<<<<<< موضوع هام للنقاش الجاد >>>> هل سيلكرود مكان مناسب للكلام عن الدين او السياسة

[abo hussien]

السلام عليكم ورحمة اللة وبركاتة ..
ازيكم يا شباب عملين اية ,واخبار الامتحانات اية
في موضوع كدة مواجهني اليومين دول وصراحة انا محتار فية . قولت اعرضو هنا وكل واحد يقول رأيو . بس اتمنى ان الاراء تكون جادة وموضوعية .
هل سيلكرود مكان مناسب للكلام عن الدين والسياسة ؟
هابدأ برأيي الذي يحتمل الصواب كما يحتمل الخطأ
باختصار كدة واجهني في الفترة الاخيرة بعض مشاكل بخصوص وجود واحد اسرائيلي معانا في اليونيون .والشباب رفعو راية الجهاد.وابتدو يشتمو في اسرائيل واليهود .وابتدت الدعوة ان احنا نتجمع كل المسلمين ونعملو سبوان كيل في لبي في بي .
وابتدت الناس تتكلم ان مينفعش يكون في واحد من اسرائيل معانا في اليونيون .
طبعا الناس الاجانب اللي معانا في اليونيون . بالنسبة ليهم الولد دة ولا لية في السياسة ولا في اي حاجة دة مجرد واحد بيلعب جيم بيستمتع بية وخلاص
خلاصة رأيي .....
1-سيلكرود بلا شك ليست مكان مناسب للكلام عن الدين . للاسباب التالية :
* كل الشباب اللي بتلعب سيلكرود ولا واحد فيهم متدين ولا هو مؤهل انة يتكلم عن الدين اصلا .فكل اللي هيحصل انو هيبوظ الدنيا اكتر ماهي بايظة .
*كل الاجانب اللي بيلعبو الجيم لاما معندوش دين اصلا .لاما عندو دين سواء مسيحي او يهودي بس بردو مش متدين ولا ملتزم بدينو . لان اللي ملتزم بدينو مش هيلعب الجيم دي اصلا . وطالما هو مش ملتزم بدينو يبق مش فارقة معاة انك تكلمو في الدين اساسا .
2- سيلكرود بلا شك ليست مكان مناسب للكلام عن السياسة للاسباب التالية :
* مغظم الشباب اللي بتلعب الجيم سنها صغير يعني ميفهمش في الساسة اصلا .والناس اللي سنها كبير وبتلعب الجيم .ثقافتها مختلفة عنك كل الاختلاف والاعلام هناك مصورلهم ومدخل في عقولهم صور غريبة .ومهما حاولت تغير الصورة دي بالنقاش معاهم مش هتقدر .سوف نكون امام فريقين كل فريق منهم مصمم على موقفة اللي هو نشأ واتربى علية اصلا . وانا جربت كتير قبل كدة .
*اليهود مدخلين في عقول الغرب ان اسرائيل دولة ضعيفة وسط العرب كلهم ولازم تحمي نفسها منهم . تخيل لما يجو في الجيم ويلاقونا ماسكين واحد اسرائيلي ينعمل فية كل دة . مش دة بردو هيكون تأكيد لكلام اليهود عن العرب ؟
*اليس من العار الا نستطيع فعل شيء في الحياة الحقيقية تجاة القضية الفلسطينية . ونهرب الى عالم الخيال داخل لعبة زي سيلكرود ونرفع راية الجهاد ضد اسرائيل في الوهم والخيال ؟
خلاصة القول ان هذا مجرد رأيي الشخصي الذي يحتمل الصواب او الحطأ
ارجو الردود الجادة والموضوعية . وشكراا..........