لا يا ريس مش قصه 6 شهور

[a7lashabab]

لا يا ريس لا مش قصة 6 شهور
دي سياستك في الحياة و ادي الايام بتدور

ده انت اللي ابتديت و عملت البقاء للاقوي
ليه دلوقتي نسيت و عاوز الشعب يرضي
...
لما انت كنت اقوي دوست علينا سنين
لكن احنا النهارده اقوي منك بكتير

ايه عاوز مننا ظلم و فقر وجوع
عايشين 30 سنا صوتنا مش مسموع

لو كنت سمعتنا كان زمانا سلاحك
لكن انت بعتنا واشتريت اللي باعك

لما صوتنا طلع قولناالك ارحل ارحل
العالم كله سمع وانت مش راضي تسمع

لا ياريس لا مش قصة 6 شهور
دي سياستك في الحياة وادي الايام بتدور

مش انت اللي ابتديت و طبقت قانون الغابة
وظلمت وافتريت و دوست علي الغلابة

لا ياريس لا مش قصة 6 شهور
دي سياستك في الحياة وادي الايام بتدور

لما حفيدك مات كل القنوات حداد
ولما متنا مئات فخرصت كل الشاشات

اهين عليكي يابلد حداد عشان واحد
ده انا ابقي قليل الأدب لو كنت فضلت ساكت

لا لا ياريس لا مش قصة 6 شهور
دي سياستك في الحياة وادي الايام بتدور