رسالة إلى Kurabika و كل الناس الي تعرفه

[كورابيكا]

بسم الله الرحمن الرحيم و به نستعين

أولاً آسف لإدارة القسم الموقرة على الموضوع الي ممكن يكون مخالف شئ ما

لكن بصراحة مفيش حل و انا صبرت كتير وما باليد حيلة !

وصلني من فترة كبيرة على الإيميل ان فيه شخص إسمه Kurabika
K كابيتل
على السيرفر الخاص أيا كان نوع السيرفر

قولت عادي .. فيه ناس كتير نفس النظام مش هو بس

لكن إتفاجئت ان واحد جاي يبعتلى موضوع بعنوان Kurabika سكامر
الموضوع داخل هذا القسم
طبعاً كاتب الموضوع بيقول إنه إتسرق من Kurabika و حاتط برينتات...إلخ..

إتفاجئت أن الي بعتلي الرابط مفكر إني انا هو Kurabika المقصود
ولما قريت الردود كمان حسيت ان بعض الناس تفكيرها راح لنفس الإتجاه مع الأسف...

يا جماعة انا عمري ما لعبت في أي سيرفر خاص ولا هالعب
معرفش شكله حتى
كل الي أعرفه عنه شوية معلومات من بعض الأصدقاء.. لكن عمري ما حاولت اجرب العبها
ولا فكرت في مرة أجربها

طبعاً حاولت اكتب رد على الموضوع و أقول يا شباب طبعاً دا كورابيكا تاني غيري
ولكن الموضوع كان مغلق

و دا رابط الموضوع
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

طبعاً انا اتنرفزت جداً و عديت الموضوع وقولت جايز ربنا يهديه و يبطل الي بيعمله
لأن الي بيعمله دا بيسئ ليا مش ليه بس

لكن من يومين كلمني شخص برضو و قالي انت بتلعب السيرفر الخاص؟
قولت : لأ
قالي : متأكد؟
قولت : لأ مش بلعب

قالي : اه بحسب.. اصل فيه واحد نصب عليا هناك إسمه على إسمك لكن أول حرف كابيتل

طبعاً دا كان واحد من العشرات الي مفكرين ان كورابيكا ( انا ) بيلعب السيرفر الخاص
و إنه حرامي و نصاب

طبعاً فاض الكيل و طفح , خصوصاً من 5 دقايق لما فكرت أكتب الموضوع دا

دخلت جوجل أدور على الموضوع الي كان بيقول Kurabika A Big Scamer
الي حتيط الرابط بتاعه فوق

إتفاجئت ان الراجل دا شهرته بقت مش داخل سيلكرود 4 عرب فقط
شهرته أصبحت على مستوى عالمي

مشهور بالفساد داخل أكتر من موقع و الناس كلها بتشتكي منه

فيهم الي ميعرفنيش و دا مش مسببلي مشكلة
و فيهم الي يعرفني و عارف اني مش بلعب في السيرفر الخاص و دا برضو مش مسببلي أي مشكلة
و مع الأسف فيهم الي يعرفني و مفكر إني نفس الشخص الي بيسرق في الناس داخل السيرفر الخاص

فياريت يا جماعة الي يعرف طريق البني آدم دا يوصلني ليه

وياريت و دا الأهم ان الناس تعرف اني عمري ما نصبت على حد
عمري ما لعبت سيرفر خاص
انا بلعب داخل Server Alps فقــط
و دا طبعاً في سيلكرود العاديه الي كلنا نعرفها
و أسمي kurabika
k سمال
و مش بلعب في أي سيرفرات أو ألعاب أونلاين أخرى

و دا أيميلي علشان لو الشخص المعني بالموضوع "Kurabika"
لو شوفت الموضوع دا ياريت تضيفني
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ولكم جزيل الشكر على حسن تفهم الأمر.

تحياتي للجميع