أعمل ايه يا رجالة.....بجد محتاج رأيكم

[AbdElLatif]

السلام عليكم

الموضوع ده هيبقى طويل حبتين فياريت تستحملوا عشان بجد أنا محتاج رأي ناس بحبهم

نبدأ بسم الله

الأسامي اللي هقولها دي مش حقيقية....بس الموضوع ده حقيقي....بس أنا متعمد مجبش أسامي الناس عشان لو أنا طلعت غلطان مبقاش ظلمت حد فيهم

من كام شهر كده....كنت أنا وواحد صاحبي إسمه فرضا أحمد كنا مشتركين مع واحد صاخبنا في النت إسمه زياد

كنا تمام لحد ما جه شهر الإمتحانات......دفعناله الفلوس مقدم و عادي الدنيا
بس لقيناه راح دفع الفلوس...و مجاش النت....و عرفنا إن والده إتصل وقف الخدمة قبل ب\ايتها عشان الإمتحانات

كنا في الوقت ده أنا و أحمد كنا لسه ضاربين بريميمات و تيكيتات و كده

قلنا مش مشكلة هنشوف حد تاني مدام والده مش عاوز يجدد النت

راح أحمد ياخد منه الفلوس قاله مفيش فلوس.....طب النت هييجي إنتى...مفيش نت

المهم حصلت مشكلة و البريميم ضاعت علينا

أنا عديت الموضوع لأن زياد ملوش دعوة هي مشكلة حصلت مع والده ....قلت عوضي على الله في البريميم و التيكيت عادي

بس أحمد كان مضايق عشان البريميم و الديفل اللي ضاعوا عليه





المهم.... إتنسى الموضوع ده ...و عدى كام شهر....و رجع أحمد و زياد صحاب عادي جدا

و كان أحمد و زياد الإتنين ويزاردات

فأحمد كان معاه لبس جاااامد جدا دجري 8 و 9 و 10

إشتراه منه زياد....كان زياد لابس دجري 8 على 9 بس كان معاه الإتنين

و أحمد قاله لما توصل للفل اللبس دجري 10 هديهولك

عشان كان لسه لابسه و بيستخدمه



جه بعد الإنتحانات لقينا الراجل والد زياد رجع النت و قالنا أنتم دافعين الشهر ده تعالوا

و دخل معانا واحد تاني إسمه محمد صاحبنا برضه بس مكنش معانا قبل كده

و بعدين الأمور إتظبطت و البريميمات إاتضربت و كله مظبط نفسه

جه كده بقى من 3 أسابيع زياد كان ضارب التيكيت بس و كان لسه مجبش البريميم..يعني معه سيلك البريميم في الأكونت بس مجبهاش


جه زياد قال لأحمد أنا مسافر خلي بالك من الأكونت أسبوع و سيبهولي بوت معاك عقبال ما أجي

"أحمد و زياد شركاء في الإس بوت"

المهم أحمد فعلا ظبط الأكونت في الأسبوع

و كان أكونت زياد طالع صاروخ.......قوي جدا و بيموت أعلى منه بـ 9 لفل أو أكتر 2 هيت

جه في يوم أحمد إتصل بيا قالي إلحق أنا إتهكرت و زياد إتهكر كمان

من ايه......بيقولي إديت لواحد لفل نووب جولد و شكله هكر عليا

طب و بعدين....قالي إن اللي هكر عليه قاله هات مليار و أديلك حاجتك

و قالي إنه شحن المليار خلاص و هيجيب حاجته تاني....مع العلم إن الجولد ساعتها كان في السما و المليار مان ب650 جنيه

سألته طب و زياد قالي معرفش الواد متكلمش

و فعلا أحمد جاب حاجته تاني من الواد

و أنا كلمت زياد قلتله قالي عوضي على الله و الحمد لله إنهم ماشافوش السيلك اللي في الأكونت

فقلت لأحمد على اللي حصل قالي مش مشكلة أنا هحاول أظبطه من تاني و مش مهم التيكيت

لما رجعت من السفر بقى عديت على أحمد في البيت....و كنا قاعدين نتكلم عادي و لقيت معاه جولد كتير مع إنه كان مفلس

