رساله هامه لكل المصريين من فضلك ادخل

[kajo1190]

بسم الله الرحمن الرحيم
من فتره كده مش قصيره احد الاعضاء المحترمين كان عامل موضوع اسموا لو اتفتح سيرفر ب اسم ايجيبت هتدخل ولا لا و كان قايل ان ده لو حصل هيبقي اكتر الاسكامرز و اكتر الشتيمه و اكتر البهدله فييه رحت انا ب منتهي الروح الوطنيه قلت لا و قعدت اعارض فيه و اقول لا و بتاع و شويه كنت هسمع السلام الوطني بيصقف جمب وداني من كتر الوطنيه المهم الايام عدت و لفت و دارت اكتشفت بجد بجد ان المصريين اللي انا واحد منهم للاسف 90% منهم بجد مش يستهلوا ان الواحد ياخد سيئات بسببهم مش هشتم حد انا حصل معايا مواقف لو اتعدت لا تحصي شوف كده
-اكتر من 100 مره تاكسي و الماستر يكتب طول الليل و ربع ساعه و ينام علي كده و لما تضرب فيه جلوبال انو اسكامر تلاقي ناس بتشتمك انت و بتقول علي اللي نصب عليك كويس
-اكتر من 100 مره تيجي تلاقي واحد بيقولك ان معاه براميم هات اخليلك السلاح +7
-لو عملت تاكسي و اتاخرت شويه تلاقي واحد بيشتمك و بيقول فاك يو نوب دي بقت داء عند كل المصريين الله يخرب بيت الافلام الاجنبي اللي عملت كده ف دماغ الناس
-و هقولك حاجه بقي تفطسك من الضحك واحد ماشي كده جمبك يقولك بليز تاكسي فري لو مردتش يشتم والله بتحصل و بيحصل اكتر من كده
-اخر حاجه لسه حصلالي ناو ف مقدرتش قلت لازم اتكلم.كنت عاوز ابادل الاكونت بتاعي ب اكونت تاني تلاقي امم بتكلمك تقولك هات افتحوا اشوفوا و هقفلوا تاني و اللي يقولك هات اللعب بيه شويه و اللي يقولك انا لفل 110 تبادل تحس انك مختوم علي قفاك
يلا انا طولت عليكم بس ليا عندكم رجاء
اول حاجه لازم حد يتكلم كتيير علي الحوار ده بجد بقي شكلنا وحش و تاني حاجه كلنا فينا النص الوحش اكيد محدش فينا سيدنا يوسف القصد لو انت جييت تغلط ف حد افتكر ربنا و بس
شكر انا طولت عليكم اوي بس بجد انا كان فاض بيا