| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
03-06-2010, 02:54 AM
|
#1 | ||||||||||
  
|
انا اللي غلطان وابن تيت انا كنت ماشي ع البحر سرحان ف ملكوت ربنا وبغني عدّت بقربي عربيه سودا مسرعه كانت خلاص متر وتكلني انا قولت حاسب يابن تيت قالي ياض انت عبيط انا ابن تيت ؟ انت متعرفش انا ابن مين طب ارد انا واقوله ايه ماهو شاب سيس وشكل متعود عليه واقف قصادي مش شايفني الخمره عمياله عنيه والمزه قاعده بتترعش م الخوف عليه مسكت ايديه قالتله اركب بقا يا موتي ده واد سوفاج ومش سيوتبل اننا نرد عليه رد قال بس يا هايدي انا حوريله مقامه بيني وبينكم انا كنت بضحك جوا مني ورفعت حاجب غصب عني الغيظ قاتلني ايدي بتكلني نفسي افوقه م الدماغ اللي عملها والمزه قاعده الخوف قاتلها وهو خايف بس مش شايف ملامحي ماللي شاربه تفتكرو يفضل اد ايه واقف سي موتي وقفلو ساعه عمال يزعق ولا الاذاعه ويقولي هعمل وسوي فيك غلط ف امي فورلي دمي انا رحت متعزم ورزعه كف طرقع فوق قفاه سمعت اه منه وم المزه ف سعتها اصل انا كفي صعيدي مفيش اخوه هوب تليفونه اتفتح طلب ابوه قاله يا دادي في واد حمار ضربني وشتمني بمامي شكله حرامي ابعتلي حالا حد من عندك يلمه قاله خليك مكانك ياض يا موتي انا جاي حالا اشوف ابن ال*** دوت ايه ظروفه انا بس اشوفه وراح اطلع عين ابوه مقدرتش اتحكم ف نفسي ولقيت انا موتي بين ايديا بيخلص والناس فوقيا تصرخ وهوا بيفلفص عمال يقولي خلاص وانا مين يوقفني اصل السوهاجي حضر وما حد يعرفني اما الصعيد ينط ودماغي بتربس مبشوفش ادامي وعليه انا حخلص فجأه لقيت انا عربيه خضرا ولامؤخذه ومقفله الشبابيك انا قولت يمكن فيه غزوه للمامليك او يمكن فيه مظاهره او هجمه اخواني وايديا عارفه طريقها لوشه وهايدي بتصوت وهوا اه ياني لقيت انا ملو العربيه نايم فوقيه وعساكر الدنيا عليا واللي يضرب واللي يشتم لعنو سلسفين جدودي كل ده علشان سي موتي انا كنت واقف ولا اللي مستني تحويله للمفتي قالولي اركب ركبت وعمو باس موتي وعطاله استك وقاله متزعلش يا حبيبي خد هايدي واسهر بس اوعي تتاخر اه يادنيا رمينا ف جحر مليان طين وواقفه تتمسخر ع القسم دغري جرجروني وراح سي موتي يقضي يوم وانا م الملابس جردوني ووقفت م السقعه بموت والكف تلو الكف وشتيمه عنب وعمو واقف والفرحه ماليه عنيه لا والعجب عمو يطلع ف البوليس ورتبه تيجي كدا عميد انا باللي فاضل فيا من قوه وقفت علي حيلي وقلت يا باشا سبني اروح ألحق ابوس ايد سي موتي وبردو استسمح الست هايدي يمكن ننول الرضا مش ابنك اللي عبيط انا اللي غلطان وابن تيت |
||||||||||
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| وازي اعمل اتو ريس واتو بيت | MEZOmohamed | قسم الاستفسارات ومشاكل وحلول ال Sbot | 16 | 15-03-2017 12:53 AM |
| الأدمن المحترم اللى منزل الشرح المنتظر اللى فوق خالص انت غلطان بعد ازنك اتفضل هنا | Mondy77 | قسم المواضيع المكررة و المخالفة | 5 | 09-02-2012 03:47 PM |
العرض الشجري