بخصوص الشاب المقتول في الاسكندريه

[fetera]

المشاركة الأصلية كتبت بواسطة del_piero عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ورحمه الله وبركاته
اولا : اخ bebo.40 انا من اول صفحه فى الموضوع عندى شك بنسبه 80% ان انت تبع الحكومه او ليك حد فى الحكومه الله اعلم انا مش بحكم عليك بكدة بس ملاحظ ان انت اكتر واحد بدافع عنها كتيير اوىى مش عارف ليه
ثانيا : انت بتقول ان الحكومه مخليانا بنام و احنا مطمنين دة كلام غلط ممكن تكون انت عايش فى الزمالك ولا حاجه ولا فى حتى مفيهاش شغب انزل تحت شويه انا من الهرم من الطالبيه , انزل وقت ما يكون فى خناقه اقسم بالله العظيم و حلفان اتحاسب عليه يوم الدين ان ولا حكومه ولا ناس تعرف تفض خناقه من اللى بتقوم عندنا هنا
قبل كدة من فترة حصلت خناقه ما بين جزارين والله الحكومه كانت بتتفرج عربيه النجدة كانت واقفه بعيد ولا هايو عليها تتدخل ولا حتى تتطلب قوة ولا ايه حاجه ادخلو بعد ما الدنيا خربت ودة اول موقف
تانى موقف : من حوالى 3 اسابيع حصلت جريمه قتل عندنا فى الطالبيه و الناس الى فى نطاق الهرم اكيد سمعو بيها و كانت مشهورة اوى الحادثه واحد قتل 2 وخلى واحد ما بين الموت والحياة دبح عارف يعنى ايه معنى الكلمه والله زى ما بقولك كدة و ناس كتير عرفت بيها و نزلت على النت يعنى انا مش بكدب فيا و دى تانى حاجه
تالت حاجه : من سنه كدة واحد لقيوة مقتول فى نص الشارع فى منطقه عندنا اسمها ترسا مقتول او متشرح حاجه زى كدة ازاى دة يحصل احنا بقينا فى مدبح ولا ايه حراام فعلا قتل النفس لوحدة جريمه حتى لو لم يعاقب عليها فى الدنيا
سوف يعاقبه الله فى الاخره , ولا قسم العمرانيه و اللى بيحصل فيهيا سلام حاجه ...... مش عارف اقول ايه الناس الى فى نطاق العمرانيه و الهرم و الجيزة و فيصل والناس دول كلهم اكيد عارفين كويس جدا يعنى ايه قسم العمرانيه و يعنى ايه حد يدخل جواة حتى لو بيعمل شكوى فى حد ما بالك بقى لما يكون داخل مقبوض عليه و اكتر من حادثه حصلت فى القسم دة ناس تموت و ناس تتقتل جوة القسم و بعد كدة يترمى برة زى ال*** ولا حد يعرف يجيب حق الغلبان الى مات بسببهم جوة , هاتلى اى حد يقدر يدخل القسم دة غير لما يكون محامى لو جيت تجدد البطاقه بتاعتك اكيد بتجددها من القسم والله والله بتاخد شتايم بالفاظ بزيئه و غير كدة كمان الضرب على ...... اكيد فاهمنها دة كله مش اختصاص الحكومه ولا انا غلطان .
انا مش بقول ان حسنى مبارك ابن و ابن و ابن لا هو ممكن يكون ميعرفش حاجه من اللى بتجرى تحتيه لكن التع.....يص كله من الناس اللى تحتيه و الحكومه و انا من مرشحيه فى الانتخابات مش علشان كويس ولا حاجه لا علشان واحد كلك و كل البلد احسن من واحد لسه هياكلك و احسن من واحد بنسبه 95% عميل امريكى و هو البرادعى .
طب وفين الحكومه من الغلاء اللى احنا فيه دة يا راجل دة حتى التموين اللى هو دعم من الحكومه بقى غالى فاضل ايه يعنى مبقاش فى حد رخيص غير ال بنى أدم كله حاجه غايله و بتزيد كل يوم عن اللى قبله .
ولا مثلا موضوع البطاقات الذكيه الى طلعلونا فيها دى كمان عملوها للمعاشات تصرف كدة و للمرتبات و للتموين كمان بدل البطاقه الورق . مثال يعنى واحد على المعاش يعنى سنه فوق الستين سنه هل كل الناس اللى فوق المعاش متعلمين او هيعرفو يتعاملو مع البطاقات دى فى صرف المعاش و زيهم اللى بيصرفه مرتباتهم هل كلهم متعلمين اكيد لا فى و فى بس اللى متعلم هيعرف يتعامل مع النظام دة ولا اللى كمان عملوها علشان يصرفو بيها التموين اغلب اللى بيصرفو التموين ناس كبيرة فى السن هل هيفهمو الموضوع دة بسرعه ولا ايه اكيد لا دة كفايه المنظر اللى شوفه يوم ما كنت مع صاحبى بنسلم البطاقه بتاعتهم فى نادى السلام فى الهرم واحد من اللى شغالين واحد ست كبيرة يمكن قد جدتى بتترجاه ان ياخد منها البطاقه علشان هيا اتأخرت عن ميعاد التسليم فبتقول له خدها منى و كان ناقص ان هيا تبوس ايده علشان هيا مش هتقدر تيجيى تانى والله كان هتبوس ايدة يقوم ال*** يفقل الباب فى و شها و يتف عليها ايه الجبروت دة يا حبيبى احنا فى مصر يعنى بلد الرشاوى و الوسائط
روح كدة ادارة المرور فى نكله و روح رخص عربيه اجرة و تجدد رخصتها او اى مصلحه عايز تقضيها هنا والله ما هتمشى غير بالفلوس و دة موقف حصل معايا انا شخصيا . انا مش بحب التعامل بالرشوة ( الراشى و المرتشى فى النار ) فبحب كل حاجه تبقى ماشيه تمام اروح للراجل علشان اجدد الرخصه يقوم قايلى مش هينفع ايه السبب مش عارف مع ان مل حاجه سليمه اتصل بالسواق يا عم مش راضى يقولى لاغيه ابعتله اى حاجه اروح اكلمه انا تحت امرك خلصى الورق و انا معاك برضه مش نافع قمت راجع روحت تانى يوم انا و واحد معرفه اول ما حه الراجل اللى الملف بتاعى عندة الفنجان بتاع الشاى بتاعه قالى روح هاتى شاى و بسكوت علشان افطر و بعد كل دة و هو بيخلص الرخصه 50 جنيه جوة الورق عايز ايه تانى والله العظيم مش عارف اقول ايه على حكومه البلد دى
ارجو الرد من الناس اللى هنا و منك انت كمان يا bebo.40 بس ياريت الردود مبقاش عاديه انا عايز حد يرد رد عدل يناقشنى فى اللى انا بقوله

واللة انت عندك 100000000*100 حق الى ايدو فى الجنة مش زى الى ايدو فى النار
هو pepo.40
نزل شوية كمان عند قسم السيدة زينب او الخليفة (البيت الابيض وربنا يبعدك عنو)او الدرب الاحمر حتغير كلامك الى انت كاتبو و بتشكر فية الحكومة الى بتحمينا
معلش هى لازم الحكومة تطلعو لا ارهابى او مسجل خطر او بتاع مخدرات .......الخ
الكلام الى انت عارفو بقى انا واللة مدايق اووووى بسبب الموضوع دات و متابعو على جميع الجرايد وكلها بتقول كلام غير الجريدة التانية لو انت متابع الجرايد والحادثة حتعرف الحقيقة
(ونشوف فيها يووووووووم ) اكيد انتو عرفنها