للمصريين فقط

[mig25]

فى الاول نقول



بسم الله الرحمن الرحيم

انا بقالى فترة ملاحظ فى المنتدى كتر التريقة من اشخاص معينة فى المنتدى على النظام و الحكومة و فى ناس بتيدهم من غير المصريين

السؤال الاول :- انت فرحان و انت بتشتم بلدك و باقول دى مليانة كوسة ؟ فرحان و انت بتسوء سمعتها و بتخلى اللى ميسوش يتكلم عن مصر ؟


انا مش عايش فى مصر بس مؤمن بنظرية لو عندى مشكلة فى بيتى مش حروح احلها مع الناس على القهوة

يعنى انا يا مشاكل فى بلدى مش حتطلع فى منتديات عربية او صحف عربية و اقول مصر مليانة فساد ولازم نطهر البلد

على اساس الدولة العربية اللى عطياك الحرية دى عطيهالك عشان انت موطن عربى حر

احب اقول اى قناة عربية او بلد عربى بتجيب مساوئ مصر لسبب واحد عشان تحاول تنزع الزعامة و تخليها عندها و اكيد كلنا عارفين البلد و القناة اللى انا اقصدهم بس دا مش موضوعنا


الموضوع الاساسى

احنا بنقول ان النظام مستبد و الحكومة فيها كوسة و فلان فاقرنا وعلان مشحططنا

دى فى حد ذاتها مش حرية فى دول تانية لو قالت الحكومة وحشة مش بيلقوهم فى البلد تانى يوم


الجزء التانى :- الاحترام

فى ناس بتنزل موضوع تريقة على العائلة الحاكمة و احب اقول من وجهة نظرى دى مش شخصيات محترمة انك تشتم رمز بلدك سواء كان حلو او وحش بس متقللش من احترام بلدك يا اخى راعى ان فى ناس عرب بيتلككوا لمصر عى اى حاجة


معلش انا اسف انا عن نفسى انا لما اروح ارشح حرشح الريس مبارك لو نزل الانتخابات

لسبب الراجل دا حماك من حروب من ازمات دولية

شوف مصر فى عهد الثورة دخلت فى حروب ضرت الاقتصاد المصرى

وشوف اللى ماسكها و قعد اكتر من 30 سنة حصل فيهم ايه داخليا و مطلعش يتفاخر باللى عمله و سكت يعنى لا حروب ولا ازمات مع الدول الاوروبية


الجزء الثالث :- ظاهرة البرادعى

من ساعة ما البرادعى قال انا حترشح لرياسة من اجل التغيير و لمؤاخدة شوية حمير على اغبية ماشيين وراه

و الصداع اللى جالى شارك من اجل التغيير - البرادعى مستقبل مصر - شارك من اجل التطوير مع البرادعى


من الاخر سؤال ايه هو برنامج البرادعى لما سيادته يمسك الرئاسة حد يعرف ؟ اتحدى لو حد يعرف ايه برنامجه الانتخابى لحد دلوقتى

سؤال للمناصرين ؟

البرادعى دا عاش فى مصر ؟ حاس بالناس اللى فى مصر ؟

حتقولى اه

حقول عليك كداب على طول الراجل من ساعة ما مسك الوكالة الدوليه ماجاش مصر ومفتكرش مصر و حريتها غير لما قالولوا كفاية عليك كدا


و طلع البرادعى يقول انا معايا شهادات مش مع رئيس عربى

من الاخر الشهادات بتاعتك دى ولا ليها لازمة معانا

حد يقدر يثولى لو حصل حرب حنلاقى البرادعى فين ؟

الاجابة جينيف

حد يقولى لو امريكا اقترحت مرة تانيا تتولى مسئوليات قناة السويس مقابل زيادة فى المعونات ايه حيكون رد البرادعى؟

القبول

حد يقولى لو حصل حرب مع اسرائيل تانى مين حيخطط للحرب عسكريا ؟

لو البرادعى الرئيس يقى عليه العوض



انا اسف اولا انا بتكلم باللغة العامية و ثانيا للموضوع الطويل على بعض الناس

وارجو من الشباب المندفع التفكير قبل ما ياخد اى خطوة

وارجو بلاش سب مصر و رموزها سواء حلويين او زفت