موضوع هام للمناقشه في القوانين ...

[xXOverHellXx]

[IMG]http://img103.***********/2010/07/02/84884156.gif[/IMG]


بسم الله الرحمن الرحيم

الاول اهلا بكم في الموضوع وشكرا علي الزيارة الكريمه

انا عامل الموضوع ده وهفتحه للنقاش معاكم

انا عايز اسالكم في القوانين وايه رايكم فيها ؟ لو في تعديل او لو في قانون اتعمل وانتم مش فاهمين سببه ايه؟


يعني هنبدا بقانون الفرانكو


تفتكر لو انا كتبتلكم مثلا جمله زي دي ana 3aiez mosa3da darory وكملت كلامي علي الشكل ده

100% معظمنا هيسيب الموضوع لانه مش هيتعب نفسه في الترجمه لمشكلتك ^^

لكن لو كاتب ** انا عايز مساعده من فضلكم ** اجمل ^^ وهقدر افهم عايز ايه من غير ترجمه ولا حاجه






طيب نتكلم عن مواضيع طلبات المساعده


انت عارف انك بتعطل نفسك :( لاني بنشغل في مسح مواضيع المخالفات والمساعدات ومش بقدر ادخل اساعدك

لكن لو حضرتك دخلت موضوع المساعده المثبت ووضعت مشكلتك هيتم الرد عليها لغايه ما نساعدك

ومش عيب انك تسال مرة واتنين لغايه ما تتحل ده

ممكن تقولي طب ليه بتمسح المواضيع ؟؟!

اقولك عشان ننظم القسم افضيلك علي قد ما اقدر مكان تحط فيه موضوع يهم الناس

موضوع المساعده ده يتحل في مشاركة او اتنين انت اخدت مكان كامل بسبب مشاركة مش كده؟؟




بالنسبه للشباب اللي بتبيع الاكاونت بتاعها هنا


الادارة تكرمت وعملت قسم مخصوص عشان تبيع اكاونتك براحتك وتعرضلنا فيه مميزاته وصوره

ليه تعمله هنا؟ بالعكس هناك الافضليه لان اللي عايز يشتري اكاونت هيروح يدور عليه هناك مش هنا


في ناس بتقول ان انا بحط موضوعي هنا عشان الزوار والاعضاء بيدخلوا هنا

انت تقدر تحط في توقيعك عنوان الموضوع او انك بتبيع اكاونت كذا وكذا ولو عايز ادخل قسم البيع وشوفه





نيجي بقي للمواضيع الخاصه بالبوت


بعض الاعضاء بتستغل حاجتكم للبوت او للبرامج دي وتنزلكم بوت من غير سكان ويكون متلغم مثلا

مسحي للموضوع ده حمايه لكم

لكن بلاقي صاحب الموضوع بيجي يقولي مسحته ليه ؟ يعني لو حد نزل موضوع كامل مرفق به سكان نضيف

وانا اطمئنت من الموضوع همسحه ؟؟





شباب القوانين مش معموله عشان نضايقكم بيها او عشان نمسح مواضيعكم

انا تواجدي الاساسي مساعده الاعضاء وحل مشاكلها

الحفاظ علي النظام مهمه مش سهلة من غير ما الاقي مساعده اولية منكم

الموضوع زي ما قلت مفتوح للمناقشه لو حد شايف قانون مش مناسب او قانون يضاف يا ريت تقولونا

ونشوف رايكم ايه

القسم هيبقي في احسن صورة له ومنظم اكتر لو تعاونا سوا

قراءة القوانين كلها لا تستغرق 5 دقائق لكن تعمل موضوع وتخسر وقتك ويطلع مخالف انا بضطر امسحه

يبقي الخمس دقايق واستفيد ولا دقايق كتيرة واخسر ما استفدش حاجه