موضوع يهم الجميع

[Whispers]

أولا السلام عليكم ورحمة الله وبركاته
أنا اسمى فى الجيم The_Giant وصاحب جيلد ملوك النيل ( Nile_Kings )
بداية احب اقول كل سنة وانتم جميعا بخير بمناسبة السنة الجديدة واتمنى ان السنة الجديدة تكون خير على كل العرب مسلمين ومسيحين وأحب أهنى الأخ ساراجون وكل أعضاء جيلد Adventures على FW وهو بالفعل انجاز جميل وكبير واتمنى ليهم العديد من الانجازات التى تشرفنا جميعا كعرب .. مش هطول عليكوا .. انا دخلت الموقع هنا كتير واستمتعت بقراءة معظم مشاركاتكم وتعليقاتكم ولاحظت ان الكل متشوق الى وحدة للعرب عن طريق جيلد ولكن السؤال هو : ليه ما يبقاش اكتر من جيلد يجمعنا جميعا ؟؟ وليه ما يكونش معانا ناس من اجناس مختلفة ؟؟المهم تكون القيادة مصرية او عربية لان هو ده اساس التشريف لينا كلنا .. كتير منكم بيقولوا ان فيه خلافات كتير بين الناس وبين بعضيها وانا واحد من الناس اللى عندى خلافات مع البعض ولذلك قررت ان اى خلاف مع اى حد انا نسيته تماماوقررت افتح صفحة جديدة مع الكل وده بغرض تحقيق الهدف وهو ان احنا نتوحد .. مش معقول يا جماعة نكون عمالين نتكلم عن التوحد ونعمل عنه كل المواضيع دى والناس حوالينا بتتقدم ومتوحدة بالفعل واحنا مازلنا بنتكلم عن التوحد على انه فكرة صعبة التطبيق .. بس احب اقولكوا انها مش صعبة ولا حاجة بالعكس دى اسهل مما تتصوروا وده هيكون عن طريق عمل حاجات معينة : 1- إنكار الذات وبعد النظر الى الفكرة الاعم والاشمل . 2- عدم السب والشتيمة ودايما نظهر بمظهر لائق ومشرف 3- عدم نقل ونشر الاكاذيب والاشاعات بينا وبين بعض عن طريق ده قال وده عاد وده سوى . 4- الكرامة ودى اهم من اى حاجة يعنى نعتمد على نفسنا وعلى افكارنا ونبدع ونبتكر ( اذا كنت محتاج جولد مثلا فكر .. ابدع .. شوف طريقة تجيب بيها جولد من غير ما تقعد تشحت من اللى رايح واللى جاى وفى الاخر البعض بيعتقد انها نصاحة والمصيبة انه بيفتخر بكده ولكن اللى ميعرفوش انه بيظهر صورة سيئة للمجتعات العربية كلها ) ( مثال اخر : الناس اللى بتقعد تقول فرى تاكسى ليه متعملش بارتى مع اصدقائها .. وفى حلول كتير للموضوع ده ) والخلاصة ان الاخرين لما بيشوفونا محترمين وعندنا عزة نفس ومتحدين بينبهروا وبيكونوا نفسهم يكونوا جزء مننا وبيحاولوا ينضموا لهذا المجتمع الرائع . ولو فى مشاكل تانية برضة ممكن تتحل لكن اوعى تهين نفسك لانك بتهين معاك شعوب بحالها .. لو فكرنا بالشكل ده يا جماعة اوعدكوا هنكون احسن ناس فى الدنيا مش فى سيلك رود بس .. وعشان اثبتلكوا ده انا بدأت بنفسى وسيبت الجيلد بتاعى وانضميت لجيلد Kay لانه عرض عليا الفكرة بشكل جميل وقاللى تعالى معانا ونحاول فقلت وايه المشكلة نحاول تانى وتالت ورابع واكيد فى مرة هتظبط وقررت برضة انى اخلى الجيلد بتاعى للفلات الصغيرة .. وهو برضة يكون مكان يتجمع فيه كل اخواتنا واصدقائنا .. وفى النهاية انا مش بطلب من حد انه يسيب الجيلد بتاعه بل بطلب ان كل الماسترات بتوع كل الجيلدات يعملوا اجتماع هنا ويعملوا خطة تجمع الكل مع بعضه ويكون كل واحد فينا ولو ترس صغير فى آلة كبيرة .. وننسى خلافاتنا .. ونبطل الشتيمة وقلة القيمة .. ونعتز بنفسنا ونساعد بعض من منطق الصداقة والعروبة فقط .. أتمنى تكون الافكار عجبتكوا واشوف ردكوا هيكون ايه والسلام ختام .