|-وقفة بسفح الهرم لدعم اليتيم-|

[DEAMON]

السلام عليكم ورحمة الله وبركاته

ينظم المجلس الاعلي للاثار بالاشتراك مع جمعية الاورمان وقفة عند سفح الهرم يوم الجمعة الموافق 26 مارس دعما ليوم اليتيم العربي والذي يتم الاحتفال به في الجمعة الاولي من شهر ابريل من كل عام ومن المتوقع ان يصل غدد المشاركين في الوقفة حوالي 5000 طفل من مصر

طب أيه الجديد فى كدا ؟؟

أحب اعرفكم بنفسى الآول . أنا حسام . من مدرسة الاورمان الثانوية الفندقية. بكرداسة

حابب اوضح حاجات كتير جدا فى الخبر دا .


أولا : الـ 5000 طالب جميعا . من مدارس الاورمان ع مستوى مصر . مش هيجيبو ناس من برا خالص.
ثانيا : من بداية الترم الثانى وجميع مدارس الاورمان كانت عارفة الخبر دا . وكنا فعلا بنعمل بروفات داخل المدارس للعرض
ثالثا : من اسبوعين بدأنا نخرج لـ دريم بارك لعمل بروفات . لجميع مدارس الاورمان الفندقية جميعا .

رابعا : اخر بروفة تمت كانت انهردا بتاريخ 23/3/2010 فى دريم بارك كالعادة . بس كان فى مفأجاة جميلة اوى.

تخيلو لقينا مييين حضر البروفة بتاعتنا و غناااااااااااا . ؟؟ النجم الجميل بجد تــــــــــــــــامر حسنى

حضر معانا انهردا وكان يوووم جميل لما لاقناه وبجد كان دمه خفيف . عارفين لما بيقول كلمته المعروفة

( أيواااا هو دا ) قالها انهردا كتير وغنا عن مصر . والام وبعض من اغانيه الجديدة.

و العرض هيكون إنشاء الله فى الهرم يوم 26/3/2010 يوم الجمعة .

وهيحضر نخبة كبيرة من ممثلين ومغنيين مصر و بعض الوزراء .

منهم طبعا ( تامر حسنى , هشام عباس , والقدير : نور الشريف , وبعض من الممثلات لا اتذكر اى اسم حاليا بصراحة )

و حوالى 20 وكالة تليفزيون عالمية . لتصوير الحدث

و موسوعة جينيس لـ تسجيل اكبر رقم قياسى حققته مصر فى وقفة سلمية للأيتام.

و مكتب اليونيسيف الحالى بالقاهرة .

بجد هيكون تحفة اوى , كفاية الوقفة اللى هنعملها من أجل الايتام .

و فى العرض جميع الطلاب هتكون زى موحد , كاب و تيشرت أصفر او برتقالى . عليهم اعلان لاحد شركات المحمول .
مقدرش اقول الاسم هتشوفها بنفسكم


أنا مش كاتب التوبيك كـ خبر او إشهار ........ إلخ عشان بس اللى حابب يستفسر عن البروفات






================================================== ===============

--------------------------------------------------------------------------------

انهردا الاربعاء بتاريخ 24/3/2010 , إدارة مدرسة الاورمان ادتنا تعليمات بيوم العرض
1-عدم التحدث مطلقا مع اى شخص
2-عدم الالتفات لآى من الممثليين وكأنهم ليسو فى المكان.
3-عدم الهرج او الهزار . فى الوقفة لوجود اكثر من 20 وكالة عالمية تصوير مباشر !!
4-مدارس الاورمان جميعا هتجمع من 9 صباحا يوم الجمعة الموافق 26/3/2010فى الهرم و سيبدأ العرض الساعة 4:30 مساءا
جدير بالذكر طبعا ان فى المدة اللى من الصبح لحد الميعاد دا هيبدأ الاصطفاف و وقوف المجموعات بأماكنها وتسليم اللبس الخاص بالعرض

5- ادعولنا ربنا يوفقنا فى الوقفة للايتام و عدم الخطأ فى العرض لتسجيل رقم قياسى فى موسوعة جينيس

================================================== ===============

اليوم بتاريخ 25/3/2010 تم أجتماع لجميع مديرى مدارس الاورمان . الاجتماع كان فى مدرسة الاورمان الفندقية بكرادسة

1-تنبيهات شديدة غدا

العرض هيكون فى خلال 7 دقايق , بس خوفا من حدوث اى اخطاء من الطلاب

وبكرا انشاء الله الجمعة بتاريخ 26/3/2010 جميع طلاب الاورمان هيحضرو من الساعة 9 صباحا للاستطفاف

والعرض هيبدأ الساعة 4 ونصف عصرا , و جميع سفراء النواية الحسنة هيكونو متواجدين + هيكونو ممثلى لجنة التحكيم

مراقبة ع العرض من الامم المتحدة

- وزراء مصر جميعا حاضرين فى العرض للمشاهدة و على رأسهم رئيس الوزراء
- تامر حسنى , هشام عباس بعد العرض هيغنوو طبعا .
-نور الشريف - خالد ابو النجا - ليلى علوى - يسرا - و ومزيد لا افتكرهم حاليا بصراحة هيتواجدو هناك
- التصوير هيكون مباشر !! مش هيتسجل .. الخوف كله من المباشر دا .

كلمة ادارة المدرسة اليوم لينا لكل الشباب جميعااا

مجمل الكلام كله ( إوعو تخيبو أمل مصر. مصر معتمدة عليكو . العالم كله شايفكو ادام الاهرامات . اى غلط . العالم كله هيكون شايفنا . ساعتها هيقولو هما شوية العيال دول اللى معرفوش يقفو لمدة 7 دقايق . هما اللى اسمهم فراعنة وبنو الاهرامات . ) ياريت يا جماعة الكل يركز فى الكلام اللى اتقال من الادارة دا . بجد انا الكلام دا ادانى احساس انى لازم بجد اكون قد المسؤلية .

إن شاء الله بكرا هننجح وهنحقق الرقم القياسى لمصر . و نشرف بلدنا بكرا ان شاء الله