طب سبنى اشوف شغلى اصبر كده بس تصدق نسيت

[Iam_Muslam]

بسم الله الرحمن الرحيم
ازيكوايا شباب عاملين ايه يا رب تكونوا كويسين
النهاردة موضوع ولا مواضيع ألف ليلة وليلة فى مستشفيات مصر





موضوعنا بيتكلم عنه ايه يا شباب هو مزيج ما بين عدم التخصصات وبعض من الأخطاء الساذجة التى قد تودى بحياة الكثير من زهرات الشباب فى بلادنا وهى غلطات الأطباء ...


والله بقينا نشوف من فترة أو من فترات كبيرة حاجات يعنى يشيب لها الولدان حاجات غريبة .. عجيبة .. مُريبة وفى الآخر بقت .. مصيبة حتى على روسنا وعلى رؤوس اللى خلفونا وهيا :



أولاً : عدم التخصص فى مجاله .


ثانياً: غلطات الدكاترة فى مستشفياتنا سواء الخاصة او العامة ونسيانهم مشرط ... وهنتكلم بالتفصيل هنابس مش بالتفصيل الممل ..


اولاً:- هنتكلم عن عدم التخصص فى المجال :- يعنى ايه عدم التخصص فى المجال بتاعه يعنى مثلاً نقول ان واحد دكتور تخصص أنف وأذن وحنجرة يروح كاشف ليك ع القلب مثلاً أو حاجات فى شبيه هذا المثال بس على فكرة يعنى دى حاجات صح بتحصل فى عالمنا الغريب دا ، أو مثلا يعنى دكتور مش شاطر فى التخصص بتاعه بدل ما يديك دواء ولا علاج يشفيك او يقلل من اللى عندك يديك دواء يخليك ايه كفاءة اوى مخزن للمرض دا ومش هيمشى منك وتبقى ليه ارض سهلة انه يستوطن فيها وهقولكوا على مثال حقيقى وحى حصل :-



مثلا




أنا عندى مرض السكر أول ما جانى مكنتش اعرف بقى انهو دكتور شاطر وكدا يعنى وبيفهم فـ روحت عند اى دكتور علشان بس يعالجنى منه فلما روحت عند دكتور راح ادانى انسولين وكانت نسبة السكر بسيطة جدا لو برشامة سكر هيتظبط لكن ايه بقى عمل عليا دكتور ونص كمان وحسسنى انه واخد شهادته من جامعة اكسفورد فى بريطانيا ولا مش عارف من فين فى اليابان الانسولين



دا بقى بدل ما يخفف نسبة السكر عندى زودها بسم اله ما شاء الله يعنى وخلى الجسم على طول محتاجه مش يمكن ابطل منه خالص دا (( دكتور فهلوة بقى ومكوش ع الدنيا كلها )) ، روحت لدكتور تانى فقالى انا مش هقدر اعملك حاجة علشان بس الانسولين خلى الجسم يتعود عليه ومش هقدر اعمل اى حاجة غير انى اخففلك نسبة الانسولين بس لكن امنعه لا دا (( دكتور اللى يعترف بيه مش بتاع فهلوة بقى دا اللى بيفهم )) ... دا مثال وفى بقى ناس ايه جاهلة تروح مثلاً تكشف للصداع وكدا وتسأل الدكتور يقوله يا دكتور متعرفش اسم برشام ولا حاجة علشان قلبى بيغزنى ومش عارف ايه يروح التانى بقى المفتى يديله بقى حاجة ايه تريحه خالص من الدنيا وبلاويها .



ثانيا :- غلطات الكاترة فى غرف العمليات :- الفترة دى هنلاقى الدكتور أوقات كتيرة اوى بينسى مشرط او مقص فى بطن المريض بعد ما خلص العمليه ويخيط الجرح ولا مكان العملية يبنساه فبالتالى هنلاقى بقى مصايب يعملها المشرط والمقص جوه من تجريح للأمعاء وغيرها .. وغيرها ويدخل اتقان الطبيب صنعته فى اطار الدعوة النبوية المحمدية الكريمة (( ان الله يحب اذا عمل احدكم عملاً ان يتقنه )) صدق رسولنا الكريم ، يعنى انا بقول ان الدكتور دوقتى ماشى بنظام ايه (( زُحليقة من غرفة العمليات للمقبرة سِيده )) يعنى الدكتور يعمل العملية بقى وبعد ما يخلصها ينسى ان يعد مقصاته والمشاريط اللى استخدمها فى العملية وهنلاقيه ايه بقى فرحان انه خلص العمليه بقى ويخرج يقولهم تمت الحمد لله حسسنى ان عبر لإسرائيل ونسى انه قبل ما يعبر فى نكسة حصلت انه نسى المشرط فى بطن المريض ...
لكن كلنا بقينا عارفين ان الدكتور بقى ممكن ميكونش متخصص فى مجال ويروح يعمل عملية مش عارف ايه او مثلاً ينقل كليه ومصالح تانية كتيرة اوى يا شباب والله ويمكن دا نكون شوفناه فى مسلسل (( حبيب الروح .. لسهير رمزى )) وانا بتعبر بصراحة مستشفياتنا ودكاترتنا زى نظام السلخانة والجزار ومبقيش بينهم وجه اختلاف والصورة دى معبرة ...



يا ريت يعنى نتناول القضية



وقولى ايه رايك




سلام