قالي أنا خدت اللبس من الواد ب800 مليون و ده الباقي

و قالي أنا جبت حاجات جديدة و قعد يفرجني على اللبس الجديد اللي جابه

و قالي خش شوف الصور و أنا بموت فلان و ظبطه

و أنا بتفرج على الصور لقيت في وشي صورة من الأكونت اللي هكر أحمد و كان عارض حاجته

ففهمت إن ده كان حوار و إنه مشحنش مليار ولا حاجة و إنه لا إتهكر ولا حاجة و ده حوار عامله

قلتله ايه ده....لقيته قالب عبيط

المهم قعد يحور عليا أصل و فصل

طب و فين حاجات زياد......ده شاريها منك بفوق ال600 جنيه

قالي مش أنا اللي خدتهم و اللي خدهم مش هقدر أقولك على إسمه

المهم وقعته في الكلام و عرفت إنه محمد

و شرحلي إن محمد سرق زياد ...عشان زياد كان هكر محمد قبل كده

طبعا أنا عارف إن ده كذب زياد معملش كده و أنا متأكد 100% عشان أنا كنت بفتح زياد كتير و مكانش فيه حاجة خالص ولا إغتنى فجأة ولا أي حاجة..........و غير كده زياد عمره ما يعمل كده في أي حد....فمابالك صاحبه


و أحمد قعد يحكيلي بكل برود ولا متأثر ولا حاجة ....و أنا قاعد قدامه بغلي بس عامل نفسي منفض عشان أعرف كمان

لقيته بيقلي " محمد اللي هكره و متدخلش أنت عشان ميقولكش ملكش دعوة و تحرج نفسك"
سألته طب وليه إشتركت معاه قالي كنت عاوز أطلع مصلحة....و طلعت الستاف 80+7 و أكسسورس ]10 +5 فل بلو


و الباقي كله هما خدوه....اللي هوا روب دجري 8 و 9 و حتت من روب 10 بتاع أحمد اللي جاب غيرهم و أكسسوري و بلاااااااوي كتير جدا يجبلهم بتاع 1.5 مليار و أنت طالع

قلتله ماشي أنا هروح سلام

و ماشي عاوز أعوره بس ماسك نفسي لحد ما أعرف كل حاجة

و كان في حاجة قالهالي برضه" لو مكنش محمد هكره كنت ههكره أنا عشان البريميم اللي ضيعه عليا"

و كل ده كان لسه زياد مستأمنه و لسه مجاش من السفر

و عشان محدش يقولي زياد يرجع يتخانق و يجيب حاجته

هما أكتر و أجمد منه و بعدين محمد معاه 2 كمان

يعني كده أحمد و مجمد و 2 كمان على زياد

أنا مقلتش لزياد....مش عارف ليه والله.....يعني هو ميعرفش لحد دلوقتي إنهم هما اللي سارقينه

و دلوقتي أنا قطعن علاقتي بيهم بالرغم من إننا كلنا أصحاب في نفس الحي بقالنا أكتر من 15 سنة أصحاب

هما لسه بيحاولوا يكلموني بس أنا مش هكلمهم عشان مش عاوز أعرفهم تاني

بس أنا دمي بيغلي و مغلول ....عاوز أعمل حاجة

أنا ممكن أتخانق و هتبقى خناقه كبيرة و ممكن ناس تتعور.....و برضه الحاجة مش هتيجي بالخناق حتى لو ضربناهم

و ممكن زياد يجيب إبن عمه ...و ده واد جامد ....بس بيقولي لو جبته هيعورهم

و أنا ممكن أنسفلهم أكونتاتهم كلها عشان كل بيناتهم معايا

يعني معايا بينات الإيميل الضامن و السيكريت و كل حاجة ما عدا الباس

بس أنا مش عارف أعمل ايه

الواد صعبان عليا .....

و هما عمالين لحد دلوقتي يصرفوا في فلوسه

أعمل ايه يا جدعان .......... أنا بجد مصدوم و حيران.....

و صدقت اللي بيقول " مفيش صاحب بيتصاحب....كله بتاع مصالح"

و على فكرة زياد رجع لقى مفيش سيلك في الأكونت يعني صرفوا السيلك كمان لما قلت لأخمد في الأول عليه بطيبة نية مني

و أنا متأكد إنهم محرقةش السيلك بإنهم إشتروا حاجة و باعوها npc

أكيد جابوا بيها حاجة زي إمورتال مثلا ....يفتح أكونت زياد يحد الإمورتال في السلاح و ياخد السلاح و يقفل تاني

ده في أغلي الظن سبب إختفاء السيلك :(:(:(:(:(:(:(:(:(:(:(