::حافظ على موضوعك من النقل::

[Black_Bird]

بسم الله

شرح الطريقة :

ببساطة جدا .. وانت بتكتب موضوعك
تعالي عند نهاية الفقرات ... وحط الكود ده

[&COLOR=#fcfcfc]هذا الموضوع منقول من العضو ××× من منتدي Silkroad4Arab[/color]

وطبعا ما تنساش تشيل علامة & اللي قبل كلمة COLOR عشان الكود يشتغل صح
مع استبدل ××× ده باسم حضرتك

وكرر الحكاية دي مع 4 او 5 فقرات حسب حجم موضوعك
بس اهم حاجة ما تخليهاش لا في اول فقرة ولا في اخر فقرة

طبعا بعد لما تعتمد الموضوع بتاعك ...
الجملة دي محدش مش حتظهر ومحدش حيقدر يشوفها
لانها بالظبط نفس لون الخلفية

طبعا الاخ اللي حينقل الموضوع حيعمل تحديد لكل النص بتاع الموضوع
و حيعمل له Copy (وطبعا الجملة حيتم نسخها مع الموضوع) ...
وبعدين Paste هناك في المنتدي بتاعه

وطبعا محدش حياخد باله غير اللي حيقرا الموضوع ... ويعرف ان الموضوع ده ملطوش :D
وسعتها حيبقي شكله وحشششش
وممكن من ساعتها يحرم يسرق مواضيع وينسبها لنفسه
هذا الموضوع منقول من العضو Black_Bird من منتدي Silkroad4Arab

لو ما فهمتش المقلب ...
اعمل تظليل لـ 4 سطور من الفقرة السابقة
وانت حتفهم الفكرة

حيجي واحد ويقولي ...
طيب ماهو ممكن الشخص ده يكتشف العبارة ويمسحها من الموضوع .. يبقي عملنا ايه ؟؟

اقوله ببساطة ومن خلال خبرتي طوال 3 سنين في عالم المنتديات
ان 90% من حرامية المواضيع (علي حد التعبير) ما بيبذلوش اي عناء في تنسيق الموضوع من جديد او حتي يعملوا اي مراجعة عليه !!

وهو ده حال اي شخص بينسب مجهود الاخرين اليه