أدخل يا بنى لو مصرى

[QeRa]

بسم الله الرحمن الرحيم
السلام عليكم و رحمة الله و بركاته
موضوعى صغير جدا ( وممكن ناس لو قرأتة تقول عليا عبيك أة بخرف)
الموضوع إن فى ناس مزروعه ما بيننا عماله تكرهنا فى بلدنا
و عمالين يشوهوا فى صورة البلد
نسيتوا مصر ؟ نسيتوا التاريخ ؟ نسيتوا الحضاره
الكاره لبلده:- كل ده كلام فاضى و شوية أحجار
الى بيحب بلده :- لا منسيناش لو دى كلام تافه مكنش حاولوا الغرب انهم يسرقوا مننا كل ده

عارفين كل ميولنا بقا لأيه ؟
للمطربين و الممثلين و الممثلين الاجانب و المطربين الاجانب
تسئل واحد يقولك اننتا مين مثلك الاعلى يقولى تامر حسنى او لو يدرب فى نادى مصارعه يقولك جون سينا
ليه ميكونش مثلك الاعلى أينشتين مع إنه مش عربى بس رجل علم ليه ميكونش الشيخ الشعراوى رجل الدين ؟

عارفين ايه السؤال الى لازم كلنا نسئله لنفسنا ؟

هقولكم حاجة احسن من السؤال عشان محرجكمش

طبعا انتوا عمالين تكرهوا فى و تقولوا مفيش تقدم و مفيش و مفيش و مفيش و البلد مش حلوة و الكلام ده كلو

نيجى بقا للسؤال ( ؟؟؟؟؟؟؟؟)

هو انتا عاوز مصر تنضف و تنهض و تبقا البلد الصناعيه و الزراعيه الاولى فى العالم و انتا قاعد على النت على الكرسى و عمال تشيت مع بنات و تلعب سيلك روود ؟ انتوا مش حسين بحاجة عاوزين البلد تبقا 100% و انتوا بتسمعوا اغانى و تكلموا بنات
عاوز تصحى تانى يوم تلاقى مصر اقتصادها على من غير ما تعمل حاجة ؟
و فى النهايه عاوز اقول للناس

عاوز بلدك تبقا حلوة حلى فيها و لو ابوك موظف بياخد رشوة قوله حرام و لو ابوك فران بيبيع دقيق قوله حرام و لو ابوك عنده سوبر ماركت قوله متغليش و لو لو لو لو و لو لقيت صاحبك ماشى ما صاحبته و عمل فيها هيتلر و رمى زجاجه الكانز فى الشارع و مش خايف من حد قوله حرام

و نيجى بقا لنقطة الانجليزى
طبعا كل العرب مش مصر بس نازلين دح يا عينى فى الانجليزى فاكرين ان هم لما يتكلموا انجليزى هيبقوا مثقفين او هاى لايف
اقولهم لا اتكلموا على الى اتعلمتوا عليه
و انا خلصت موضوعى بالله عليكم إقرءوه كلو كلو
عشان تعرفوا ان انتوا الى غلطانين

و تحياتى ليكم