الرئيس مينفعش يمشى !!!!!!!!

[nasofa]

يا اخوانا اللي خايفين ان البلد تغرق والكلام الفاشل دا كله انا رايي كالاتي
1 استقاله مبارك وتسليم السلطه للنائب
2 اول بيان للنائب يبقا اعلان موعد تنحيه وتسليم السلطه للرئيس المنتخب في فتره ماتزدش عن شهرين من تاريخ
توليه
3 اعلان ان النائب مش هيترشح لانتخابات الرئاسه القادمه
4 حل مجلس الشعب والشوري واجراء الانتخابات لمجلس الشعب خلال اول اسبوع من الحكم والشوري خلال الاسبوع التاني
5 فتره الاسبوعين دول مراقبه للوزاره الحاليه ويكون في اول جلسات مجلس الشعب الجديد الغاء قانون الطوارئ وتعديل مواد الدستور الخاصه باختيار الرئيس وطبعا الاشراف القضائي علي الانتخابات
6 اقرار قانون محاسبه الوزراء والمسئولين
غير كدا مش هنرجع من الشارع ولا هنسيب المظاهرات
علي الاقل لما اي رئيس جاي يعرف انه ممكن يتشال باراده الشعب مش هيعمل نفس الاخطاء ولا هيمشي في سيناريو التوريث ولا هيمنع الناس انها تروح تنتخب ولا جدي اللي مات هيروح اللجنه الانتخابيه ويدي صوته للحزب الوطني ولا زمايل اخويا اللي في اولي ثانوي هيروحوا لجان الانتخابات وينتخبوا الحزب الحاكم ويحطوا ايدهم في الحبر الفسفوري 4 مرات كل واحد
كدا مش هيحصل فراغ دستوري فيه نائب قائم باعمال رئيس الجمهوريه وفيه مجلس شعب يسلم للي بعده وفيه اشراف قضائي
علي فكره من شهرين كان المجلس الموقر سيد قراره ودلوقتي بقا يعمل علي اساس حكم محكمه النقض اننننه
30 سنه من غير نائب واهو جه النائب النهارده اننننه
حظر التجول يقل النهارده بس مع بدأ نزول البلطجيه اننننه
هروب الداخليه والنهارده يتمسكوا في قلب التظاهر مع البلطجيه اننننه
عيب عيب اوي
في ماده في الدستور ان اقل عدد من اعضاء مجلس الشعب عشان يكتمل نصاب الجلسه هوا 350 عضو
لما فيه 220 عضو من ال 380 هيتوقفوا يبقا دلوقتي في فراغ دستوري ولا لا يبقا الاحسن انه يتعطل وتتعاد الانتخابات
اسبوع مفيش عسكري في الشارع ومفيش ولا كنيسه حد اتعرضلها يبقا الكلام علي ايه
عيب احنا مش عبط احنا عارفين الدستور كويس ومفيش حد بيحركنا اللي ما ىاتعملش في 30 سنه مش هيتعمل في 9 شهور
طيب احنا مش عايزينه يكمل ليه ؟
لو كمل ايه اللي يضمن ان الانتخابات اللي جايه تتزور زي اللي قبلها ؟
لحد دلوقتي ما اتكلمش لا عن الغاء الطوارئ ولا الاشراف القضائي
فقط قال مش هترشح وهوا فعلا ما كانش هيترشح كان ابنه هيترشح
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
الست دي جابت الخلاصه