أتبع السيئة الحسنة .. حديث يبعث الأمل ..

[_DIDO_]

بسم الله الرحمن الرحيم

السلام عليكم ورحمة الله وبركاته


فيه حديث من الأحاديث اللى بحبها جداً ..

عشان ؟؟!!

لما أسمعه أو أقراه بيبعث فى الأمل .. هتعرفوا ايه السبب ..



فى حياتنا , المعاملة بتنقسم لإيه؟؟

هنلاقيها بتنقسم لـ :-

1- معاملة مع ربنا (سبحانه وتعالى)

2- معاملة مع النفس

3- معاملة مع الناس



الرسول (صلى الله عليه وسلم) قال لنا ازاى نتعامل مع ال3 معاملات فى كلمات موجزة بليغة ..

عن أبي ذر الغفارى أن النبي صلى الله عليه وسلم قال له
" اتق الله حيثما كنت وأتبع السيئة الحسنة تمحها وخالق الناس بخلق حسن"
مسند الإمام أحمد

1- معاملة مع الله (اتق الله حيثما كنت) ==>> أبسط تعرف للتقوى, إن ربنا يلاقيك فى المكان اللى أمرك بيه, ومش يلاقيك فى المكان اللى نهاك عنه ..

2- معاملة مع النفس (أتبع السيئة الحسنة تمحها)

3- معاملة مع الناس (خالق الناس بخلق حسن)



عرفتوا ليه بيبعث الأمل جوايا, عشان ==>> (((أتبع السيئة الحسنة تمحها))) ..

وأكيد كل واحد فينا له ذنوبه اللى عرفها ..

يعنى أول لما أعمل ذنب, أعمل عمل صالح; أستغفر ربنا , اتوضأ وأصلى ركعتين , أتصدق .. أى عمل صالح عشان ربنا سبحانه وتعالى يمحو عنى تلك السيئة ..


ربنا يتوب علينا ويغفر لنا ذنوبنا, ويسترنا فى الدنيا والآخرة ..


حفظكم الله ورعاكم )