°¨¨™¤¦ المخدرات بأنواعها ¦¤™¨¨°

[faroky3000]

هناخد جوله سريعه كده على المخدرات بانواعها
مالناش دعوه ازاى تبطلها
--------------------------------------------------------------------------------------------------------
الصراصير

أبو صليبه

الفراوله

أبو زومبه


شايفكم مستغربين ...... وفى ناس بتقول عليا مسطول


مش أنا اللى مسطول


تحديدا سأخبركم بالأمر

الصيدليات و ما أدراكم ما الصيدليات فيها أدويه


الأسماء التى ذكرتها بالأعلى هى أسماء أدويه أيوه و الله أدويه


أمال ايه اللى جرالها ؟


حضراتكم هذه الأدويه هى أدويه مخدره أنتشرت بين أوساط الشباب فأطلقوا عليها أسماء هلاميه مثل تلك الأسماء

يعنى مثلا



* حبوب الصراصير
هى دواء الباركينول

ودى حبوب تستخدم لعلاج الشلل الرعاش


ولكن الشباب الضال يستخدم هذه الحبوب فيخيل له أنه يرى الدنيا كلها صراصير لأنه تصيبه بحاله من الهلوسه ( و برضه بتعمله دماغ )



* أبو صليبه
هو حبوب رهبانول اللى بتستخدم أساسا لعلاج الصرع و سموها أبو صليبه ( قصدى المدمنين مش الشركه ) لأن القرص محفور عليه صليب (الحبايه اربع تربع )
مش التامول يا شباب




* الفراوله
هى حبوب السيكوتال وسموها الفراوله لأن لونها أحمر زى الفراوله و الحبوب تلك تستخدم لعلاج بعض الأمراض النفسيه
والفراوله دلوقتى اتطورت وبقا فى كذا نوع من الفراوله
التى دول
كونترمال
ومشتقاتهم




* أبو زومبه
وابو زومبا سموه كده عشان في نقطتين جنب رقم .2. بالطريقه دي الي هو الريفوتريل .... والكودا ( كودافين ) بس مبقاش في منه خلاص كان زمــــان

تشكلس او ( خشبه )ب

التفاحه

البسله

ابو شرطه
التشكلس ( نوع لبان مشهور ) وفى ناس بتسميه خشبه
اسمه الحقيقى الترا دول
والناس سموه كده
لانه حبايه مستطيله ومقسومه 2 بخط بالعرض
شبه اللبنانه التشكلس
وده مسكن قوى للعظام ولازم يتاخد باشراف من الطبيب
اعراضه على المدمن
اللجوء الى شرب اكبر كم ممكن من الدخان (السجاير - الحشيش -الشيشه )
لانه بيوسع الشعب الهوائيه
بيفتح الصدر
ولو قدامك 10 علب سجاير هتخلصهم
ده غير ان الناس بتفتكر انه بيطلب بحاجات مش هينفع اقولها هنا
اما لقب الخشبه ف مش عارف لحد دلوقتى ليه بيسموه كده




التفاحه
ترمادول 200 حبوب
ظهر فى اواخر 2009
والاقبال عليه كان كبير جدا
اعراضه للمدمن نفس اعراض الالترادول (التشكلس )



البسله
ترمادول 100
الترامادول tramadol و فى كمان ترامال tramal
الأتنين نفس التركيب وهو ترامادول هيدروكلوريد
اخضر
اسمه بسله عشان لونه اخضر وكبسول
(تقريبا كده بيطلعو الاسماء دى تمويه من الحكومه )على اساس ان كلمه ابو شرطه دى ماتدخلش السجن
برضه اعراضه نفس اعراض الاتنين اللى فاتو



ابو شرطه
الأبتريل أسمه التجارى أبتريل
apetryl
بتاع شركه apex
لعلاج الصرع
القاب طلعت عليه
ابو شرطه
ابيكسات
4 استمرار
زبادي

اعراضه
بيحدف على الشر دايما
باقى الاعراض
لسه محدش اكتشفها
لان كل اللى بياخده لحد دلوقتى مابيفتكرش هوا عمل ايه



التوسيفان والكوديفان القديم اللي كان عامل زي المربى
زمان فى أوائل التسعينات كان فيه نوادر فى الصيدليات عن الكو ( الكوديفان ) و التو ( التوسيفان ) تحب أفتح كو ولا تو ساقع
دوا كحا يا شباب



البيسا
أسمه الماكستون فورت و تركيبه من الأمفيتامينات

ودى أضرارها لا تعد و لا تحصى
دا مخدر قذر شويه عباره عن هيروين غير نقي مخلوط بكمية حبوب هلوسه الخ
وله اكتر من طريقه استعمال وان كان اشهرهم ما يدعي الحروقه
يعني بيجيب معلقه ويسخنها ويشد
ولو مافيش معلقه انزل اشترى فويل
وفي بيتاخد عن طريق الحقن
هوا طلع لها اسم في الاول بـ
bs
بس البي اس زي ما هوا معروف اللي هوا براون شوجر او السكر البني وهو الكوكايين
فاصطلحوا على تسميته بالبيسا
ودا منتشر جدا في الفتره اللي فاتت (من حوالي عامين او اكثر



الأفيدرين أو الأبينيفرين
تأثيره مماثل لهرمون الأدرينالين بيوسع الشعب الهوائيه و بيشتغل أساسا على العصب السمبثاوى و تأثيره مقارب جدا للأمفيتامينات إن لم يكن واحد

وللعلم له تأثير على الجهاز العصبى المركزى و بيزود القدره على التركيز

ولكن أكتشفوا أنه له
dependance
أو الأعتماد اللى هو معنى ألطف للأدمان وهو أن الشخص ميقدرش يستغنى عن الدواء


ولا يخفى عليكم تأثير الأمفيتامينات و بالتالى تم ادراج الأفيدرين فى جدول المخدرات المصرى منذ فتره و إن كان مازال متواجد فى صيدليات المستشفيات طبعا

الماكس و الكوكايين
شعبيتهم اقل من باقي المخدرات لانهم منبهات و السوق المصري يفضل المهدئات




اخر الاخبار
البروزلين بتاعت العين نزلت كمان في الجدول
وهى عباره عن قطره برئيه ولكن استخدمها المدمنون فى ازاله حمار العين بعد شربهم للحشيش

كفايا كده
وربنا يكفيكو شر البسله وابوشرطه وابو زومبه وكله

اظن انا كدة وضحتلكم كل حاجة و اضرارها و ربنا يبعدنا عن الحاجات دى