₪₪₪»» موضوع للنقاش الجاد ««₪₪₪

[TURBO_MiX]

بسم الله الرحمن الرحيم


احلى سلام على احلى منتدى و اعضاء و مشرفين..



ندخل فى الموضوع

بصراحه يا رجاله انا فى مواقف بتحصل كل يوم قدامى و مش لاقى تفسير ليها وببقى هتتجن


دلوقتى انا واحد فى اولى ثانوى و طبعا ليا زمايل فى المدرسه كتير المهم كل يوم اشوف مناظر ما يعلم بيها الا ربنا

اولا : بشوف زمايل قدى فى المدرسه و شغالين فى الحمامات و قدام المدرسه سجاير و كدا و لما بيكون واحد فيهم عارفنى ببقى مكسوف اسلم عليه علشان محدش يفكرنى زيوا

مع العلم انى كونت بقول على نفسى صايع انى ممكن ابص على البنات و كدا

ثانيا : شوفت معكسات و حاجات انهارده من بردو ناس قدى بطريقه لو كافر مش هيقبلها .

و الداهيه الثالته بقى : بنات معانا فى دروس و بتبقى بتكلم حد صاحبنا و اشوفها بعدها بـ5 دقايق واقفه مع 5 -6 شباب تانين.

و الداهيه الرابعه : بعض زمايلنا اللى بيشربوا سجاير شفتهم انهارده و الحمد لله بيلفوا سجاير محشيه .....

متعرفش جابهم منين ولا ازاى و المصيبه انى لاقيتهم كلهم بيشربوا بدون استثناء .. بقيت مش عارف اقول ايه او اعمل ايه و المصيبه انهم بيعملوا كدا فى شارع عام قدام الدنيا كلها مش حتى مستخبين


انا مش عارف افسر دا ازاى ولا اعمل ايه انا دماغى هتنفجر

لو حد يعرف تفسير للزمن المنيل اللى بنعيشه دا يقولى انا جبت اخرى لما الدنيا كدا يبقى ايه لازمتها

لا حول ولا قوة الا بالله


شكرا