أفضل الطرق للوصول إلى لفل 100

[Whispers]

المشاركة الأصلية كتبت بواسطة just_warrior عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا على الموضوع الاكثر من رائع
بس انا عاوزك تجاوب على السؤال اللى انت سئلتو
لية مفيش مصريين او عرب لفل100 كتير؟
_pirates_

سؤال مهم جدا واجابته ممكن تزعل ناس وتيجى على الجرح يا صديقى لكن هجاوبه من وجهة نظرى ورزقى على الله .. اولا زى ما قلت قبل كده اخطر عيب انه الكل بيعمل اكتر من بيلد فى كل السيرفرات والسيرفر اللى يفتح معاه يقوم مديها فيه وطبعا محصلة ده ولا حاجة فى اى سيرفر وتضييع وقت على الفاضى وفى الاخر بيزهق وبيمشى وبعدين يرجع تانى ويكرر نفس الشىء وهكذا انما نتفرج على الاتراك بيعملوا ايه .. يدخلوا مجموعة كاملة .. جيلد واحد .. بارتيهات مع نفسهم بس ومحدش يدخل معاهم وطبعا بريميوم وبوت تلاقيهم 100 فى شهرين بالكتير .. بعد كده يبتدوا يعملوا بيلدات تانية تقوى من البيلدات الاولانية وطبعا بالتبعية جيلدات تانية وهكذا .. تبص تلاقيهم محتلين السيرفر بفضل التنظيم الجيد والتوحد .. النقطة التانية .. عيب العرب انهم يحبوا الرغى الكتير .. يحبوا يتكلموا اوى .. ويدخلوا فى التفاصيل .. انت اسمك ايه ؟ ساكن فين ؟ خالك اسمه ايه ؟ وطبعا فى النص بتلاقى تفاصيل مالهاش لزمة .. يقوم واخد الكلام على بعضه كده وحاطط عليه الملح والبهارات والحبشتكنات وينقله لناس تانية وهكذا ..تبص تلاقى خلال اسبوع قامت ستمية خناقة .. منهم اللى بيسيب السيرفر ومنهم اللى بيفضل وشايل جواه بقى وعايز ينتقم وكده ههههههه .. قال يعنى هيجيب الديب من ديله .. طبعا الكلام ده بيأخرنا سنين وبيخلينا مشتتين وعمرنا ما بنتفق .. اتمنى محدش ياخد الكلام على نفسه وكلنا فينا عيوب بس الصح انك تعالج عيوبك وتعترف بأخطائك عشان هو ده بداية الطريق لحاجة صح .. النقطة الاخيرة ان معظم العرب وخاصة المصريين ميحبوش يصرفوا على اللعبة ويشتروا بريميوم وبوت وكده وفى منهم بالفعل معندهمش الامكانيات لكده لكن النظرة دى خلال الخمس سنين اللى فاتت اتغيرت كتير وبقوا بيشتروا .. انا فى رأى هى دى الاسباباللى مخلية عرب ومصريين كتير مش بيوصلوا للفل 100 وفى النهاية اشكرك جدا على مداخلتك معايا :d