ردى على معظم الكلام اللى اتقال طول اليوم منكم لله

[PowerRangers]

بسم الله الرحمن الرحيم
اولا انا مش عارف ليه المواضيع زادت اوى كدة
وكل اللى ملهوش فيها بتدخل و بيدى حكم ومواعظ
انا الحمد لله مش مغرور ولا حرامى ولا بضحك على الجى ام الراجل الغلبان وبديله نوتسات
لأ بالعكس انا وبحمد الله بعد ما رجعت من الوقفه الأولى رجعت احسن من الأول واظن ان الخدمه اتحسنت كتير جدا
مع مراعاه انى انسان و مش فى كل وقت بكون موجود لكن على الأقل بقى ليه ميعاد محدد من 1 الظهر ل 7 بليل
وبعدين انا الحمد لله عارف قدرى ومكانتى كويس
لكن ميجيش اى حد ملهوش فيها ويدى فى كلام
وطبعا مفيش بنى ادم عندة دليل واحد ضدى حتى البنى ادم اللى بيقولى حوللى مبيعات
دة ولا حول ولا حاجه وانا كلمت الشركه وطبعا انا لو فيه شك فى حاجه انا بدفعها من جيبى
وطبعا طالما ملهوش حق مش حياخدةولا حتى بلوى الدراع المهم انا قلتله روح هات رقم الشريحه اللى حولت منها
طبعا جابلى رقم كلمت 6060 قاللى موصلش رصيد رصيد على الرقم دة
و طبعا فيه ناس كتير اوى بتحب كلام النسوان عالم فاضيه
قاعدة ترغى على الرغم من انى قلت انا نازل وحرجع بليل وقعدو يقطعوا فيه
يا عالم يا محترمه اللى عندة مشكله حتى لو موصلهوش سيلك دة ممكن يكون غلط من عندى او عندة
لكن مش معنى كدة انى حرامى حرام تتهموا اى حد بالباطل و طبعا اول ما رجعت والموضوع اتثبت بتاعى
كله بيفول انى كويس ومحترم ومبروك و لما واحد ملهوش لازمه من غير حتى ما يثبت انى اخدت منه 30 جنيه
ومشحنتلوش كله دخل و 4 او 5 مواضيع تقول طارق دة كذا والكلام الفاضى دة
فأنا حقول كلمه واحدة انا مش مغرور واللى يعرفنى من قريب عارف انا ايه و الحمد لله انا رزقى من على اللعبه
وعلى فكرة اللى محدش يعرفه انى خلاص بأذن الله حجزت القاعه عشان حتجوز يوم 7/12
و معنديش حاجه تانيه اصرف منها على نفسى غير اللعبه و طبعا انا عمرى ما حقبل على نفسى مال حرام والحمد لله
و طبعا اللى بيقولوا حرامى وانا معملتلهمش حاجه كلام وخلاص لو رزقى اتقطع حيشيلوا ذنب انهم ظلمونى
وبعدين انا مش حرجع اتقيم تانى انا عديت المرحله دى من زمان
وانا قلتها وبقولها اللى مش بيحينى او شايف انى حرامى او عندة تحفظ لأى سبب انا اللى بطلبها منه
ميتعاملش معايا واللى عايز يتعامل معايا اهلا بيه
وللعلم انا اللى بيفتكر انى بهدد انى ادى بلوكات
انا عمرى ما بدى لحد بلوكات عشان شتمنى مع انه اسهل مما يكن
حتى الأستاذ اللى قاللى موصلش وقلتله حديك بلوك عشان تبقى عبرة و و
مرضيتش أأذيه على العموم يا جماعه انا مش عايز شوشرة على اسمى وسمعتى
بسبب كام واحد ملهوش لازمه ولا ليه كلام معايا ولا يشرفنى انى اعرفهم
دلوقتى انا ببقى مشغول اة وبحمد الله بقابل حراميه كتير اة لكن لقمه حرام ابنى بيها بيتى بأذن الله لأ
ومش حسمح لحد انه يتهمنى بدون دليل
و بعدين فيه سؤال انا لو حسرق حد انا مش حسرقه فى 15 جنيه ولا 30 جنيه
انا طالما معايا الأى دى ممكن اجيب الباص وااخد اكونته والعب على الأقل بالأيتمس اللى تبقى معاه او الجولد ابيعه وابقى اغنى حرامى بجد فى السيرفر
دلوقتى و من غير ما اطول فى الكلام انا الموضوع دة رد على الكلام اللى قريت نصه عشان فيه مواضيع كتير
لو فيه اسئله او فيه مشكله عايزة تتحل كله بالأحترام وبالأدب على الرغم ان وبحمد الله مفيش مشاكل الا كل 3 او 4 ايام و بتكون غلطه فى اسم او حرف او اى حاجه
شكرا واسف انى طولت عليكم
واتمنى ان كل واحد يراعى ضميرة ويخاف ربنا عشان اتهام الأنسان فى شرفه حاجه كبيرة
عند ربنا وانا مش مسامح كل واحد قال حرامى عشان بجد انا مش وحش ولا نصاب انا راجل عايز اشتغل حاجه انا
بحبها ونفسى ربنا يكرمنى واشوف شغل تانى عشان مبقاش تحت رحمه شويه عيال يقولوا حرامى كله يصدق
ويقوله كويس كله يصدق مع ان المفروض اللى جرب هوا اللى يحكم
شكرررررررررررررا و اى اسئله انا موجود