اصـــلــــها مـــخـــطـاطـات اسرائيليه .... من اكتر الحجات الي بتوجع دماغي

[super_man619]

اولا المقال بقلم الكاتب الجميل هشام عفيفي

نبتدي بقي




قاعده ثابته عند الشعب المصري ….

اي حاجه بتلهي الشباب……..تبقي مخططات اسرائيليه عشان تلهي الشباب



خد عندك :

. الفيس بوك ..مخططات اسرائيليه….معمول عشان البنات والولاد يتعرفوا علي بعض – استغفر الله - …ويكلموا بعض..ويشوفوا صور بعض..ويشيتوا مع بعض علي المدعوق الجديد ده الي اسمه فيس بوك..ده مخططات اسرائيليه !




. قنوات الاغاني …مخططات اسرائيليه …معموله عشان توري للشباب العربي – المصون والمتحافظ عليه - ..علي العري والحاجات الوحشه – استغفر الله بردو - …استحاله يكون ده من انتاج عربي..ده مخططات اسرائيليه




. جماعات المعارضه – سته ابريل وحاجات كده - …معمولين عشان يخربوا النظام المصري..معمولين عشان يعترضوا علي الحكومه الحلوه الجميله..ويخربوا البلد عشان يعملوا فيها انقلاب…لالا دول مش مصريين..دول مخططات اسرائيليه !




. الشات : جميع انواعه …هوتميل ماسنجر…معمول عشان يلهي الشباب..عن الاختراعات العظيمه…وقاعد مخليهم يكلموا البنات ويتعارفوا ويتخالطوا …وحاجات كده – استغفر الله -….اكيد دي ..مخططات اسرائيليه !




. برامج المسابقات : ..مش عارف ايه اكادمي..اي حاجه فيها ستار…فيها بنات مع شباب في مبني واحد…بيعملوا حاجات – استغفر الله- …مش انتاج عربي يا جماعه صدقوني..لازم تبقي ..مخططات اسرائيليه !




. برامج كوميديه سخيفه :…وما اكثرها …اول ما تفتح علي البرامج …" بيستخفوا بعقول الناس…دي مخططات اسرائيليه "




. اي شيخ مش عاجبك…بيقول كلام وبيخوف الناس..يبقي مخططات اسرائيليه..عشان يضلوا الناس عن السبيل الصحيح




. اي خناقه بين جماعه وجماعه…….يا راجل استحاله تكون منهم…دي مخططات اسرائيليه




. الارسال يقطع في النايل سات علي الجزيره في كاس العالم…….دي مخططات اسرائيليه عشان مصر تزعل مع قطر




. قطر تنشر علي قناه الجزيره عدائيات ضد مصر …دي مخططات اسرائيليه !




. اي شعبين عربيين يتخانقوا مع بعض..بسبب كوره ..بسبب علبه بيبسي ..دي مخططات اسرائيليه !




اسرائيل طلع منها اينشتاين في العصر الماضي..ومؤسسوا جوجل في العصر الحالي…ومؤسس معالج حاسوبك الذي ترى من خلاله الان هذه المقاله




سابوا العلم والدنيا…وقعدوا جابوا كبايه نيسكافيه تلاته في واحد كده…وقعدوا يقولوا




ها ..بص يا سيدي..احنا نخطط ازاي نلهي الشباب.اعمليلهم قناه ميلودي وغرقوها كليبات قبيحه…وافتحولهم بتاع كده يقعدوا علي النت سموه اي حاجه…اقولكم ..سموه فيس بوك اهم حاجه يا ولاد..ان الشباب العربي يتلهي




استحاله يكون …صانعي الشيء هم المسؤولين..استحاله يكونوا اصحاب الفتن في البلاد..هما المسؤولين… استحاله يكون انشغال الشباب هو المسؤول…لا ده الفيس بوك معمول خصيصا..وداخل عليه خمسميه مليون بني ادم..مخصوص عشان يشغلوا من عليه الشباب العربي




طبعا يابني..دي مخططات اسرائيليه !