مـــزكـــرات شـــاب " الـحـلقـه الـتـانـيـه "

[super_man619]

بسم الله الرحمن الرحيم
24 يناير 2011


يا سلاااااااااااام .... انتابني النهارده شعور غريب بالخنقه و الحريه و الكسل في نفس الوقت ... النهارده تنتهي اجازتي الي واخدها من الشغل .... بالمناسبه انا بشتغل ديزينر في محل تصوير .... يشاء السميع العليم ان اول يوم ارجع فيه الشغل يبقي يوم القبض ... يوم 24 من كل شهر .... يا سلاااااام .... اخرج من بيتنا الساعه التاسعه من كل صباح اصل الي العمل الساعه التاسعه و عشر دقائق ... اقابل الاستاذ ( يوسف ) " صاحب المحل " بوجه بشوش و يردلي الابتسامه و بعد ان ادخل الي مقر العمليات و اباشر العمل و اذا بالاستاذ ( يوسف ) و هوه رجل طيب و حسن الطباع بيندهلي و يعطني مرتبي المتكون من ....... " خلي الطابق مستور " و اخده منه و ارجع الي مباشره العمل ... الان تدور برأسي عده خيالات و اوهام عما سأفعله بهذا الكنز المتكون من ...... " مش قولنا نخلي الطابق مستور " و انا سارح في خيالاتي و اوهامي موبايلي يرن ببص الاقيه ( عمر ايهاب ) و يكفي هذا الاسم ان يعبر عن صاحبه ( عمر ) شخصيه كوميديه اوي و الواحد بيستمتع بوقته معاه المهم رديت
شريف : الو
عمر : ايوه يا ابني فينك
شريف : انا في الشغل يا عمر
عمر : هتخلص امتي
شريف : علي الساعه 7:5 كده
عمر : طب اشطه انا هجيب جون و مصطفي و اندرو و نروح علي السوايسه الساعه 6 حصلنا علي هناك
" للي ميعرفش السوايسه قهوه مشهوره اوي في منطقه الكربه و اتعودنا انا و صحابي نروح نشيش هناك "
شريف : كويس و انا لسه قابض و هعيش حياتي
عمر : قشطه اوي هتعزمني بقي
شريف : ( كميه كبيره من السباب و اللعن )
عمر : خلاص يخربيت ابو الي يزعلك .....
بعد انتهاء هذه المكالمه اللطيفه انحصرت كل الخيالات الي في دماغي في حاجه واحده بس اني مصرفش كل الي معيا علي الشيشه المهم ظبطها في دماغي وقلت ماشي هاروح و هيبقي يوم قشطه و جميل .... الساعه الان السابعه و النصف معاد خروجي من العمل ... خدت تاكسي و روحت هناك ( ما انا قابض بقي ) لقيتهم قاعدين في الدور ايل فوق و حاجزين الطربيزه الي عند الهوا قلت اشطه و كل واحد قعد في مكانو المعتاد " و بدانا نكركركركركركركركر " فضلنا علي هذا المنوال حتي الساعه العاشره و النصف .... من هنا بقي ببدا مشوار ازاي اغير ريحتي علشان محدش من البيت يعرف اني كنت بشيش من المعروف ان جنب قهوه الساويسه محل كشري هند " اكتر كشري بحبه " اشترينا طبق كبير ب 10 جنيه انا و صحابي كملناه بالعافيه ( كان كبير اوي ) و كده ضمنت ان ريحه بقي اتغيرت
ناقص ريحه هدومي و ديه حليتا برشتين اكس كالمعتاد ....
خلص اليوم علي كده روحت بيتنا و قعدت علي الجهاز اكتبلكم الي حصل النهارده و افضح نفسي اكتر و اكتر