يا اخوانى ساعدونى انا بعانى ..

[على علكة]

[بسم الله الرحمن الرحيم
السلام عليكم و رحمة الله وبركاتة ..
بصوا يا اخوانا انا الكلام ده حقوله اول مره فى حياتى .. و اتمنى منك تساعدونى
انا بصراحة راجل شيخ و بعبد ربنا ..
خلينى ارجع بيكم بالداكرة لورا .. اربع سنين .. لا اكتر من كده كمان ..
لم كنت عيل صغير انا من صغرى بصراخة و انا بعشق القرءان عشق عظييييييييييييم
و الله العظيم حتى دلوقتى انا بحب القرءان اكتر من اى حاجة تانية .. مش عارف ليه
عارفين انا ليه متدين ده بفضل ربنا .. بس انا صدرى لم مش بسمع قرءان بينفجر من الهم
انا كنت حقتل نفسى من اربع سنين .. او بمعنى تانى فكرت اقتل نفسى .. الحياة ملهاش اى معنى فى نظرى
و الهاجس ده جالى كتير اوى اوى .. الحياة كئيبه .. انا طالب فى ثانوية عامه ..
المشكلة الحقيقة انى حاسس انى فى دايره مغلقة ..
الدنيا وحشة اوى اوى اوى .. طيب نيجى نعقلها بالعقل كده عشان انا شوية و حعيط

من اربع سنين كنت شاب مش بصلى .. بس لم كنت عيل صغير كنت متدين جدا و كنت بحب القرءان اوى ..
و كنت متدين جدا .. و حفظت جزء عم .. ياااااااااااااه ايام روعة الايام اللى كنت بحفظ فيها القرءان ..
و بعديها كنت بقطع فى الصلاة يعنى اصلى فرضين و اسيب فرض و حبه حبه ..

بس انا ابويا راجل مش كويس خالص .. راجل فاجر من الاخر .. بتاع كلو .. كل حاجة تتوقعوها زنا و خمره و كدب و نصب و كل حاجة .. راجل دينه تحت الارض ..

طيب نرجع لاربع سنين .. انا شاب مليش اى صحاب و لا علاقات و لا اى حاجة فى الدنيا ..
بس الانترنت .. و اوضتى الضلمة اللى بقعد فيها على النت .. منعزل 24 ساعة فى اليوم من خمس سنين و انا مبخرجش من البيت ابداً .. الواحد لم يقعد يفكر ..

لو طلعت دكتور و استموت فى المداكره .. حطلع دكتورو حقبض عشر تلاف جنيه ..
طيب البنت حتتجوزها من هنا و دول 5 سنين بس حتقضيها و بعديها شكلها حيبقى وحش جدا ..
ده لو حصل و بقا معاك فلوس .. الاكل بتستطعم بطعمه الحلو فى ساعتها و بعديها يبقى طعمه وحش اوى ..
يعنى كل حاجة فى الدنيا وحشة اوى اوى ..

الحمد لله ربنا من عليا و اتفرجت على افلام الكاتب هرون يحيى و اعجبت بيها جدا جدا ..
و زهدت فى الدنيا .. دلوقتى انا بكره المداكره و بدأت تراودنى افكار عجيبه غريبه اوى اوى ..
افكار عن عرش ربنا .. شوية احب العرش اوى اوى .. و شوية لم اعمل معصية احس انى بعيد اوى اوى بمشاعرى من العرش بحس انى مطرود .. ي اخوانا انا بحب نور ربنا اوى اوى .. انا بعشق نور ربنا .. انا اعترف انا اعمى بنور ربنا .. مش شايف غير الصفاء .. نفسى ابقى زى الملايكة .. العرش و النور و الصفاء ..

الافكار الغريبه اللى بتجينى انى بدأت اكلم نفسى يأس بشع فى الحياة .. بغض عظيم للجنس البشرى
انا بكره البشر .. و بكره عادتهم و بحب الملايكة .. الملايكة معندهمش دكر و انثى و معندهمش زواج ..
لان البشر عندهم البنت بتخون زوجها .. و لو زوجها مات ممكن تتزوج راجل ثانى .. و الراجل بيتزوج على زوجتة من دون مراعاة لمشاعرها .. و هنا اقول ان الزواج الثانى حلال من عند ربنا و اكيد ربنا هو اللى صح .. لان ربنا اداله شروط و منع الظلم .. بس انا بكره النظام البشرى .. يا اخوانا انا نفسى ابقى ملاك .. عند العرش


انا خلاص زهقان من الدنيا و اللى فيها .. انتم عارفين انى شاب .. شوية اقول لنفسى مش حتجوز .. و طبعا انتم عارفين الشباب .. ناااااااااار و الشهوه ناااااااااار ... و انا بكره الجنس البشرى و لو عصيت ربنا ..

