صباح التهيس .....اوعى تدخل

[Iam_Muslam]

افتكر قولتلك بلاااااااااااااااااااااااااااااش

يابن الحلال انت وهى ارجع احسنلك

طيب انت بقى اللى جبته لنفسك

خش يا عم بس ولا كأنك تعرفنى

.......................................

احنا النهارده هنعمل مسابقه حلوه قوى

واللى خايف يروح

وهى دى مصر يا عبله

وانتى من الاحرار يا سوسن

والرصاصه لسه فى جيبى يا حسن

وانا حسن الهلالى

والله انا مش عارف المسؤولين هيلاقوها من

اين من الشعب اللى مبيعجبوش العجب ولا

المعارضه اللى فاضيه

لحريق مجلس الشعب وخلافه وسيباها من

الانجازات الكبيره فى بحيرة البجع وافتتاح

الورشه القوميه لانتاج رباط الجزمه يا ......




انا بكرر اللى خايف يروح

المهم

شوية اساله واللى هيجاوب صح هياخد ...

هياخد ... انا مش عارف هياخد ايه

مش مهم>>>> المهم هياخد حاجه

السؤال الاول : الاستاذ اللى فى الاخر يصحصح 1- تحب ايه فى المواصلات يعنى تسافر او تروح فى ايه ولو ربنا كرمك ورحت مشوار هتروح ازاى هه هه.... ايوه الباشا اللى فى اخر يصحصح شويه والحلو المهندم اللى بيتكلم فى الز...قصدى فى الموبايل يركز معايا


واحد روش ومعاه يقوللك الطياره
اقولله برافو بس قبل ما تسافر اكتب وصيتك وسيب حاجه علشان انت
عارف الطيارات بتقع ومحدش بيسال عن اللى غرقوا وانت عارف ( الحكومه مش معاها تدفع تعويضات) (راجع حادثة الطائره البوينج على حدود الولايات المتحده الامريكيه ) وقالك ايه السواق انتحر اتشاهد واتوكل على الله اصله راكب كارو ولو انت مسنود هنرضيك بكام باكوا وهنشوفك ولا انت ابن ..... زينا كلنا هتاخد بالجزمه (امال احنا فاتحين المصنع ليه ) انت واللى يتشددلك سامعك بتقول حقوق الانسان ... اه حقوق الانسان دى عند طنط يا معسل ويجعله عامر


**************

واحد تانى يقولك السفينه واقعد مزاجى عنب وضهرى للترعه وتماام

طب افرض طلعت بتاعة ممدوح اسماعيل تانى وانت عارف سمك القرش مستنى ساعتك ومتخافشى على صاحب السفينه براءءه ... موت انت ومتحملشى هم ومتخفشى يا سيدى محدش

هيدور عليك ومش هنديك تعويض مش كده وبس اللى هيكلم من اهللك هننفخه ونظبطه ونروقه ونقطعله لسانه كمان احنا معندناش حد يكلم فى اى حاجه

*************

واحد تانى يقول ياعم فكها شويه القطر احسن من ده كله

اقوله زى قطر الصعيد اللى كان لازم الحكومه كلها تستقيل ( ايه التهيييس ده هو فيه حكومه بتستقيل ... استغفر الله العظيم انا بدات اخرف ولا ايه )

بس للاسف شالو مدير السكك الحديديه والوزير وسك على بنالتك بس انا معاهم المفروض انك تتنيل على عينك تقعد فى بيتك ايه

لازمته الشحطته فى البلاد وورجع الدماغ اهو بسببك الوزير اتشال منكم لله يا جدع منكم لله
..........................

واحد تالت يقولك العربيه حلوه لو متريش اشترى واحده لو مش لاقى

قضيها مواصلات

اقولك ماشى وربنا يستر الحوادث ماليه البلد اقوللك حاجه امشى على رجللك ده احسن علشان تنبسط طب افرض ربنا رزقك بسواق اعمى وسلملى على الترماى

.......................

طبعا السؤال الاول كله خد فيه صفر

مش مننا احنا ولا احنا السبب احنا مشتركين فى المهزله مشتركيين بوانا مالى

انت النهارده ملقش حد فى طيارة امريكا ولا السلام 98 ولا قطر الصعيد طب وبكره

انا اقوللك تعمل ايه

كبر دماغك 0... انتخ .... خدلك واحد بريل صودا ولا اقولك واحد سيمون

فاميه واسكلوب بانيه (محدش يسالنى فى حاجه )

ولو حد سالك انت شفتنى>>> قوله لا

وعلى راى المبدع دائما

عبد الباسط حموده
انا مش عارفنى انا تهت منى انا مش انا

انا تقريبا جعان بس لسه على نهاية الدوام ساعه



هو ايه اللى انا كاتبه ده

اه صحيح انا وعدتكم اللى هيجاوب صح هياخد

ومحدش جاوب صحح علشان كده انا اللى هاخد بالج.........

ولو غبت ابقوا اسالوا عليه 23 شارع ابو الليف جنب الشجره اللى قلبوها نخله بعد ما مصر خدت كاس العالم