صن داجر وذلك بعد ضربه العلقه التمام في البي في البي والايفنت والارينا وكل مكان حتى المونسترات بتلطش فيه ولمعلوماتكم الخاصة هذا الشخص هو صاحب المقولة الشهيرة ( plz 100k و plz pt free هو دا )

شكرا لمتابعتكم ،،،

كــــــــــان معكم من فوق جبل الروك .... _Aux_