نفسيتى بتبوظ لدرجة انى ممكن اعمل اى حاجة .. ببقى زى المجنون لو عملت معصية ..

انا بكره الدنوب و المعاصى .. بكرهها كره عمى .. انا عارف ان اى انسان فى الدنيا تحت صراع بين قوى النور و الظلام ..
النور هو نور ربنا اللى بيدفعه لعمل الخيرات و الظلام بيدفعه للشر .. انا عايز النور ..

انا مش عارف انا ليه بقيت شيخ .. هو انا عاصى و وحش .. و لا انا مع الملايكة .. انا عارف انا وحش ..
بس ربنا يرحمنى .. اان نفسى فى حاجات كتيره اوى اوى ..

لو بصينا مثلا للحاجات اللى انا عايزها .. حنلاقى ان طبيعتك البشرية هى اللى بتحتمها عليك ..
يعنى انت انسان .. و شاب و عايز تتجوز بنت جمييييييييييييييلة جدا جدا .. ليه .. لانك انسان و حب النساء فطرة فى الانسان .. طيب لو انت ملاك .. يبقى انت بتبحب نور ربنا .. و انت اعمى متعرفش حاجة غير النور و بس ..
النور و العرش و ربنا

يا اخوانا انا ساعات كنت بنام و بطغطى بالبطنيه من كتر الخشية لم قريت حديث عن عظم العرش .. من كتر الخوف
انا نفسى اشوف وجه ربنا .. بس حخاف اوى .. انا عارف انا حخاف .. لان ربنا عظيم و الكل يخاف منه ..
لدرجة ان جسمى مش حيتحمل انى اشوف ربنا .. ..

عارفين لم تحس انك تايه فى الكون .. القرءان بحس انه بيضحنى .. ايوه انا لم بسمع القرءان بحس ان حد بيحضنى ..
لانك كمخلوق حاسس بالضياع فى الدنيا .. ملل و خوف و هلع .. و القرءان يحسسك باصلك ..
لانك كلام ربنا .. ربنا اللى خلقنا هو اللى جبنا هنا .. انتم حاسين باللى انا حاسه ..
يعنى انت ولا حاجة و انا و لا حاجة .. و احنا كلنا و لا حاجة .. بس ربنا هو الحقيقة ا لوحيده و احنا مجرد وهم ..
ايوه احنا مجرد كيانات وهميه و ربنا هو اللى خلقنا ..
انا مش عارف .. انا كنت بقول لنفسى لو جه يوم القيامة و ربنا كان راضى عنى بطلب من ربنا انه يفنينى و ارجع ثانى من المكان اللى رجعته .. ارجع للفناء ..

و شوية اقول لنفسى انا باخد الجنة من ربنا لو رضى عنى .. و دخلنى الجنة .. و الجنة معروف ان فيها الحور العين ..
بس كده انت طبيعتك الانسانية هى اللى سيطرت عليك ..

و شوية اقول لنفسى انا حطلب من ربنا انه يجعلنى ملك مع الملايكة .. و يموتنى و يفنينى و يخلقنى من جديد من نور زى الملايكة و يكون عندى بهاء و نور زى الملايكة .. و يطهر روحى .. و ينفخ فيها من روحة ..

و لو عملت معصية .. ارجع من ده كلو ..... و كل حاجة تضيع .. الروح الطيبه تتحول لروح شريره ..

يا اخوانا انتم حاسين باللى انا حاسه انا ضايع ..


يا اخوانا انا فى بلاء عظيم .. انا المصايب نازله علي من كل مكان .. و عندى مشاكل اسرية كبيره .. و حياتى بايظة ..
انا مش بعترض على قضاءس ربنا و لا بتشكى ...


انا مش عارف هو اللى انا بعمله ده حرام .. انى بتكلم معاكم فى حاجات زى كده .. و ده ممكن يكون نوع مكن عدم الصبر ..

يخوانا .. انا تعبان بجد انا لم بعمل معصية نفسيتى بتبوظ ...... و بعيط و بزهق و حياتى بتبوظ .. ببقى عامل زى العيل الصغير اللى قتلوا ابوه و امه قدام عينه ...


انا مش عارف اقول ايه .. بس انتم اكيد بتقولوا علي مجنون .. بس انا مش مجنون