المسجد الاقصى سوف يهدم و نحن نائمون

[ForGet Me]

:(السلام عليكم و رحمة الله و بركاته

للأسف عندنا ظروف مأساويه فالقدس الشريف لم تحدث منذ فتره طويله
حنا نعرف ان الصهاينه عينهم على المسجد الاقصى و المتطرفين فيهم او اغلبهم عندهم رأي يديني ان هيكل سيدنا سليمان ابن سيدنا داود عليه السلام موجود تحت المسجد الاقصى :(

و انه عشان الحياه تنتظم دينيا و يأتي المسيح و اليهود يكونون فالسما لازم يلاقون هذا الهيكل و الهيكل باعتقادهم موجود تحت المسجد الاقصى .

و عشان يجيبون الهيكل لازم تهدم المسجد الاقصى و بعدين تحفر الاثاث و الارضيات و تحت عاد راح تلقى هيكل سليمان كما يعتقدون , كل هالكلام ماكانوا يتجرأون انهم يقولونه كثير او يطبقونه لكن حنا فهالايام نمر بايام صعبه جدا اليهود وصلوا لمستوى تهديد المسلمين و محاولة اقتحام الاقصى و التمهيد لهدم المسجد طبقا لرؤاهم حول اساطير الهيكل.

صحف العالم كلها تتكلم عن اللي قاعد يصير , طيب شلون يقدرون يتحلون المسجد و ينفذون لعبتهم القذره انا بقول لكم , يروحون جماعه من المتطرفين و يقولون نبي ندش المسجد الاقصى او باحة المسجد الاقصى يعني الساحه المؤديه للمسجد و يوم يروحون اليهود طبعن يلبسون اللحيه و الثوب حقهم و معهم التوارة و يبون يقرون و يدشون المسجد و يحتكون بالمسلمين , يقومون المسلمين يتصدون لهم لان هذا مسجد و مايصير انهم يدشون مسجد مسلمين و يسوون فيه جي . و عندما يتصدون لهم المسلمين تجي الشرطه الاسرائيليه و تقول : المتطرفين المسلمين ضربونا بالحصى و الحجاره و حنا جايين نحمي المتدينين اليهود المساكين الطيبين اللي جايين يصلون في باحة المكان .

و هذا هو اللي صار بالضبط من كم يوم راحت جماعه من المتطرفين الى المسجد و تصدوا لهم المسلمين و دخلت الشرطه الاسرائيليه و طوقت المكان و بهدلت الناس و اعتقلتهم و احتلت كل الاماكن المجاوره للمسجد الاقصى فبعض المسلمين راحوا و اعتكفوا اول امس بالليل و قالوا ماراح نطلع من المسجد لانهم خايفين يخرجون من المسجد و تدش جماعات يهوديه متطرفه و تاخذ المسجد الاقصى كله و تحتله .

و هم الحين يسوون انفاق فالاماكن القريبه من المسجد عشان يحوطونه و يقدرون يحتلونه و يهدمونه و اول امس قاموا باحتلال 2000 ( ألفين ) بيت بحجة انه البيوت مالها تراخيص و طردوا المسلمين من بيوتهم عشان يمهدون لاحتلام الاماكن الموجود قرب المسجد .

ارجو من كل مسلم فالقدس المحتله يروح المسجد الاقصى اليوم او باجر يعني خلال هذه الايام و يقعد داخل المسجد و مايخرج منه لان اخلاء المسجد بشريا قد يؤدي الى اقتحام اليهوديين المتطرفين للمسجد .

طبعن من مصيبه الى اخرى , قبل ايام اقتحموا مسجد بلال بن رباح و اعتبروه أثر من الاثار اليهوديه , طيب ليه ؟؟ !! لان هذا الجامع كان بيت رحيل اللي تزوجت يعقوب عليه السلام ابو سليمان , و طالما هذا بيت زوجة يعقوب و يعقوب هو اسرائيل و اسم اسرائيل كله على اسم يعقوب عليه السلام , معناته هذا أثر يهودي !! , ياجماعه هذا جامع بلال بن رباح صار له مئات السنين و جاءو هم و احتلوه و ضموه للاثار اليهوديه تحت دعوة خرافاتهم و انه هذا بيت رحيل زوجة يعقوب , و بعد احتلوا الحرم الابراهيمي فالخليل و الضربه الثالثه انهم داخلين مباشرة على المسجد الاقصى .

ادعو كل مسلم فالاراضي المحتله , كل مسلم فالقدس بل كل شخص ان يساند المسلمين فالاراضي المحتله , يجب ان تعتبروا ان الدفاع باجسادكم لابد ان يكون لهذا الامكان , حتى لو ادى الى الاستشهاد , يعني اذا ما استشدت في هذا الامر راح تستشهد ف شنو ؟؟ اما مسلمين اوروبا و امريكا لازم يسوون مظاهرات عشان تصير ضغوط دوليه على اسرائيل .

طبعن كل هذا قاعد يصير و اليونسكو راقده فالعسل و ماتدري عن شي و هذا لان المسؤول عنها غير مهتم و ترى اسرائيل قاعده تخالف جميع قوانين الينوسكو لانها تسلب منا مساجدنا , ارجو من الجميع ان يرسلوا رابط هذا الموضوع لكل الموجودين عندهم في الايميل او يسوون كوبي للموضوع و يطرشونه ع صندوق الوارد عشان المسلمين يقومون من رقادهم و يبدأون يتحركون و يدافعون عن اخوانهم , لمتى راح نظل نتكلم و بس ؟؟! كله كلام ف كلام , متى يجي وقت الفعل متى نبدا نتخذ موقف و ندافع عن وطننا .

ملاحظه : انا في غنى عن ردودكم السطحيه ( الله يعطيج العافيه , يسلمو ..ألخ ) و راح احذف اي رد ماله دخل بالموضوع .

و السلام عليكم و رحمة الله و بركاته :(