يا رب نعقل !!!!!

[Eslam_lover]

بسم الله الرحمن الرحيم

مرة أخرى

طبعا احب أشكر المشرف المحترم سوبر مان للاسباب الاتية :

أولا / لانه رد على موضوعى السابق اللى بعنوان يا رب نفهم.

ثانيا / لانه أغلق موضوعى بدون وجه حق .

ثالثا / لانه اثبتلى انه تخلى عن دوره كمشرف .

رابعا / لانه هيحذف موضوعى دة كمان اللى بعنوان يا رب نعقل .

----------------------------
نتكلم بقى ونرد:

اولا يا باشا يا جناب المشرف المحترم انت بردك على الموضوع وانك تقول "انا مش هشوف الموضوع كله وأشوف غلطاتة" انا بعتبرها انك بتتخلى عن واجبك وعملك الرئيسى كمشرف لان وظيفة حضرتك هى :

1- انك تكون فى الاول عادل فى تصرفاتك وأفعالك

2- انك تعمل على رقى المنتدى وليس رقى نفسك

3- انك تكون واضح وصريح فى أقولك وافعالك

4- انك متكنش انسان متناقض يعنى النهاردة الموضوع دة عادى بكرة ميبقاش عادى

5- انك تتعب نفسك والا مكنتش دخلت فى مجال الاشراف علشان المنتدى يكبر يعنى معلش متقوليش انك مينفعش تدور فى كل الموضوع يعنى بالعربى كدة تستسهل وتروح غلقه بدون سبب او لسبب صغير ممكن نتفاداه ونشيله والموضوع ميتأثرش بحاجة انا معاك لو الموضوع مكرر يعنى اتعمل قبل كدة انمل مش واحد تعب وعمل موضوع ونسى حاجة بسيطة ممكن تتشال ومش هتسبب مشكلة تروح سيادتك وبكل بساطة تمسح الموضوع او تغلقة مدعي انه غلط كله وسيادتك متعرفش بقى العضو دة تعب قد أية علشان يعمل الموضوع ولا أي حاجة غير ان حضرتك تشوف نفسك فى إصدار القوانين الصارمة بصفتك مشرف.

----------------------
انا هقولك مثال للكلام دة كان فى موضوع اتعمل عن النادى الاهلى موضوع كبير بجد واللى عملو انا متاكد انه تعب فيه بس هو غلط غلطة انه قال "اراجوزات الاعلام خالد الغندور ومدحت شلبى" هى فعلا غلطة بس فيها أية لو حضرتك قريت الموضوع زيك زينا ولقيت الموضوع حلو جدا بس فيه شتيمة وروحت شايل الشتيمة من غيرمتعمل حاجة للموضوع علشان باقى الاعضاء تشوفو ....لكن الكلام دة طبعا فى الاحلام ازاى المشرف باشا يقرا الموضوع كله ويشوف الغلطات أية لا دة يغلق الموضوع ويستسهل والمصيبة مفيش أعضاء بترد طيب ليـــــــــــــــــــــــه ؟؟؟؟
المهم دخل موضوع الاهلى دة المشرف المحترم عمر 077 وشاف الموضوع وبعدين قال لا تعليق ...يغلق !!!!


________________________________________
انا طبعا بتأسف للمشرف سوبر مان انى برد عليه فى موضوع مش فى الخاص بس دة لانى بحب أتكلم قدام الناس وبعدين مش علشان حضرتك دخلت رديت عليا يبقى دة يديك الحق انك تمسح موضوعى لانى مش عاملة ليك انا عاملة علشان الاعضاء تتفاعل معى وأشوف رأيهم

ملحوظة أخيرة : انتم عارفين المشكلة فى أية المشكلة فى ان الاعضاء بتكتب مواضيع وهى حاسة وعارفه ان فوقيها مسؤلين ومشرفين ومراقبين فلازم يلتزمو انما المشرفين مين فوقيهم ؟؟!!!!!!!
العضو لما بيغلط محدش بيديلو فرصة يقول انا أسف لكن يتمسح موضوعو على طول انما المشرف لو غلط بيقول انا اسف لانه لو مقلهاش مفيش حاجة هتتغير ما هو محدش هيمسحلو مواضيع
ملحوظة اخرى : عيب الشعب المصرى انه مبيحبش يبان غلطان ولازم يبقى كل مرة هو الصح والباقيين غلط